លោក ស័ក្តិ៣ វ៉ន សុគន្ធ នគរបាលសេដ្ឋកិច្ចក្រសួងមហាផ្ទៃ ប្រចាំខេត្តស្ទឹងត្រែង យកឈ្មោះអគ្គស្នងការនគរបាលជាតិពង្រាយកម្លាំងប្រមូលលុយពីឈ្មួញ ដឹកឈើខុសច្បាប់
ខេត្តស្ទឹងត្រែង ៖
សកម្មភាពដឹកជញ្ជូនឈើខុសច្បាប់ទាំងតាមផ្លូវទឹក
និងតាមផ្លូវគោកក្នុងខេត្តស្ទឹងត្រែង កំពុងកើតមានយ៉ាងអនាធិបតេយ្យ
ហើយលោកស័ក្តិ៣ វ៉ន សុគន្ធ ជាប្រធានក្រុម
នគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ
ដែលចុះទៅប្រចាំការនៅក្នុងខេត្តស្ទឹងត្រែង
ក៏កំពុងសប្បាយពង្រាយមន្ត្រីជំនិតៗ
ឲ្យចុះប្រមូលលុយពីឈ្មួញរកស៊ីដឹកជញ្ជូនឈើខុសច្បាប់
ផ្ទុយពីបទបញ្ជារបស់អគ្គស្នងការនគរបាលជាតិ។
សេចក្តីរាយការណ៍ព័ត៌មានពីខេត្តស្ទឹងត្រែងបានឲ្យដឹងថា លោក វ៉ន សុគន្ធ
បានជួលផ្ទះស្នាក់នៅក្នុងខេត្តស្ទឹងត្រែងយ៉ាងឡូយឆាយ
ហើយគាត់បានចាត់តាំងមន្ត្រីជំនិត ឲ្យចុះចល័ត
នៅចំណុចអូរពងមាន់ទៅផ្លូវជាតិលេខ៧៨ និងពីចំណុចអូរពងមាន់
ទៅត្រឹមអូរគ្រៀង ទីដែលមានការដឹកជញ្ជូនឈើមកពីគ្រប់ច្រកល្ហក
ដើម្បីរាប់ក្បាលឡានយកលុយឈ្មួញធំៗ
បានទំនាក់ទំនងបង់លុយឬសុំការយោគយល់ដោយផ្ទាល់ពីលោក វ៉ន សុគន្ធ
ប៉ុន្តែសម្រាប់ឈ្មួញតូចតាចវិញតែងតែរងនូវការគាបជំរិតបង្ខំឲ្យ
បង់លុយដោយគ្មានការយោគយល់។
លោក វ៉ន សុគន្ធ ឈរជើងនៅទីរួមខេត្តស្ទឹងត្រែង
ដើម្បីប្រមូលលុយដុំពីក្រុមឈ្មួញដែលរកស៊ីដឹកជញ្ជូនឈើពីភាគខាងលើ
ដូចជាស្រុកសៀមប៉ាង និងស្រុកសេសាន
ស្រុកថាឡាបរិវត្តជាពិសេសជំនួញឈើខុសច្បាប់ដែលឈ្មួញដឹកជញ្ជូន
តាមផ្លូវទឹក និងតាមផ្លូវគាក សុទ្ធតែជាប់កាតព្វកិច្ចបង់លុយជូនលោក
វ៉ន សុគន្ធ ឈើ ដឹកជញ្ជូនឈើតាមផ្លូវទឹក និងតាមផ្លូវគោក
យ៉ាងគគ្រឹកគគ្រេង
គឺសុទ្ឋសឹងបង់លុយជូនទើបអាចដឹកបានដោយសុខស្រួល ។
អគ្គស្នងការនគរបាលជាតិអាចខកចិត្តខ្លាំងសម្បើមចំពោះការចាត់តាំងឲ្យ
លោក វ៉ន សុគន្ធ
ដឹកនាំកម្លាំងនគរបាលសេដ្ឋកិច្ចក្រសួងមហាផ្ទៃចុះទៅប្រចាំការនៅ
ខេត្តស្ទឹងត្រែង ដោយសារតែលោក វ៉ន សុគន្ធ
និងបក្ខពួកមិនបានអនុវត្តន៍តាមបទបញ្ជារបស់ថ្នាក់លើ
គិតតែប្រមូលផលប្រយោជន៍យកទៅធ្វើមានធ្វើបានផ្ទាល់ខ្លួន។
ផលប្រយោជន៍របស់លោក វ៉ន សុគន្ធ
ទទួលបានពីក្រុមឈ្មួញមិនដឹងជាយកទៅបែងចែកថ្នាក់ណាខ្លះទេ
ព្រោះគាត់បានប្រមូលលុយបំពានទៅលើជំនាញរបស់សមត្ថកិច្ចដទៃ
បង្កើតឲ្យមានទំនាស់ផលប្រយោជន៍ធ្លាប់មានការតវ៉ាមកថ្នាក់លើជា
បន្តបន្ទាប់ ប៉ុន្តែលោក វ៉ន សុគន្ធ នៅតែមានឱកាសឈរជើង
នៅចំណុចខេត្តស្ទឹងត្រែង នោះយ៉ាងរឹងមាំដដែល ។
នៅពេលមានការសួរនាំពីថ្នាក់លើលោកស័ក្តិ៣ វ៉ន សុគន្ធ
ជាប្រធានក្រុមនគរបាលប្រឆាំង បទល្មើសសេដ្ឋកិច្ចក្រសួងមហាផ្ទៃ
ដែលចុះទៅប្រចាំការនៅក្នុងខេត្តស្ទឹងត្រែងតែងតែទម្លាក់កំហុស
ទៅលើឈ្មោះ នី ម៉ៅ ឈ្មោះ នី ម៉ៅ ជាអ្នករ៉ាប់រងមិនមែនគាត់ទេ ។
ករណីខាងលើនេះប្រជាពលរដ្ឋទាមទារអគ្គស្នងការនគរបាលជាតិគួរពិនិត្យនិង
មានវិធានការណ៍ចំពោះកូនចៅខិលខូចឈ្មោះ វ៉ន
សុគន្ឋដែលយកតួនាទីជាប៉ូលីសប្រឆាំងបទល្មើសសេដ្ឋកិច្ច
ក្រសួងមហាផ្ទៃដើរបង្ខំឲ្យពួកឈ្មួញបង់លុយឆៅៗ
ដែលជាទង្វើរខុសច្បាប់យ៉ាងច្បាស់ក្រឡែត៕ ដោយចិត្តមុត
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567