រយៈពេល៤ខែនេះរដ្ឋបាលព្រៃឈើចុះបង្ក្រាបបទល្មើសព្រៃឈើបានចំនួន២៤៩ករណីក្នុងរយៈពេល៤ខែនេះ
ថ្ងៃ ច័ន្ទ ទី12 ឧសភា ឆ្នាំ2014 ម៉ោង10:19
ផ្នែក: សន្តិសុខ និង សង្គម
ភ្នំពេញ
៖
រដ្ឋបាលព្រៃឈើនៃក្រសួងកសិកម្មរុក្ខាប្រមាញ់និងនេសាទបានចុះបង្ក្រាប
បទល្មើសព្រៃឈើសត្វព្រៃនិងបទល្មើសការកាប់រានដីព្រៃដោយបានបញ្ជូន
ទៅតុលាការចំនួន២៤៩ករណីនៅក្នុងរយៈពេល៤ខែដើមឆ្នាំ២០១៤នេះ។
យោង
តាមរបាយការណ៍ប្រចាំខែមេសាឆ្នាំ២០១៤របស់ក្រសួងកសិកម្មរុក្ខាប្រមាញ់
និងនេសាទបានឲ្យដឹងថា
ក្នុងចំណោមបទល្មើសចំនួន២៤៩ករណីនោះមានការឃាត់ខ្លួនជនជាប់ចោទនិង
ដកហូតវត្ថុតាងមួយចំនួនដូចជាឈើមូល ជ្រុងបាន១៥៣,២៧ម៉ែត្រគីបឈើអារចំនួន៤៣៧,០៧៨ម៉ែត្រគីបឈើក្រាក់ក្រញូងបានចំនួន១៦,៨៦២ម៉ែត្រគីបនិង១៣៥៤គីឡូនិងអនុផលព្រៃឈើព្រមទាំងសម្ភារៈផ្សេងៗមួយចំនួននិងដកហូតព្រៃឈើដែលបានកាប់រាន២២៦,៣០០ហិកតា។
របាយការណ៍
ដដែលនោះបានឲ្យដឹងទៀតថា
ក្នុងរយៈពេល៤ខែដើមឆ្នាំនេះដែររដ្ឋបាលព្រៃឈើចំណូលបានមកពីវិស័យ
ព្រៃឈើមានចំនួន២៨៩៤៩០៣០៥១រៀលនិងផ្តល់សេវាសាធារណចំនួន៩៦៤៤៥,៧៣ដុល្លានិង៣២៨២៦៤០៧៥៦រៀល។ គួរបញ្ជាក់ថា ឆ្នាំ២០១៣កន្លងទៅរដ្ឋបាលព្រៃឈើទទួលបានចំណូល៦៣៣២២៦៧៤២៤០រៀលស្មើនឹង២៩៥,២៧ភាគរយនៃផែនការកើនជាងឆ្នាំ២០១២ចំនួន១៥៥,១៦០ភាគរយដែលនៅឆ្នាំ២០១២ទទួលបានចំណូលតែ៣៣៤០៩៤២៣៨១១រៀល។
ព្រៃឈើបានគ្របដណ្ដប់ជាង៧០%នៃផ្ទៃដីសរុប១៨០.០៣៥
គីឡូម៉ែត្រការ៉េរបស់ប្រទេសកម្ពុជា កាលពីអំឡុងទសវត្សរ៍ឆ្នាំ១៩៦០។
ក៏ប៉ុន្ដែការកាប់បំផ្លាញជាច្រើនទសវត្សរ៍ចុងក្រោយ នេះ បានធ្វើ
ឲ្យព្រៃឈើនៅក្នុងប្រទេសនេះទទួលរងការហិនហោចយ៉ាងខ្លាំង។
យោង
តាមក្រុមមន្ត្រីនៃអង្គការក្រៅរដ្ឋាភិបាលបានឲ្យដឹងថា
ការបំផ្លាញព្រៃឈើនៅក្នុងប្រទេសកម្ពុជាបង្កដោយការលួចកាប់ដោយ
ខុសច្បាប់ជាទ្រង់ទ្រាយពាណិជ្ជកម្មបង្កដោយការរានព្រៃសម្រាប់ការ
ធ្វើកសិកម្មនិងសម្រាប់បង្កឡើងដោយការផ្ដល់ដីសម្បទានសេដ្ឋកិច្ចហើយ
ការបាត់បង់ព្រៃឈើនឹងធ្វើឲ្យប៉ះពាល់ដល់ជីវភាពប្រជាពលរដ្ឋដែលពឹង
អាស្រ័យនឹងអនុផលព្រៃឈើនិងប៉ះពាល់ដល់ការប្រែប្រួលអាកាសធាតុផងដែរ៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567