បទល្មើសព្រៃឈើនៅស្រុកកែវសីមា ឈានដល់ដកកាំភ្លើងភ្ជង់អភិបាលស្រុក ហើយផ្ទះឈ្មួញឈើដ៏ធំនោះត្រូវសមត្ថកិច្ចឡោមព័ទ្ធ
ថ្ងៃ ព្រហស្បតិ៍ ទី15 ឧសភា ឆ្នាំ2014 ម៉ោង17:26
ផ្នែក: ព័ត៌មានជាតិទូទៅ
មណ្ឌលគិរី៖ថ្មីៗនេះបើទោះបីជាមានការបង្កើតគណ:កម្មការចំរុះ ដើម្បីរួមគ្នាទប់សស្កាត់បទល្មើសព្រៃឈើនៅស្រុកកែវសីមាតាមដងផ្លូវ ជាតិលេខ៧៦ យ៉ាងតឹងរឹងក៏ដោយ ប៉ុន្តែបទល្មើសដឹកជញ្ជូនឈើខុសច្បាប់នៅ
តែកើតមានដដែលដោយបទល្មើសនៃការដឹកជញ្ជូនឈើខុសច្បាប់នេះបានឆ្លងកាត់ស្នាក់ការអភិរក្សជីវះចំរុះ
សីមានិងឆ្លងកាត់គណ:កម្មការចំរុះបានយ៉ាងរលូនពុំទាន់មាន សេចក្តីរាយការណ៍ណាមួយបញ្ជាក់ថាបទល្មើសឆ្លងកាត់រួចចំណុចខាងលើនោះ ត្រូវសូកប៉ាន់លុយកាក់ឬយ៉ាងណានោះឡើយ។
បើតាមប្រភពណ័ត៍មានចេញពីមហាជននានានៅតំបន់នោះបានរាយការណ៍មកថា សព្វថ្ងៃនេះបទល្មើសការដឹកជញ្ជូនឈើប្រណីតគឺត្រូវបានគេដឹកជញ្ជូន ចេញពីតំបន់ស្នូលព្រៃអភិរក្សជីវះចំរុះសីមា ស្រុកកែវសីមានិង
ស្រុកអូររាំងដូចជាកាប់ រំលុំនៅចំណុចភូមិ ហ្គាទី យីវ អណ្តូងក្រឡឹងពេលគេដឹកជញ្ជូនឆ្លងកាត់មុខស្នាក់ការ
អភិរក្សជីវះចំរុះស្រុកអូររាំង ស្នាក់ការចំណុច១៦៤ (ហៅ៦៤) អធិការស្រុកកែវសីមា ស្នាក់ការអភិរក្សជីវះចំរុះ
សីមាស្រុកកែវសីមាឆ្លងកាត់គណ:កម្មការចំរុះដូច្នេះបទល្មើស ដឹកជញ្ជូនឆ្លងផុតពីមន្ត្រីបីរើការនៅស្នាក់ការខាងលើបានយ៉ាងរលូន បែបនេះត្រូវបានគេសង្ស័យថាឈ្មួញនឹងមន្ត្រីខិលខូចអាចត្រូវដង ត្រូវផ្លែគ្នាហើយមើលទៅ។ម្យ៉ាងវិញទៀតបើគេនិយាយពីសមត្ថកិច្ចវិញគឺ នៅចតរថយន្តត្រៀបត្រាពេញដងផ្លូវជាតិលេខ៧៦ រងចាំទទួលផលប្រយោជន៍ពីបទល្មើស។ប្រជាពលរដ្ឋនិងឈ្មួញរកស៊ីដឹកជញ្ជូន ឈើបានរាយការណ៍ប្រាប់
ថាសព្វថ្ងៃនេះនៅស្រុកកែវសីមាគេឃើញ ឈ្មោះ ឆាន់ ចាំង មានតួនាទីជាសមាជិកក្រុមប្រឹក្សាស្រុកប្រចាំស្រុកនេះបានជិះរថយន្ត ប្រមូលលុយពីឈ្មូញរកស៊ីឈើគ្របៗគ្នាគ្មានចន្លោះអ្នកណាម្នាក់ឡើយ ហើយលុយដែលមន្ត្រីរូបនោះប្រមូលបាននោះត្រូវបានគេខ្សឹបខ្សៀវដាក់ ត្រចៀកគ្នាថាយកទៅបែងចែកជាមួយថ្នាក់លើ។ ជាក់ស្តែងនៅព្រឹកថ្ងៃ១៥ ខែឧសភា ឆ្នាំ២០១៤នេះសមត្ថកិច្ចចំរុះដឹកនាំដោយលោក សោ វុទ្ធី បានធ្វើការឆែកឆេរលំនៅឋានរបស់លោក សួរ មារិទ្ធ នៅភូមិឆ្នែង ឃុំ ស្រែខ្ទុម ស្រុកកែវសីមាសមត្ថកិច្ចរកឃើញឈើប្រណីតនាងនួន និង បេង ប្រមាណជាង១០ម៉ែត្រគូប តាបឈូស១ រណាខ្សែ ១ រថយន្តឆ្នៃ ១គ្រឿង បច្ចុប្បន្នជំនាញកំពុងធ្វើ
ការជញ្ជូនយកមករក្សាទុកនៅផ្នែករដ្ឋបាលព្រៃឈើស្រុកកែវសីមាដើម្បីចាត់ការបន្ត។
បើតាមសេចក្តីរាយការណ៍បានឲ្យដឹងថា កាលពីរំលងអធ្រាត្រឈានចូលថ្ងៃចូល១៥ ខែឧសភានេះ អ្នករកស៊ីដឹកឈើខុសច្បាប់រូបនោះ បានដកកាំភ្លើងភ្ជង់លោក ស៊ិន វណ្ណវុឌ្ឍន៍ អភិបាលស្រុកកែវសីមាទៀតផង ដែលករណីខាងលើនេះកំពុងធ្វើការប្តឹងផ្តល់គ្នាទៅវិញទៅមក៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567