ឈើតំបន់ដែនជម្រកសត្វព្រៃភ្នំឱរ៉ាល់ប្រឈមនឹងការរលាយហិនហោច
ដោយ ៖ ប៉ឹម ពិន|ថ្ងៃទី 09 ឧសភា 2014 ម៉ោង 09:46:20
នៅក្នុងអង្គប្រជុំនានាឯខេត្ដ ពោធិ៍ សាត់ថ្នាក់ដឹកនាំខេត្ដបានស្ដីបន្ទោសទៅ លើស្ថាប័នជំនាញដូចជារដ្ឋបាលព្រៃឈើ រដ្ឋបាលជលផលដែលបណ្ដែតបណ្ដោយ ឱ្យមានបទល្មើសព្រៃឈើឬបទល្មើស នេសាទក្នុងដែនសមត្ថកិច្ចរបស់ខ្លួន ។ ប៉ុន្ដែសម្រាប់បទល្មើសព្រៃឈើក្នុងដែន ជម្រកសត្វព្រៃភ្នំឱរ៉ាល់ខេត្ដពោធិ៍សាត់ ត្រូវគេអះអាងថា មិនស្ថិតក្នុងដែន សមត្ថកិច្ចនៃការទទួលខុសត្រូវរបស់រដ្ឋបាលព្រៃឈើ ឬអាជ្ញាធរដែនដីនោះទេ ប៉ុន្ដែស្ថិតនៅក្រោមការទទួលខុសត្រូវ របស់សមត្ថកិច្ចដែនជម្រកសត្វព្រៃភ្នំ ឱរ៉ាល់ ខេត្ដពោធិ៍សាត់, មន្ទីរបរិស្ថាន ខេត្ដពោធិ៍សាត់ដែលមានក្រសួងបរិស្ថានជាអាណាព្យាបាល ។
ប្រភពព័ត៌មានពីប្រជាពលរដ្ឋដែល ជាអ្នករកស៊ីចូលព្រៃកាប់ឈើបានឱ្យដឹង ថា ពេលដែលពួកគាត់បទេះចូលព្រៃ ដោយមានតែរទេះទទេមួយគ្រឿងត្រូវ បង់លុយឱ្យសមត្ថកិច្ចបរិស្ថាននៅទីនោះ ជាទឹកប្រាក់១៥ម៉ឺនរៀល ។ បើនៅលើ រទេះមានម៉ាស៊ីនកាត់ឈើ(ត្រង់សឺន័រ) ត្រូវបង់ប្រាក់ឱ្យមន្ដ្រីបរិស្ថានដែលប្រចាំ ការនៅទីនោះ១៥ម៉ឺនរៀលទៀត ។ នៅ ពេលចុះពីព្រៃមកវិញដែលមានដឹកឈើ មកជាមួយនោះត្រូវបង់ប្រាក់ឱ្យមន្ដ្រី បរិស្ថានជាទឹកប្រាក់១៥០ដុល្លារ ។
ប្រសិនបើមិនបង់ប្រាក់ឱ្យទេ រទេះ គោដែលដឹកឈើនោះនឹងត្រូវរឹបអូស យកឈើទៅទុកនៅកន្លែងមន្ដ្រីបរិស្ថាន នោះ ។ ឈើដែលចរាចរណ៍ ឬនិយាយឱ្យ ខ្លីប្រសិនបើប្រជាពលរដ្ឋដែលទទួលបញ្ជា ពីឈ្មួញឱ្យចូលព្រៃដើម្បីកាប់ឈើ បាន ឈើហើយមិនបង់ប្រាក់ឱ្យមន្ដ្រីបរិស្ថាន ដែលប្រចាំការនៅទីនោះទេ គឺមិនអាច ចេញរួចពីព្រៃនោះឡើយ ។ ឈើដែលដឹក តាមរទេះចេញតាមឃុំឈើតុំ ឬឃុំ ស្វាយស ស្រុកក្រគរ ខេត្ដពោធិ៍សាត់។
ប្រភពពីអ្នករកស៊ីដឹកឈើប្រណីត ចេញពីព្រៃមកលក់ឱ្យឈ្មួញនានាបានឱ្យ ដឹងថា មន្ដ្រីបរិស្ថានដែលជំនាញខាង ចាប់ឈើយកលុយដោយមិនញញើត ច្បាប់ត្រូវគេដឹងថា មានឈ្មោះ ភួង ស្រៀវ ប្រធានស្នាក់ការដែនជម្រកសត្វ ភ្នំឱរ៉ាល់ ។ វិធីមួយទៀតគឺលោកចាប់ ឈើទាំងឡាយណាដែលមិនបង់ប្រាក់ ដោយយកឈើដែលល្អៗទៅលាក់ ហើយ ធ្វើរបាយការណ៍ឈើដែលអន់ៗចុះក្នុង បញ្ជី ។ ប្រភពរាយការណ៍ថា ឈើមួយ ចំនួនត្រូវបានដឹកចេញមកផ្ទះយាយប៉ុន និងតាមល់ ស្ថិតនៅក្បែរស្ពានដែក ក្នុង ស្រុកឱរ៉ាល់ ខេត្ដកំពង់ស្ពឺ ។ ឈើទាំង ឡាយដែលចាប់បានច្រើនតែធ្វើសកម្ម ភាពនៅចំណុចអំពិល ស្ថិតក្នុងឃុំសន្ទ្រែ ស្រុកភ្នំក្រវាញ ខេត្ដពោធិ៍សាត់ ។
ឆ្លើយតបនឹងប្រភពព័ត៌មានខាងលើ នេះលោក ភួង ស្រៀវ បានបដិសេធថា ព័ត៌មានទាំងឡាយខាងលើនេះមិនត្រឹម ត្រូវទេ ប្រសិនបើអ្វីៗដូចខាងលើមែន លោកមិនជិះម៉ូតូដូចសព្វថ្ងៃនេះឡើយ ។ លោកមានប្រសាសន៍ថា “គ្មានទេបង អើយ វាចេះតែថា បើបងចង់ដឹងមក មើលទើបដឹងច្បាស់” ។ លោកបានបន្ថែម ថាលោកខិតខំធ្វើការខ្លាំងណាស់ ពិសេស ពាក់ព័ន្ធនឹងការបង្ក្រាបបទល្មើស ។ ប៉ុន្ដែ វាពិតជាមិនអាចធ្វើបានគ្រប់ជ្រុងជ្រោយ នោះឡើយ ពីព្រោះតែ “កម្លាំងតិច” ។ លោកទទួលស្គាល់ថាមានបទល្មើសកាប់បំផ្លាញព្រៃឈើនៅក្នុងដែនរបស់ ខ្លួន ប៉ុន្ដែលំបាកក្នុងការបង្ក្រាប។
លោកបានបន្ថែមថា អ្វីដែលបាននិង កំពុងកើតឡើងនៅក្នុងដែនសមត្ថកិច្ច របស់លោកគឺលំបាកបង្ក្រាបណាស់ ។ រីឯ ការដែលថា សមត្ថកិច្ចរបស់លោកយក ប្រាក់ពីឈ្មួញដឹកឈើនោះ លោកស្រៀវ និយាយថា “អ្នកដឹកឈើក្រហមធ្វើផ្ទះ គេឱ្យថ្លៃបាយទឹកបន្ដិចបន្ដួច ប៉ុន្ដែអ្នក ដឹកឈើប្រណីតគ្មាននរណាគេឱ្យយើងទេ បងអើយ” ។
ប្រភពពីប្រជាពលរដ្ឋនៅក្នុងសហ គមន៍អះអាងថា សកម្មភាពកាប់បំផ្លាញ ព្រៃឈើនៅក្នុងដែនជម្រកសត្វភ្នំឱរ៉ាល់ កំពុងតែកើនឡើងគួរឱ្យកត់សម្គាល់ ។ មន្ដ្រីរដ្ឋបាលព្រៃឈើត្រូវគេអះអាងថា មិនបានចូលទៅក្នុងតំបន់ដែនជម្រក ដែលស្ថិតក្រោមដែនសមត្ថកិច្ចរបស់ ជំនាញបរិស្ថាននោះទេ ។ ប៉ុន្ដែនៅពេល ដែលឈើនោះត្រូវបានដឹកចេញពីក្នុងព្រៃ ចាំបាច់ត្រូវតែបង់ប្រាក់ឱ្យមន្ដ្រីរដ្ឋបាល ឈើជាចាំបាច់ ។
គេ រំពឹងថា បញ្ហានេះស្ថាប័នជំនាញ ជាពិសេសក្រសួងបរិស្ថាននឹងពិនិត្យ បញ្ហាខាងលើចៀសវាងការរិះគន់ពីប្រជា ពលរដ្ឋថាក្រសួងមិនបានយកចិត្ដទុក ដាក់អំពីបញ្ហាដែលប្រជាពលរដ្ឋព្រួយបារម្ភ ។
លោក ប៉ាន់ មរកត នាយកដែនជម្រក សត្វភ្នំឱរ៉ាល់មិនអាចទាក់ទងដើម្បីសុំ ការបំភ្លឺបានទេ ។ ជាមួយគ្នានេះប្រធាន មន្ទីរបរិស្ថានខេត្ដពោធិ៍សាត់មិនឆ្លើយតបក្នុងរឿងនេះឡើយ ៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567