អជ្ញាធរខេត្តស្ទឹងត្រែងមិនអាចធ្វើការទប់ស្គាត់ជំនួញឈើខុសច្បាប់របស់យាយព្រឿង |
ចុះនៅថ្ថៃៈ 14-09-2013, 12:13 PM, ចំនួនអ្នកអានៈ 447ដង |
/ ជ័យជំនេះថ្ងៃ៧មករា
ស្ទឹងត្រែង
៖ ការដឹកជញ្ជូនឈើ ខុសច្បាប់ មកពីស្រុកសៀមប៉ាង និងស្រុកសេសាន
ចូលមកទីរួមខេត្តស្ទឹងត្រែងដែលមានសកម្មភាព ទាំងយប់ទាំងថ្ងៃ
ជាពិសេសក្នុងរដូវទឹកដំឡើងនេះ មានការដឹកជញ្ជូនឈើតាមផ្លូវទឹក
យ៉ាងអនាធិបតេយ្យ និងគគ្រឹកគគ្រេងតែអជ្ញាធរខេត្តស្ទឹងត្រែងក៏ដូចជា លោក
អ៊ីវ ឯកសាវត្តី
ជានាយខណ្ឌរដ្ឋបាលព្រៃឈើហាក់ដូចជាស្ពឹកត្រគាកក្នុងការ
យកចិត្តទុកដាក់បង្ក្រាប
និងទប់ស្កាត់ការរកស៊ីដឹកជញ្ជូនឈើខុសច្បាប់របស់ក្រុមឈ្មួញ
ឲ្យមានប្រសិទ្ធភាពនោះទេ ហើយនៅពេលរដ្ឋមន្ត្រីក្រសួងកសិកម្ម
មិនសប្បាយចិត្តចំពោះភាពអនាធិបតេយ្យ នៃការដឹកជញ្ជូនឈើខុសច្បាប់
នៅក្នុងខេត្តស្ទឹងត្រែង គេសង្កេតឃើញលោក អ៊ីវ ឯកសាវត្តី
តែងតែរាយការណ៍ភូតកុហកថ្នាក់លើ ដើម្បីបិទបាំងអំពើគុករលួយរបស់ខ្លួន។
មន្ទ្រីរាជការនិងប្រជាពលរដ្ឋនៅខេត្តស្ទឹងត្រែងបានលើកឡើងថា ក្រៅពីឈ្មួញរកស៊ីឈើជាច្រើននាក់ យាយព្រឿង នៅតែជាឈ្មួញរកស៊ី ដឹកជញ្ជូនឈើខុសច្បាប់ ទ្រង់ទ្រាយធំជាងគេ បើទោះបីជាពេលខ្លះ គេសង្កេតឃើញយាយព្រឿង ដើរលេងល្បែងប្រជាប្រិយក៏ដោយ ក៏គាត់មិនដែលភ្លេចជំនួញឈើ ខុសច្បាប់ម្តងណាឡើយ ហើយពេលខ្លះឃ្លាំងនៅក្រោយផ្ទះ របស់គាត់ជាប់មាត់ទន្លេ ដែលពីមុនមានការដឹកជញ្ជូនឈើ យកទៅស្តុកទុកនៅទីនោះ បែរជារក្សាភាពស្ងៀមស្ងាត់មិនមានការដឹកឈើចូលទៀតទេ។ ប៉ុន្តែនៅពេលឈើរបស់យាយព្រឿង បញ្ជូនមកពីស្រុកសៀមប៉ាង និងស្រុកសេសាន មកដល់ក្រុងស្ទឹងត្រែង គាត់បានរៀបចំរថយន្តយីឌុប ហើយឲ្យកម្មករលើកឡើងពីទូក ដាក់ចូលក្នុងរថយន្តយីឌុប ដើម្បីដឹកជញ្ជូនចេញទៅលក់នៅប្រទេសវៀតណាម ឆ្លងកាត់ខេត្តក្រចេះ គ្មាននរណាហ៊ានប៉ះពាល់ឡើយ។ បរិវារបស់យាយព្រឿងមួយចំនួន ព្រោះតែចង់យកគាប់យកគួរ បានអួតអាងថា យាយព្រឿង បានដកខ្លួនចេញពីការរកស៊ី ដឹកជញ្ជូនឈើខុសច្បាប់ហើយ ប៉ុន្តែរូបភាពពិតយាយព្រឿង គ្រាន់តែដកឃ្លាមិនប្រឡូក ជាមួយជំនួញឈើខុសច្បាប់ដោយផ្ទាល់ គឺគាត់បានបែងចែកឲ្យ ប្អូនស្រី និងក្មួយជាអ្នកចេញមុខ ឯរឿងរត់ការបង់លុយឲ្យសមត្ថកិច្ចពាក់ព័ន្ធ យាយព្រឿង នៅតែចេញមុខដដែល។ មួយរយៈចុងក្រោយនេះ មន្ត្រីធំៗនៅក្នុងក្រសួងកសិកម្ម ទទួលបានព័ត៌មានទាក់ទិន នឹងភាពមិនប្រក្រតី ហើយនិងអំពើពុករលួយ របស់មន្ត្រីជំនាញរដ្ឋបាលព្រៃឈើប្រចាំខេត្តស្ទឹងត្រែង ដែលបានឃុបឃិតឲ្យក្រុមឈ្មួញធំៗ រកស៊ីដឹកជញ្ជូនឈើខុសច្បាប់យ៉ាងអនាធិបតេយ្យ ទាំងយប់ទាំថ្ងៃដែលទាមទារឲ្យ លោករដ្ឋមន្ទ្រី សារុន ត្រូវតែចាត់វិធានការជាបន្ទាន់អំពីបញ្ហានេះ៕ |
CHRTF
Business and Investment Watch Project
We organize people movement fight for land, forest and other natural resources back from private company and urge government to review legal framework, mechanism, character, attitude, practice and policy.
Please help to support us for activity via ACLEDA Bank Account: 1800-20-531133-1-2
Please help to support us for activity via ACLEDA Bank Account: 1800-20-531133-1-2
Saturday 14 September 2013
Yeay Proeung_STT
Thursday 12 September 2013
កែវ សុទ្ធី OCIC
Olympia City នឹងបញ្ចប់គម្រោង ទី១ នាឆ្នាំ ២០១៦
លោក ម៉េង ចំរើន ប្រធានក្រុមវិស្វករសាងសង់ទីក្រុងស៊ីវិល័យ Olympia City បានប្រាប់ថា នៅពេលនេះក្រុមហ៊ុនកំពុងសាងសង់ផ្ទះហាង (ផ្ទះលក់ទំនិញនៅផ្នែកខាងក្រោម និងខុនដូនៅពីលើ) គឺ ខុនដូ S1, S2, S3 និង S4 ដែលស្ថិតក្នុងគម្រោងដំណាក់កាល ទី១ ដោយដំណាក់នេះគ្រោងនឹងបញ្ចប់នាពាក់កណ្តាលឆ្នាំ ២០១៦ ខាងមុខ។ ដោយឡែកដំណាក់កាល ទី២ ដែលរួមមានផ្សារទំនើបកម្ពស់ ៧ ជាន់ Olympia Plaza និងខុនដូ S5 នោះ នៅពេលនេះក្រុមវិស្វករកំពុងខួងគ្រឹះ ហើយនៅពាក់កណ្តាលឆ្នាំ ២០១៤ ឬដើមឆ្នាំ ២០១៥ ទើបចាប់ផ្តើមសាងសង់ រីឯដំណាក់កាល ទី៣ ក្រុមហ៊ុនមិនទាន់បានកំណត់ពេលសាងសង់នៅឡើយទេ។
លោកបានថ្លែងថា៖ «ការសាងសង់ដំណាក់កាល ទី៣ ដែលមានអគារកម្ពស់ ៤៥ ជាន់ និង៥៥ ជាន់យើងមិនទាន់កំណត់ថា នឹងចាប់ផ្តើមនៅពេលណានោះទេ ព្រោះពេលនេះយើងកំពុងសិក្សាពីតម្រូវការ និងស្ថានភាពនយោបាយជាមុនសិន»។
លោកបានបន្តទៀតថា៖ «គម្រោងដំណាក់កាល ទី៣ រួមមានអគារកម្ពស់ ៤៥ ជាន់ និង ៥៥ ជាន់ចំនួនពីរដែលជាបណ្តុំអគារពាណិជ្ជកម្ម សណ្ឋាគារ អាផាតមិន និងអគារការិយាល័យ»។
កញ្ញា ឡុង សុភ័ក្រ ប្រធានផ្នែកលក់នៃគម្រោងទីក្រុង Olympia City បាននិយាយថា ក្នុងចំណោម ខុនដូ ទាំង ៥ អគារ អគារ ខុនដូ ទី១ ដែលមានផ្ទះសរុបចំនួន ៣៩០ យូនីត មកដល់ពេលនេះក្រុមហ៊ុនលក់អស់ ៩០ ភាគរយហើយ អគារខុនដូ ទី២ ដែលមានផ្ទះចំនួន ៣៥៨ Unit លក់អស់ជាង ៦០ ភាគរយ ចំណែកខុនដូ ទី៣ ទី៤ និងខុនដូ ទី៥ ក្រុមហ៊ុនមិនទាន់ដាក់លក់នៅឡើយទេ។ កញ្ញាបានបន្តទៀតថា ចំណែកផ្ទះហាងដែលមានផ្ទះសរុបចំនួន ១៥៨ ផ្ទះនោះមកដល់ពេលនេះលក់បានប្រមាណ ៩០ ភាគរយហើយ។
ផ្ទះហាងក្នុងគម្រោង នេះគឺរាប់ចាប់ពីជាន់ ទី១ ដល់ ទី៤ ហើយចាប់ពីជាន់ ទី៥ ឡើងទៅ គឺជាខុនដូ។ នៅក្នុងបរិវេណផ្ទះហាងជាបណ្តុំនៃកន្លែងលេងកម្សាន្ត កន្លែងហាត់ប្រាណ អាងហែលទឹក និងក្លិបកម្សាន្តជាដើម។
កញ្ញា សុភ័ក្រ បានប្រាប់ទៀតថា ខុនដូដែលស្ថិតនៅក្នុងគម្រោង Olympia City ទាំងអស់មានតម្លៃចាប់ពី ៧០.០០០-៤៣០.០០០ ដុល្លារសហរដ្ឋអាមេរិកក្នុង ១ Unit ខណៈគម្រោងសាងសង់ខុនដូទាំងអស់គ្រោងនឹងបញ្ចប់នៅពាក់កណ្តាល ឆ្នាំ ២០១៦ ខាងមុខ។
ទោះជាយ៉ាងណាកញ្ញា សុភ័ក្រ បាននិយាយផ្ទុយពីលោក ម៉េង ចំរើន ដោយកញ្ញាបានប្រាប់ថា អគារកម្ពស់ ៤៥ ជាន់ និង ៥៥ ជាន់ ដែលគ្រោងនឹងប្រើប្រាស់ធ្វើជាសណ្ឋាគារ អាផាតមិន និងអគារការិយាល័យនោះនឹងបន្តការសាងសង់ជាបន្តបន្ទាប់នៅពេលខាង មុខ ព្រោះពេលនេះក្រុមវិស្វករជំនាញកំពុងសិក្សាពីគុណភាពដី មុនចាប់ផ្តើមដំណើរការសាងសង់។
លោក កែវ សុទ្ធី ជំនួយការអគ្គនាយកក្រុមហ៊ុន OCIC ដែលជាម្ចាស់គម្រោងវិនិយោគទីក្រុង Olympia City មានប្រសាសន៍ថា៖ «ភាពជោគជ័យរបស់គម្រោង Olympia City ដោយសារវាស្ថិតនៅចំទីតាំងល្អកណ្តាលរាជធានីភ្នំពេញ និងមានតម្លៃសមរម្យ»។
លោកបានបន្ថែមថា៖ «យើងផ្តល់លក្ខខណ្ឌពិសេសដល់អតិថិជន គឺអតិថិជនអាចបង់ប្រាក់មុនត្រឹម ៣០០០ ដុល្លារប៉ុណ្ណោះ ហើយការបង់រំលស់ឆ្នាំ ទី១ គឺយើងតម្រូវឲ្យអតិថិជនបង់ក្នុងមួយខែ ៥០០ ដុល្លារ និងចាប់ពីឆ្នាំ ទី២ ទៅអតិថិជនបង់ ១ ខែ ៥៥០ ដុល្លារ»។
លោក គីម ហ៊ាង នាយកក្រុមហ៊ុនអចលនទ្រព្យ មានប្រសាសន៍ថា គម្រោងនេះល្អ លក់បានច្រើនព្រោះក្រុមហ៊ុនវិនិយោគគម្រោងនេះបានផ្តល់លក្ខខណ្ឌបង់ ប្រាក់រំលស់ ពិសេសដល់អតិថិជនដែលមានលុយច្រើន ដោយមានតម្លៃជាមធ្យមក្នុងមួយម៉ែត្រការ៉េត្រឹមតែ១៥០០ ដុល្លារប៉ុណ្ណោះ ហេតុនេះមានអតិថិជនចាប់អារម្មណ៍ចំពោះគម្រោងនេះច្រើន។
លោកបានបន្តថា៖ «គម្រោងនេះពិតជាល្អដោយសារវាមានទីតាំងលេខ ១ ក្រុមហ៊ុនសាងសង់លេខ ១ ប៉ុន្តែចំណុចខ្សោយរបស់វាគឺទ្រព្យនេះមានរយៈពេលត្រឹមតែ ៩៩ ឆ្នាំប៉ុណ្ណោះ៕
Subscribe to:
Posts (Atom)