ទំនប់វារីអគ្គិសនី ដនសាហុង របស់ឡាវ គំរាមកំហែង ដល់ជីវិតសត្វផ្សោត ទន្លេមេគង្គកម្ពុជា
5
Google +0
0
0
0
ភ្នំពេញ:
របាយការណ៍សង្ខេបថ្មីមួយ របស់អង្គការ WWF
បានព្រមានថា ការសម្រេចចិត្តរបស់រដ្ឋាភិបាលឡាវ
ថានឹងសាងសង់ទំនប់វារីអគ្គិសនី ដនសាហុង ដែលមានទីតាំងនៅភាគខាងត្បូង
ប្រទេសឡាវ អាចនឹងជំរុញឲ្យសត្វផ្សោត ដែលជាប្រភេទសត្វ រងគ្រោះ ថ្នាក់
ជិតផុតពូជដំបូងនោះ កាន់តែឈានទៅបាត់បង់ពីទន្លេមេគង្គ។
ទំនប់វារីអគ្គិសនី ដនសាហុង
ស្ថិតនៅចម្ងាយប្រមាណតែមួយគីឡូម៉ែត្រប៉ុណ្ណោះ
នៅខាងលើទីជម្រកស្នូលរបស់សត្វផ្សោត។
របាយការណ៍ WWF នៅថ្ងៃទី១៩ ខែកុម្ភៈ ឆ្នាំ២០១៤នេះ បានលើកឡើងថា បើយោង តាមរបាយការណ៍សង្ខេបថ្មីមួយនេះ ក្រុមអ្នកសាងសង់ទំនប់វារីអគ្គិសនី គ្រោងនឹងបំបែកថ្មីក្នុងទន្លេ ក្នុងបរិមាណរាប់លានតោន ដោយប្រើប្រាស់រំសេវផ្ទុះ ដែលគ្រោងបង្កើតឲ្យមានរលកសំឡេងខ្លាំង ជាកត្តាអាចនឹងធ្វើឲ្យសត្វផ្សោតងាប់បាន ព្រោះប្រព័ន្ធទទួលរលកសំឡេងរបស់សត្វផ្សោត មានលក្ខណៈងាយប្រឈមនឹងការរំខានណាស់។ ការកើតឡើងនៃចរាចរទូក បំរែបំរួលនៃគុណភាពទឹក និងការខូតខាតទីជម្រក សុទ្ធសឹងជាហានិភ័យផ្សេងៗទៀត ដែលប៉ះពាល់ផ្ទាល់ដល់សត្វផ្សោត ស្របពេលដែលហេតុប៉ះពាល់ ដោយប្រយោល រួមមានការរំខាន់ ពីសំណាក់សកម្មភាពមនុស្ស និងភាពតប់ប្រមល់របស់សត្វនេះ មកបូកផ្សំគ្នាបន្ថែមទៀត។
លោកឈិត សំអាត នាយកអង្គការ WWF បានមានប្រសាសន៍ថា ការសាងសង់ទំនប់វារីអគ្គិសនី ដនសាហុង នៅត្រង់ច្រកមួយ ដែលស្ថិតនៅខ្សែទឹកខាងលើ ចំពីលើតំបន់សត្វផ្សោតរស់នៅ អាចនឹងពន្លឿនការបាត់បង់ របស់សត្វផ្សោត ប្រភេទនេះពីទន្លេ មេគង្គ។ ហេតុប៉ះពាល់ នៃទំនប់វារីអគ្គិសនីនេះ ទៅលើសត្វផ្សោត ប្រហែលមិនអាចកាត់បន្ថយបានទេ ជាពិសេសបើផ្អែកលើផែនការ គ្មានច្បាស់លាស់ និងប្រកបដោយកង្វះខាងព័ត៌មាន ដែលក្រុមអ្នកសាង់សង់ បានសរសេរឡើង ជាផ្នែកមួយនៃការវាយ តម្លៃ ហេតុប៉ះពាល់បរិស្ថានរបស់គម្រោងនេះ។ យើងសូមសំណូមពរយ៉ាងទទួលដល់សម្តេចអគ្គមហាសេនាបតីតេជោ ហ៊ុន សែន ស្នើសុំឲ្យមានការផ្អាកការសាងសង់ទំនប់ដនសាហុងនេះ នៅក្នុងឱកាសជំនួបកំពូល រវាងប្រមុខរដ្ឋ ក្នុងក្របខ័ណ្ឌនៃគណៈ កម្មការ ទន្លេមេគង្គ នាខែមេសាខាងមុខនេះ។
សត្វផ្សោតទឹកសាប ទន្លេមេគង្គ ទទួលរងការគំរាមកំហែងជិតផុតពូជ ហើយចំនួនរបស់វា បានធ្លាក់មកនៅប្រមាណ ៨៥ ក្បាលប៉ុណ្ណោះ កំពុងរស់នៅក្នុងទីជម្រក តាមបណ្តោយទន្លេមេគង្គ មានចំងាយ ១៩០ គីឡូម៉ែត្រ នៅចន្លោះភាគខាងប្រទេសឡាវ និងភាគឦសាននៃប្រទេសកម្ពុជា។ ស្របពេលដែលសត្វផ្សោតទាំងនេះ បាននិង កំពុងតែរងការគំរាមកំហែង ពីការជាប់មងដោយចៃដន្យ ព្រមទាំងអត្រារស់រានរបស់កូនផ្សោត មានកំរិតទាប រួចទៅហើយ សម្ពាធបន្ថែមណាផ្សេងទៀតនោះ មកលើជីវិតរបស់សត្វនេះ នឹងនាំមកនូវការបាត់បង់ចំនួនរបស់វាទាំងស្រុង។
លោកសំអាត បាននិយាយទៀតថា សត្វផ្សោត កំពុងទទួលរងសម្ពាធដ៏ធំធេងណាស់ ប៉ុន្តែយើងនៅតែមានសង្ឃឹម ដរាបណា ពួកវានៅមានជីវិតរស់នៅ។ ក៏ប៉ុន្តែក្រុមអ្នកសាងសង់ទំនប់ បានបង្ហាញគោលជំហរមិនច្បាស់លាស់ តាមរយៈការវាយតម្លៃ ហេតុប៉ះពាល់បរិស្ថាន ដែលខ្លួនបានធ្វើពាក់ព័ន្ធនឹងការដែលថា ចំនួនសត្វផ្សោត កំពុងតែប្រឈមនឹង ភាពងាយរងគ្រោះថ្នាក់ស្រាប់ទៅហើយ ដូច្នេះហើយគេមិនគួរដាក់សម្ពាធបន្ថែម តាមរយៈការសាងសង់ទំនប់នេះទៀត និងមិនធ្វើអ្វីផ្សេង ក្រៅតែពីបញ្ចប់ជោគវាសនា របស់សត្វផ្សោតទាំងនោះទេ។
លោក Gerry Ryan ជាទីប្រឹក្សាបច្ចេកទេសនៃអង្គការ WWF និងជាអ្នកនិពន្ធរបាយ ការណ៍សង្ខេប បាននិយាយថា វានៅមិនទាន់យឺតពេលទេ សម្រាប់ការផ្អាកគម្រោងសាងសង់ទំនប់ ដនសាហុងនេះ ហើយងាកមកពិចារណា លើជម្រើសដទៃផ្សេងទៀត ជំនួសវិញ។ ការបញ្ឈប់ការសាងសង់ ទំនប់វារីអគ្គិសនីនេះ នឹងមិនធ្វើឲ្យមានការខូច ខាត ដល់ការអភិវឌ្ឍន៍ ឬលទ្ធផលក្នុងការផលិតអគ្គិសនី របស់ប្រទេសឡាវឡើយ ក៏ប៉ុន្តែការសាងសង់ទំនប់នេះ ប្រាកដជានឹងធ្វើឲ្យសត្វផ្សោតរបស់ប្រទេសនេះ ផុតពូជទាំងស្រុង និងគំរាមកំហែងធ្ងន់ធ្ងរ ដល់ធនធានជលផលដ៏ចាំបាច់ សម្រាប់ប្រជាជន និងជាតិខ្លួន។
លោក Ryan បាននិយាយបន្តទៀតថា វិស័យទេសចរណ៍ មើលសត្វផ្សោត គឺជាកត្តាដ៏ចម្បងមួយ ក្នុងការរួមចំណែកធ្វើឲ្យ ជីវភាពរបស់ប្រជាជន មានការរីកចម្រើន តាម រយៈការផ្តល់ឱកាសការងារច្រើនប្រភេទ ដែលផ្តល់ជាប្រាក់ចំណូលសម្រាប់គ្រួសារ។ វាជាការជាក់ស្តែងណាស់ដែលថា ការជួយសង្គ្រោះសត្វផ្សោត គឺមានន័យថា ជាការអភិវឌ្ឍន៍ដ៏ឈ្លាសវៃ។
សូមបញ្ជាក់ថា គម្រោងវារីអគ្គិសនី ដនសាហុង ដែលបានគ្រោងធ្វើឡើង គឺស្ថិតនៅ លើតួទន្លេមេគង្គ នៅក្នុងតំបន់ស៊ីផាន់ដន ភាគខាងត្បូងប្រទេសឡាវ នៅជិត ២ គីឡូម៉ែត្រ ខាងលើខ្សែទឹកនៃព្រំដែនឡាវ-កម្ពុជា។ ទំបន់នេះ មានកំពស់ ពី ៣០ ទៅ ៣២ ម៉ែត្រ និងផលិតអគ្គិសនី ពី ២៤០ ដល់ ៣៦០ មេហ្គាវ៉ាត់ ដែលភាគច្រើន សម្រាប់នាំចេញទៅកាន់ប្រទេសថៃ និងកម្ពុជា។ វារីអគ្គិសនីនេះ គឺសាងសង់ឡើង ដោយក្រុមហ៊ុន Mega First Corporation Berhad (MFCB) គឺជាក្រុមហ៊ុនវិស្វកម្ម និងសំណង់ម៉ាឡេស៊ី។ ទំនប់នេះ មុខជាគំរាមកំហែងដល់ជលផលនេសាទ ពាណិជ្ជកម្ម និងការចិញ្ចឹមជីវិតដ៏សំខាន់ក្រៃលែង ក៏ដូចជា ភោគទ្រព្យជីវសាស្ត្រ និងឧស្សាហកម្មទេសចរណ៍ នៃតំបន់នេះផងដែរ។ លើសពីនេះទៀត ដោយធ្វើឲ្យខូចខាត ដល់ហ្វូងសត្វផ្សោត អ៊ីរ៉ាវ៉ាតឌី (Irrawaddy) និងត្រីរបស់កម្ពុជា មានប្រមាណជាង ២០០ ប្រភេទ ដែលបានបំលាស់ទី ឡើងទៅខាងលើ ចុងក្រោយនៅក្នុងប្រទេសឡាវ ក៏ដូចជា ការបង្វែរទឹកពីល្បាក់ទឹក ផាផេង ទំនប់ដនសាហុង អាចធ្វើឲ្យខូតខាតដល់កំណើនប្រជាប្រិយភាពតំបន់នេះ ដែលជាតំបន់គោលដៅទេសចរណ៍មួយ។ ការសង់សង់ទំនប់វារីអគ្គិសនី ដនសាហុង គឺវាជាការគំរាមកំហែងមួយ ដល់ដងទន្លេមេគង្គ និងប៉ះពាល់ដល់ប្រជាជនកម្ពុជា ជាង ៦ លាននាក់ ដែលរស់នៅតាមដងទន្លេមេគង្គ៕V/s
របាយការណ៍ WWF នៅថ្ងៃទី១៩ ខែកុម្ភៈ ឆ្នាំ២០១៤នេះ បានលើកឡើងថា បើយោង តាមរបាយការណ៍សង្ខេបថ្មីមួយនេះ ក្រុមអ្នកសាងសង់ទំនប់វារីអគ្គិសនី គ្រោងនឹងបំបែកថ្មីក្នុងទន្លេ ក្នុងបរិមាណរាប់លានតោន ដោយប្រើប្រាស់រំសេវផ្ទុះ ដែលគ្រោងបង្កើតឲ្យមានរលកសំឡេងខ្លាំង ជាកត្តាអាចនឹងធ្វើឲ្យសត្វផ្សោតងាប់បាន ព្រោះប្រព័ន្ធទទួលរលកសំឡេងរបស់សត្វផ្សោត មានលក្ខណៈងាយប្រឈមនឹងការរំខានណាស់។ ការកើតឡើងនៃចរាចរទូក បំរែបំរួលនៃគុណភាពទឹក និងការខូតខាតទីជម្រក សុទ្ធសឹងជាហានិភ័យផ្សេងៗទៀត ដែលប៉ះពាល់ផ្ទាល់ដល់សត្វផ្សោត ស្របពេលដែលហេតុប៉ះពាល់ ដោយប្រយោល រួមមានការរំខាន់ ពីសំណាក់សកម្មភាពមនុស្ស និងភាពតប់ប្រមល់របស់សត្វនេះ មកបូកផ្សំគ្នាបន្ថែមទៀត។
លោកឈិត សំអាត នាយកអង្គការ WWF បានមានប្រសាសន៍ថា ការសាងសង់ទំនប់វារីអគ្គិសនី ដនសាហុង នៅត្រង់ច្រកមួយ ដែលស្ថិតនៅខ្សែទឹកខាងលើ ចំពីលើតំបន់សត្វផ្សោតរស់នៅ អាចនឹងពន្លឿនការបាត់បង់ របស់សត្វផ្សោត ប្រភេទនេះពីទន្លេ មេគង្គ។ ហេតុប៉ះពាល់ នៃទំនប់វារីអគ្គិសនីនេះ ទៅលើសត្វផ្សោត ប្រហែលមិនអាចកាត់បន្ថយបានទេ ជាពិសេសបើផ្អែកលើផែនការ គ្មានច្បាស់លាស់ និងប្រកបដោយកង្វះខាងព័ត៌មាន ដែលក្រុមអ្នកសាង់សង់ បានសរសេរឡើង ជាផ្នែកមួយនៃការវាយ តម្លៃ ហេតុប៉ះពាល់បរិស្ថានរបស់គម្រោងនេះ។ យើងសូមសំណូមពរយ៉ាងទទួលដល់សម្តេចអគ្គមហាសេនាបតីតេជោ ហ៊ុន សែន ស្នើសុំឲ្យមានការផ្អាកការសាងសង់ទំនប់ដនសាហុងនេះ នៅក្នុងឱកាសជំនួបកំពូល រវាងប្រមុខរដ្ឋ ក្នុងក្របខ័ណ្ឌនៃគណៈ កម្មការ ទន្លេមេគង្គ នាខែមេសាខាងមុខនេះ។
សត្វផ្សោតទឹកសាប ទន្លេមេគង្គ ទទួលរងការគំរាមកំហែងជិតផុតពូជ ហើយចំនួនរបស់វា បានធ្លាក់មកនៅប្រមាណ ៨៥ ក្បាលប៉ុណ្ណោះ កំពុងរស់នៅក្នុងទីជម្រក តាមបណ្តោយទន្លេមេគង្គ មានចំងាយ ១៩០ គីឡូម៉ែត្រ នៅចន្លោះភាគខាងប្រទេសឡាវ និងភាគឦសាននៃប្រទេសកម្ពុជា។ ស្របពេលដែលសត្វផ្សោតទាំងនេះ បាននិង កំពុងតែរងការគំរាមកំហែង ពីការជាប់មងដោយចៃដន្យ ព្រមទាំងអត្រារស់រានរបស់កូនផ្សោត មានកំរិតទាប រួចទៅហើយ សម្ពាធបន្ថែមណាផ្សេងទៀតនោះ មកលើជីវិតរបស់សត្វនេះ នឹងនាំមកនូវការបាត់បង់ចំនួនរបស់វាទាំងស្រុង។
លោកសំអាត បាននិយាយទៀតថា សត្វផ្សោត កំពុងទទួលរងសម្ពាធដ៏ធំធេងណាស់ ប៉ុន្តែយើងនៅតែមានសង្ឃឹម ដរាបណា ពួកវានៅមានជីវិតរស់នៅ។ ក៏ប៉ុន្តែក្រុមអ្នកសាងសង់ទំនប់ បានបង្ហាញគោលជំហរមិនច្បាស់លាស់ តាមរយៈការវាយតម្លៃ ហេតុប៉ះពាល់បរិស្ថាន ដែលខ្លួនបានធ្វើពាក់ព័ន្ធនឹងការដែលថា ចំនួនសត្វផ្សោត កំពុងតែប្រឈមនឹង ភាពងាយរងគ្រោះថ្នាក់ស្រាប់ទៅហើយ ដូច្នេះហើយគេមិនគួរដាក់សម្ពាធបន្ថែម តាមរយៈការសាងសង់ទំនប់នេះទៀត និងមិនធ្វើអ្វីផ្សេង ក្រៅតែពីបញ្ចប់ជោគវាសនា របស់សត្វផ្សោតទាំងនោះទេ។
លោក Gerry Ryan ជាទីប្រឹក្សាបច្ចេកទេសនៃអង្គការ WWF និងជាអ្នកនិពន្ធរបាយ ការណ៍សង្ខេប បាននិយាយថា វានៅមិនទាន់យឺតពេលទេ សម្រាប់ការផ្អាកគម្រោងសាងសង់ទំនប់ ដនសាហុងនេះ ហើយងាកមកពិចារណា លើជម្រើសដទៃផ្សេងទៀត ជំនួសវិញ។ ការបញ្ឈប់ការសាងសង់ ទំនប់វារីអគ្គិសនីនេះ នឹងមិនធ្វើឲ្យមានការខូច ខាត ដល់ការអភិវឌ្ឍន៍ ឬលទ្ធផលក្នុងការផលិតអគ្គិសនី របស់ប្រទេសឡាវឡើយ ក៏ប៉ុន្តែការសាងសង់ទំនប់នេះ ប្រាកដជានឹងធ្វើឲ្យសត្វផ្សោតរបស់ប្រទេសនេះ ផុតពូជទាំងស្រុង និងគំរាមកំហែងធ្ងន់ធ្ងរ ដល់ធនធានជលផលដ៏ចាំបាច់ សម្រាប់ប្រជាជន និងជាតិខ្លួន។
លោក Ryan បាននិយាយបន្តទៀតថា វិស័យទេសចរណ៍ មើលសត្វផ្សោត គឺជាកត្តាដ៏ចម្បងមួយ ក្នុងការរួមចំណែកធ្វើឲ្យ ជីវភាពរបស់ប្រជាជន មានការរីកចម្រើន តាម រយៈការផ្តល់ឱកាសការងារច្រើនប្រភេទ ដែលផ្តល់ជាប្រាក់ចំណូលសម្រាប់គ្រួសារ។ វាជាការជាក់ស្តែងណាស់ដែលថា ការជួយសង្គ្រោះសត្វផ្សោត គឺមានន័យថា ជាការអភិវឌ្ឍន៍ដ៏ឈ្លាសវៃ។
សូមបញ្ជាក់ថា គម្រោងវារីអគ្គិសនី ដនសាហុង ដែលបានគ្រោងធ្វើឡើង គឺស្ថិតនៅ លើតួទន្លេមេគង្គ នៅក្នុងតំបន់ស៊ីផាន់ដន ភាគខាងត្បូងប្រទេសឡាវ នៅជិត ២ គីឡូម៉ែត្រ ខាងលើខ្សែទឹកនៃព្រំដែនឡាវ-កម្ពុជា។ ទំបន់នេះ មានកំពស់ ពី ៣០ ទៅ ៣២ ម៉ែត្រ និងផលិតអគ្គិសនី ពី ២៤០ ដល់ ៣៦០ មេហ្គាវ៉ាត់ ដែលភាគច្រើន សម្រាប់នាំចេញទៅកាន់ប្រទេសថៃ និងកម្ពុជា។ វារីអគ្គិសនីនេះ គឺសាងសង់ឡើង ដោយក្រុមហ៊ុន Mega First Corporation Berhad (MFCB) គឺជាក្រុមហ៊ុនវិស្វកម្ម និងសំណង់ម៉ាឡេស៊ី។ ទំនប់នេះ មុខជាគំរាមកំហែងដល់ជលផលនេសាទ ពាណិជ្ជកម្ម និងការចិញ្ចឹមជីវិតដ៏សំខាន់ក្រៃលែង ក៏ដូចជា ភោគទ្រព្យជីវសាស្ត្រ និងឧស្សាហកម្មទេសចរណ៍ នៃតំបន់នេះផងដែរ។ លើសពីនេះទៀត ដោយធ្វើឲ្យខូចខាត ដល់ហ្វូងសត្វផ្សោត អ៊ីរ៉ាវ៉ាតឌី (Irrawaddy) និងត្រីរបស់កម្ពុជា មានប្រមាណជាង ២០០ ប្រភេទ ដែលបានបំលាស់ទី ឡើងទៅខាងលើ ចុងក្រោយនៅក្នុងប្រទេសឡាវ ក៏ដូចជា ការបង្វែរទឹកពីល្បាក់ទឹក ផាផេង ទំនប់ដនសាហុង អាចធ្វើឲ្យខូតខាតដល់កំណើនប្រជាប្រិយភាពតំបន់នេះ ដែលជាតំបន់គោលដៅទេសចរណ៍មួយ។ ការសង់សង់ទំនប់វារីអគ្គិសនី ដនសាហុង គឺវាជាការគំរាមកំហែងមួយ ដល់ដងទន្លេមេគង្គ និងប៉ះពាល់ដល់ប្រជាជនកម្ពុជា ជាង ៦ លាននាក់ ដែលរស់នៅតាមដងទន្លេមេគង្គ៕V/s
គម្រោងវារីអគ្គិសនី ដនសាហុង ដែលបានគ្រោងធ្វើឡើង គឺស្ថិតនៅ
លើតួទន្លេមេគង្គ នៅក្នុងតំបន់ស៊ីផាន់ដន ភាគខាងត្បូងប្រទេសឡាវ
នៅជិត ២ គីឡូម៉ែត្រ ខាងលើខ្សែទឹកនៃព្រំដែនឡាវ-កម្ពុជា
លោកឈិត សំអាត នាយកអង្គការ WWF (រូបកណ្តាល, រូបថត៖ឯកសារ)
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567