ខេត្តស្ទឹងត្រែង ៖ ដោយមាន
ការដឹកនាំបញ្ជាផ្ទាល់ របស់នាយឧត្តមសេនីយ៏ សៅ សុខា
មេបញ្ជាការកងរាជអាវុធហត្ថលើផ្ទៃប្រទេស គេសង្កេតឃើញក្រុមអធិការកិច្ច
ក្រោមការដឹកនាំរបស់លោក នាង សុជីវី បានចុះស៊ើបអង្កេត
សំណុំរឿងលោកអនុសេនីយ៏ឯក យ៉ា យឿន
អតីតមេបញ្ជាការកងរាជអាវុធហត្ថស្រុកសេសាន ដែលជាប់ពាក់ព័ន្ធ
ករណីរកស៊ីឈើគ្រញូងខុសច្បាប់ នៅក្នុងខេត្តស្ទឹងត្រែង ។
មន្ត្រីដែលស្និទ្ធនឹងប្រតិបត្តិការនេះបានឲ្យដឹងថា កាលពីព្រឹកថ្ងៃទី១៨ ខែកក្កដា ឆ្នាំ២០១៣ ក្រុមអធិការកិច្ច កងរាជអាវុធហត្ថលើផ្ទៃប្រទេស ដឹកនាំដោយលោកឧត្តមសេនីយ៏ នាង សុជីវី បានចុះសួរនាំមន្ត្រីរដ្ឋបាលព្រៃឈើ ករណីលោក យ៉ា យឿន មន្ត្រីកងរាជអាវុធហត្ថ និងអតីតជាមេបញ្ជាការស្រុកសេសាន ដែលជាប់ពាក់ព័ន្ធរកស៊ីឈើគ្រញូង និងស្តុកឈើគ្រញូងរាប់សិបតោនដោយខុសច្បាប់ក្នុងលំនៅដ្ឋាន របស់ខ្លួន ក្រោមលេសជួលឲ្យឈ្មួញដទៃ។
កម្លាំងចម្រុះខេត្តស្ទឹងត្រែងដឹកនាំដោយព្រះរាជអាជ្ញា បានចុះទៅឡោមព័ទ្ធនិងឆែកឆេរ ទីតាំងស្តុកឈើគ្រញូងដែលគេស្គាល់ថាជាផ្ទះ របស់លោក យ៉ា យឿន ច្រើនលើកច្រើនសាររួចមកហើយ ដោយសារតែផ្ទះសំណាក់របស់លោក យ៉ា យឿន ធ្លាប់ត្រូវបានជួលឲ្យក្រុមឈ្មួញប្រើប្រាស់ជាទីតាំងស្តុកឈើគ្រញូង ខុសច្បាប់ ហើយបើមានការស៊ើបអង្កេតឲ្យបានស៊ីជម្រៅគឺលោក យ៉ា យឿន មិនអាចគេចវេះពីការទទួលខុសត្រូវ ពាក់ព័ន្ធការសមគំនិតឲ្យមានការស្តុកឈើ និងជួញដូរឈើខុសច្បាប់នោះទេ។
ការឆែកឆេរផ្ទះចំនួន២កន្លែង ដែលមានទីតាំងនៅចំណុចភូមិលើ សង្កាត់ស្រះប្ញស្សី ក្រុងស្ទឹងត្រែង ដោយរកឃើញឈើគ្រញូងចំនួន៤៧៤ដុំ ស្មើនឹង៨៩២៦គីឡូក្រាម គឺជិត៩តោន ដែលឈើគ្រញូងទាំងនេះ ត្រូវបានប្រភពបង្ហើបឲ្យដឹងថាជារបស់លោក យ៉ា យឿន ហើយខណៈដែលកម្លាំងចម្រុះទៅឆែកឆេរនោះ លោក យ៉ា យឿន មិនមានវត្តមាននៅទីនោះទេ ដែលគេសង្ស័យថាបានរត់គេចខ្លួន។ ប្រភពពីមន្ត្រីកងរាជអាវុធហត្ថមួយចំនួនបានឲ្យដឹងថា លោក យ៉ា យឿន គឺជាជើងខ្លាំងក្នុងការរកស៊ីជួញដូរឈើខុសច្បាប់ឡើងដុះស្លែទៅហើយ ក្នុងខេត្តស្ទឹងត្រែង ចាប់តាំងពីលោក យ៉ា យឿន កាន់តំណែងជាមេបញ្ជាការ កងរាជអាវុធហត្ថស្រុកសេសានមកម្ល៉េះ ។
ជាធម្មតាលោក យ៉ា យឿន បានឃុបឃិតឲ្យមានការដឹកជញ្ជូនឈើខុសច្បាប់ចេញពីព្រំដែនឡាវ ក្នុងស្រុកសៀមប៉ាង ឬដឹកចេញពីស្រុកសេសាន និងតាមផ្លូវទឹកឬតាមផ្លូវគោក ចុះមកទីរួមខេត្តស្ទឹងត្រែង ដើម្បីបញ្ជូនមកស្តុកទុកនៅក្នុងផ្ទះរបស់គាត់ ហើយបានបន្តដឹកទៅលក់ នៅវៀតណាម តាមរថយន្តទំនើបៗមានដូចជាបាឡែន ឡង់គ្រីស័រ និងកាមរី គូថហើម ហើយជំនួញរកស៊ីឈើខុសច្បាប់របស់លោក យ៉ា យឿន ពោរពេញដោយបទពិសោធន៍និងបច្ចេកទេសខ្ពស់ ដែលសមត្ថកិច្ចល្មមៗមិនហ៊ានប៉ះពាល់ទេ។
សកម្មភាពរបស់លោក យ៉ា យឿន កំពុងបង្ហាញឲ្យឃើញថា ការប្រើស្បែកជាកងរាជអាវុធហត្ថ ទៅរកស៊ីជួញដូរឈើខុសច្បាប់ ឬឃុបឃិតឲ្យមានការស្តុកឈើខុសច្បាប់ គឺជាកំហុសឆ្គងដ៏ធំមួយដែលថ្នាក់លើ មិនគួរមើលរំលងនោះទេ ព្រោះច្រើនឆ្នាំមកហើយ ដែលលោក យ៉ា យឿន បានពាក់ព័ន្ធជាមួយជំនួញឈើខុសច្បាប់ ។ គេកំពុងតាមដានយ៉ាងយកចិត្តទុកដាក់ថាតើ លោក យ៉ា យឿន អាចត្រូវទទួលពិន័យ ឬបណ្តេញចេញពីក្របខ័ណ្ឌកងរាជអាវុធហត្ថឬក៏យ៉ាងណា បន្ទាប់ពីប្រតិបត្តិការនេះ ៕
មន្ត្រីដែលស្និទ្ធនឹងប្រតិបត្តិការនេះបានឲ្យដឹងថា កាលពីព្រឹកថ្ងៃទី១៨ ខែកក្កដា ឆ្នាំ២០១៣ ក្រុមអធិការកិច្ច កងរាជអាវុធហត្ថលើផ្ទៃប្រទេស ដឹកនាំដោយលោកឧត្តមសេនីយ៏ នាង សុជីវី បានចុះសួរនាំមន្ត្រីរដ្ឋបាលព្រៃឈើ ករណីលោក យ៉ា យឿន មន្ត្រីកងរាជអាវុធហត្ថ និងអតីតជាមេបញ្ជាការស្រុកសេសាន ដែលជាប់ពាក់ព័ន្ធរកស៊ីឈើគ្រញូង និងស្តុកឈើគ្រញូងរាប់សិបតោនដោយខុសច្បាប់ក្នុងលំនៅដ្ឋាន របស់ខ្លួន ក្រោមលេសជួលឲ្យឈ្មួញដទៃ។
កម្លាំងចម្រុះខេត្តស្ទឹងត្រែងដឹកនាំដោយព្រះរាជអាជ្ញា បានចុះទៅឡោមព័ទ្ធនិងឆែកឆេរ ទីតាំងស្តុកឈើគ្រញូងដែលគេស្គាល់ថាជាផ្ទះ របស់លោក យ៉ា យឿន ច្រើនលើកច្រើនសាររួចមកហើយ ដោយសារតែផ្ទះសំណាក់របស់លោក យ៉ា យឿន ធ្លាប់ត្រូវបានជួលឲ្យក្រុមឈ្មួញប្រើប្រាស់ជាទីតាំងស្តុកឈើគ្រញូង ខុសច្បាប់ ហើយបើមានការស៊ើបអង្កេតឲ្យបានស៊ីជម្រៅគឺលោក យ៉ា យឿន មិនអាចគេចវេះពីការទទួលខុសត្រូវ ពាក់ព័ន្ធការសមគំនិតឲ្យមានការស្តុកឈើ និងជួញដូរឈើខុសច្បាប់នោះទេ។
ការឆែកឆេរផ្ទះចំនួន២កន្លែង ដែលមានទីតាំងនៅចំណុចភូមិលើ សង្កាត់ស្រះប្ញស្សី ក្រុងស្ទឹងត្រែង ដោយរកឃើញឈើគ្រញូងចំនួន៤៧៤ដុំ ស្មើនឹង៨៩២៦គីឡូក្រាម គឺជិត៩តោន ដែលឈើគ្រញូងទាំងនេះ ត្រូវបានប្រភពបង្ហើបឲ្យដឹងថាជារបស់លោក យ៉ា យឿន ហើយខណៈដែលកម្លាំងចម្រុះទៅឆែកឆេរនោះ លោក យ៉ា យឿន មិនមានវត្តមាននៅទីនោះទេ ដែលគេសង្ស័យថាបានរត់គេចខ្លួន។ ប្រភពពីមន្ត្រីកងរាជអាវុធហត្ថមួយចំនួនបានឲ្យដឹងថា លោក យ៉ា យឿន គឺជាជើងខ្លាំងក្នុងការរកស៊ីជួញដូរឈើខុសច្បាប់ឡើងដុះស្លែទៅហើយ ក្នុងខេត្តស្ទឹងត្រែង ចាប់តាំងពីលោក យ៉ា យឿន កាន់តំណែងជាមេបញ្ជាការ កងរាជអាវុធហត្ថស្រុកសេសានមកម្ល៉េះ ។
ជាធម្មតាលោក យ៉ា យឿន បានឃុបឃិតឲ្យមានការដឹកជញ្ជូនឈើខុសច្បាប់ចេញពីព្រំដែនឡាវ ក្នុងស្រុកសៀមប៉ាង ឬដឹកចេញពីស្រុកសេសាន និងតាមផ្លូវទឹកឬតាមផ្លូវគោក ចុះមកទីរួមខេត្តស្ទឹងត្រែង ដើម្បីបញ្ជូនមកស្តុកទុកនៅក្នុងផ្ទះរបស់គាត់ ហើយបានបន្តដឹកទៅលក់ នៅវៀតណាម តាមរថយន្តទំនើបៗមានដូចជាបាឡែន ឡង់គ្រីស័រ និងកាមរី គូថហើម ហើយជំនួញរកស៊ីឈើខុសច្បាប់របស់លោក យ៉ា យឿន ពោរពេញដោយបទពិសោធន៍និងបច្ចេកទេសខ្ពស់ ដែលសមត្ថកិច្ចល្មមៗមិនហ៊ានប៉ះពាល់ទេ។
សកម្មភាពរបស់លោក យ៉ា យឿន កំពុងបង្ហាញឲ្យឃើញថា ការប្រើស្បែកជាកងរាជអាវុធហត្ថ ទៅរកស៊ីជួញដូរឈើខុសច្បាប់ ឬឃុបឃិតឲ្យមានការស្តុកឈើខុសច្បាប់ គឺជាកំហុសឆ្គងដ៏ធំមួយដែលថ្នាក់លើ មិនគួរមើលរំលងនោះទេ ព្រោះច្រើនឆ្នាំមកហើយ ដែលលោក យ៉ា យឿន បានពាក់ព័ន្ធជាមួយជំនួញឈើខុសច្បាប់ ។ គេកំពុងតាមដានយ៉ាងយកចិត្តទុកដាក់ថាតើ លោក យ៉ា យឿន អាចត្រូវទទួលពិន័យ ឬបណ្តេញចេញពីក្របខ័ណ្ឌកងរាជអាវុធហត្ថឬក៏យ៉ាងណា បន្ទាប់ពីប្រតិបត្តិការនេះ ៕
