ស្រីក្មេងបើកឡិចស៊ីស៤៧០ ដឹកឈើមិនបង់ប្រាក់ត្រូវកុងត្រូលជជុះតាមប្រម៉ាញ់ក្រឡាប់របួសធ្ងន់ម្នាក់
ខេត្តក្រចេះ ៖
កាលពីព្រឹកថ្ងៃទី០៣ ខែឧសភា ២០១៤ លើផ្លូវជាតិលេខ៧ ឃុំកន្ទួត
ស្រុកចិត្របុរី ខេត្តក្រចេះ ។ រថយន្តឡិចស៊ីស៤៧០ដឹកឈើ
ប្រណីតមួយគ្រឿង បានក្រឡាប់ជាច្រើនត្រឡប់ខ
ណៈដែលបើកបរក្នុងល្បឿនដូចហោះបណ្តាលឲ្យនារីស្រស់ស្អាតវ័យក្មេង
អាយុ១៩ឆ្នាំម្នាក់ដែលជាអ្នកបើកបររងរបួសយ៉ាងធ្ងន់ធ្ងរ។
សេចក្តីរាយការណ៍បានឲ្យដឹងថា
នារីរងគ្រោះជាតៃកុងរថយន្តដឹកឈើល្មើសច្បាប់ មានឈ្មោះ ញៀន លក្ខិណា
អាយុ១៩ឆ្នាំ មានទីលំនៅភូមិកែងប្រសាទ ឃុំសំបូរ ស្រុកសំបូរ
ខេត្តក្រចេះ បើករថយន្តឡិចស៊ីស៤៧០ ពណ៌ខ្មៅ ពាក់ស្លាកលេខភ្នំពេញ
2J-6143 មានដឹកឈើប្រណីតប្រភេទធ្នង់ និងគ្រញូង
ពេញប្រៀបក្នុងរថយន្តតែម្តង ។
សេចក្តីរាយការណ៍បានឲ្យទៀតដឹងថា មូលហេតុដោយសាររថយន្តខាងលើក្រឡាប់
គឺដោយរថយន្តឡិចស៊ីសមួយគ្រឿងនេះ បែកកង់មុខ
ព្រោះតែខំបើកគេចពីការតាមប្រម៉ាញ់របស់ក្រុមសមត្ថកិច្ចដែលដាក់
កុងត្រូលជជុះ ឈរជើងយ៉ាងអនាធិបតេយ្យ
ដែលបណ្តាក់គ្នាដូចខ្យងបើករថយន្តដេញប្រផាត់ភីងធ្វើឲ្យនារី
ខាងលើខំប្រឹងបន្ថែមល្បឿន
រហូតដល់រថយន្តរបស់នាងបែកកង់មុខហើយក្រឡាប់ជាច្រើនត្រឡប់តែម្តងទៅ
គួររំលឹកថានៅទឹកដីខេត្តក្រចេះ
ចាប់ពីផ្លូវបំបែកសណ្តាន់រហូតដល់ស្រុកស្នួល
គឺមានកុងត្រូលជជុះគ្រប់សមាសភាពរាប់រយកន្លែងកាក់ឡានដឹកឈើយកលុយ
សូម្បីបងប្អូនប្រជាពលរដ្ឋដឹកអុសដឹកធ្យូង
គេចមិនផុតពីការជម្រិតទារប្រាក់ពីក្រុមជជុះទាំងនោះដែរគឺកាក់យក
លុយត្រង់ៗតែម្តង។ដោយឡែកចំពោះបទល្មើសព្រៃឈើវិញគឺកើតមានបន្ទុក
កម្រឃើញ
ការបង្ក្រាបពីសមត្ថកិច្ចទាំងនោះណាស់ជាពិសេសជំនាញរដ្ឋបាលព្រៃឈើដែ
លមានលោក លោក សូយ សារិទ្ធ ជានាយខណ្ឌរដ្ឋបាលព្រៃឈើខេត្តក្រចេះ
និងលោក ព្រាប សុធារ៉ា
ប្រធានផ្នែករដ្ធបាលព្រៃឈើខេត្តក្រចេះមិនដែលបង្ក្រាប
ការដឹកជញ្ជូនឈើខុសច្បាប់ពីសំណាក់ឈ្មួញខិលខូចឈ្មោះ ថន ប៊ុនធី
ហៅធីបាញ់ និងឈ្មោះ សន ឈឿង ហៅ ប៉ា អ៊ូខុងដែល
ដឹកឈើប្រណីតល្មើសច្បាប់ជាច្រើនគ្រឿង
មានរថយន្តរថយន្តសាំយ៉ុងនិងរថយន្តធុនដ្រាលុចស៊ីសដឹកឈើចេញពី
តំបន់ឃុំរលួសមានជ័យ ក្នុងស្រុកសំបូរ ធ្វើដំណើរតាមផ្លូវជាតិលេខ៧
សំដៅទៅលក់នៅប្រទេសវៀតណាមដោយឆ្លងកាត់ស្រុកស្នួលដែលមានកម្លាំង
ជំនាញរដ្ឋបាលព្រៃឈើយ៉ាងត្រៀបត្រាសមត្ថកិច្ចប៉ូលីសប្រឆាំងបទល្មើស
សេដ្ឋកិច្ចក្រសួងនិងសមត្ថកិច្ចតាមដងផ្លូវមិនខ្វល់
ធ្វើការទប់ស្កាត់នោះទេគឺដឹកមិនលោះថ្ងៃណាឡើយទាំងពេលភ្លៀង
ខ្លាំងមានរន្ទះបាញ់ឬខ្យល់ព្យុះក៏លោក ធី បាញ់ និង ប៉ា អ៊ូខុង
នៅតែធ្វើការដឹកជញ្ជូនយ៉ាងរលូនបំផុត។ ហើយសមត្ថកិច្ច
និងមន្ត្រីជំនាញពេលខ្លះមិនដែលហ៊ានត្រួតពិនិត្យឬហើបមាត់ពី
ការរកស៊ីដឹកជញ្ជូនឈើខុសច្បាប់របស់ឈ្មោះ ថន ប៊ុនធី ហៅធីបាញ់និង
ឈ្មោះ សន ឈឿង ហៅ ប៉ា អ៊ូខុង នោះទេជាពិសេសគឺ លោក សូយ
សារិទ្ធជានាយខណ្ឌរដ្ឋបាលព្រៃឈើខេត្តក្រចេះ
និងលោកព្រាបសុធារាប្រធានផ្នែករដ្ធបាលព្រៃឈើខេត្តក្រចេះគឺទី១
ដោយសារតែលោក លោក ធី បាញ់ និង ប៉ា អ៊ូខុង
មានលុយបិទមាត់សមត្ថកិច្ចអស់ទាំងនោះ និងទី២ លោក លោក ធី បាញ់ និង ប៉ា
អ៊ូខុង
មានស្បែកជាយោធានិងមានថ្នាក់លើរបស់គាត់ពាក់ជួយជ្រោមជ្រែង។ដោយឡែក
ចំពោះរថយន្តរថយន្តឡិចស៊ីស៤៧០ដឹកឈើ ប្រណីតមួយគ្រឿងខាងលើ
ប្រហែលជាមិនបង់លុយដល់ក្រុមជជុះនោះឬយ៉ាងណាបានជា
បើករថយន្តដេញប្រផាត់ភីងធ្វើអោយរថយន្តនោះក្រឡាប់ជាច្រើនត្រឡប់
បណ្តាលអោយ នារីរងគ្រោះ ជាតៃកុងរថយន្តដឹកឈើល្មើសច្បាប់
រងរបួសយ៉ាងធ្ងន់ធ្ងរ៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567