CNC May 9

ក្រុមអ្នកបំផ្លាញព្រៃឈើឥឡូវបំផ្លាញផ្លូវលេខ ៧ និងផ្លូវលេខ ៨

Published on: ថ្ងៃសុក្រ ទី៩ ខែឧសភា ឆ្នាំ២០១៤ ម៉ោង០១:៤៦

Views: 4

 ក្រុមអ្នកបំផ្លាញព្រៃឈើឥឡូវបំផ្លាញផ្លូវលេខ ៧ និងផ្លូវលេខ ៨ និងផ្លូវជនបទមួយចំនួនផ្សេងទៀតយ៉ាងសកម្ម។  ប្រជាពលរដ្ឋមួយរូបបានផ្ញើរូបភាពរថយន្តធំៗដឹកឈើ យ៉ាងគគ្រឹកគគ្រេងនៅលើផ្លូវជាតិ លេខ ៧ និងលេខ ៨ មក កាន់ CNC និង CTN របាយការណ៍ របស់ខ្ញុំ។ ម្ចាស់របាយការបាននិយាយថា ក្រុម
អ្នកដឹកជញ្ជូនឈើទាំងនោះ ដឹកឈើយ៉ាងព្រហើន ដោយមិនខ្លាចញញើតអាជ្ញាធរទាល់តែសោះ។ យើងខ្ញុំជាប្រជាពលរដ្ឋបានឃើញក្រុមគេកំពុងដឹកជញ្ជូនឈើពីខេត្តក្រចេះ កំពុងតែចាប់ផ្តើមបំផ្លាញ
ផ្លូវជាតិ និងផ្លូវលំមួយចំនួនក្នុងខេត្តត្បូងឃ្មុំ  កំពង់ចាម និងខេត្តព្រៃវែង។ ក្រុមដឹកឈើទាំងនោះ
ក្រៅពីបំផ្លាញព្រៃឈើហើយ  ដឹកបំផ្លាញជាតិ ដោយមន្ត្រីជញ្ជីងតាមផ្លូវជាតិទាំងនោះមិនអើពើនោះទេ
ហើយអាជ្ញាធរបែរជាអនុញ្ញាតបន្ថែមទៀត ទើបធ្វើឲ្យផ្លូវលំទាំងនេះឆាប់ខូច ហើយរូបភាពខ្ញុំថតនេះ
រួមមាននៅតាមផ្លូវជាតិលេខ ៧  លេខ ៨ ស្ថិតក្នុងស្រុក កំពង់សៀម ក្រូចឆ្មារ ត្បូងឃ្មុំ កោះសូទិន
កំពង់ចាម និងខេត្តព្រៃវែង រួមមានស្រុកកំចាយមាកញ្ច្រៀច និងស្វាយអន្ទរជាដើម។
អាស្រ័យហេតុនេះ យើងខ្ញុំជាប្រជាពលរដ្ឋសូម CNC CTN មេត្តាជួយផ្សាយផង ព្រោះថា អាជ្ញាធរ
មូលដ្ឋានមិនទទួលខុសត្រូវនោះទេ បើបណ្តោយយ៉ាងដូច្នេះ ផ្លូវជាតិនឹងឆាប់ខូច ហើយអ្នកដែល
ទទួលរងការលំបាកពិតប្រាកដគឺ ប្រជាពលរដ្ឋ៕