រកឃើញឈើប្រណីត ២០០កំណាត់ សង្ស័យជារបស់ មន្រ្តីយោធា
ភ្នំពេញ៖ ឈើប្រណីតប្រមាណ ២០០កំណាត់ សង្ស័យ
ជារបស់មន្រ្តីយោធាយកទៅលាក់ទុក ដើម្បីចែកចាយទៅ ឲ្យឈ្មួញដទៃទៀតនោះ
ត្រូវបានក្រុមសមត្ថកិច្ចផ្នែករដ្ឋបាលព្រៃឈើស្រុកកែវសីម៉ារកឃើញ
នៅត្រង់ចំណុចក្បែរ ភូមិខ្ទង់ ឃុំស្រែឈូក ស្រុកកែវសីម៉ា ខេត្ត មណ្ឌលគិរី
កាលពីយប់ថ្ងៃទី២១ ខែមេសា ឆ្នាំ២០១៤។
តាមប្រភពព័ត៌មានពីប្រជាពលរដ្ឋ និងសហគមន៍ការពារព្រៃឈើក្នុងតំបន់នោះរាយការណ៍មកថា ឈើដែលឈ្មួញ លាក់ទុកនៅចំណុចខាងលើ គឺជាឈើរបស់ឈ្មោះ ចេង សាក់ មន្ត្រីយោធានៅក្នុងវរ:១ ដែលលោកមេបញ្ជាការ យោធាវរ:១ ឈ្មោះ ថន ម៉េងស្រ៊ា ក៏មានភាគហ៊ុននៅក្នុងនោះផងដែរ។
ឈើប្រណីតប្រភេទធ្នង់ និងនាងនួនយ៉ាងច្រើនសន្ធឹកសន្ធាប់ខាងលើនេះ ត្រូវបានប្រជាពលរដ្ឋរាយការណ៍ថា កាប់ អារដឹកជញ្ជូនចេញពីតំបន់ដែនជំរកសត្វព្រៃភ្នំព្រេច ដូចជានៅចំណុចឃុំចុងផ្លាស់ ឃុំមេម៉ង់ ឃុំស្រែឈូក រួចដឹក ជញ្ជូនឆ្លងដែនចូលកាត់ទឹកដីខេត្តក្រចេះ តាមច្រកភ្នំព្រេច ឃុំស្វាយជ្រះ ស្រុកស្នួល។
ការបណ្តែតបណ្តោយឲ្យមានបទល្មើសកាប់បំផ្លាញព្រៃនៅក្នុងតំបន់ស្នួល នៃដែនជម្រកសត្វព្រៃភ្នំព្រេចនេះ ត្រូវបាន សហគមន៍ការពារព្រៃឈើធ្វើការចោទប្រកាន់ថា លោក ឈិត សុផល ប្រធានមន្ទីបរិស្ថានខេត្ត និងលោក សំរ៉ង ឌី វិចិត្រ ត្រូវដងត្រូវផ្លែជាមួយក្រុមឈ្មួញធំៗ ទើបបានជាដឹកជញ្ជូនយ៉ាងរលូនបែបនេះ។
ព័ត៌មានចុងក្រោយស្តីពីបទល្មើសខាងលើនេះ សង្ស័យក្រុមសមត្ថកិច្ចជំនាញផ្នែករដ្ឋាបាលព្រៃឈើស្រុកកែវសីម៉ា ធ្វើការបិទបាំងឲ្យឈ្មួញមានឱកាសជម្លៀសឈើទាំងនោះ ចេញអស់មួយចំនួនធំ ដោយសង្ស័យជាថ្នូរជាមួយដុល្លារ ដ៏ច្រើនសន្ធឹកសន្ធាប់។ រហូតដល់ម៉ោង ៥ និង១០នាទី រសៀលថ្ងៃទី២២ ខែមេសា ឆ្នាំ២០១៤ នេះ ពុំទាន់មាន ជំនាញណាប្រាប់បញ្ជាក់ឲ្យច្បាស់លាស់នៅឡើយទេ។ ជំនាញខ្លះទៀត បានឆ្លើយឌីដងឲ្យអ្នកសារព័ត៌មានអញ្ជើញ ទៅរាប់ចំនួនឈើដោយខ្លួនឯងទៅ។
រសៀលថ្ងៃដដែលនេះ មជ្ឈមណ្ឌលព័ត៌មានដើមអម្ពិល បានព្យាយាមសុំការបំភ្លឺពីលោក រឿង សុផាត នាយផ្នែករដ្ឋ បាលព្រៃឈើស្រុកកែវសីម៉ា ប៉ុន្តែទាក់ទងពុំបាននោះទេ។ ពាក់ព័ន្ធការចោទប្រកាន់ពីសំណាក់សហគមន៍ការពារ ព្រៃឈើ និងប្រជាពលរដ្ឋទៅលើលោកមេបញ្ជាការវរ:លេខ១ ឈ្មោះ ថន ម៉េងស្រ៊ា និង មន្រ្តីរបស់ខ្លួនឈ្មោះ ចេង សាក់ អ្នកទាំងពីររូបបានឆ្លើយបដិសេធថា មិនបានដឹងរឿងរ៉ាវទាំងនេះឡើយ៕
តាមប្រភពព័ត៌មានពីប្រជាពលរដ្ឋ និងសហគមន៍ការពារព្រៃឈើក្នុងតំបន់នោះរាយការណ៍មកថា ឈើដែលឈ្មួញ លាក់ទុកនៅចំណុចខាងលើ គឺជាឈើរបស់ឈ្មោះ ចេង សាក់ មន្ត្រីយោធានៅក្នុងវរ:១ ដែលលោកមេបញ្ជាការ យោធាវរ:១ ឈ្មោះ ថន ម៉េងស្រ៊ា ក៏មានភាគហ៊ុននៅក្នុងនោះផងដែរ។
ឈើប្រណីតប្រភេទធ្នង់ និងនាងនួនយ៉ាងច្រើនសន្ធឹកសន្ធាប់ខាងលើនេះ ត្រូវបានប្រជាពលរដ្ឋរាយការណ៍ថា កាប់ អារដឹកជញ្ជូនចេញពីតំបន់ដែនជំរកសត្វព្រៃភ្នំព្រេច ដូចជានៅចំណុចឃុំចុងផ្លាស់ ឃុំមេម៉ង់ ឃុំស្រែឈូក រួចដឹក ជញ្ជូនឆ្លងដែនចូលកាត់ទឹកដីខេត្តក្រចេះ តាមច្រកភ្នំព្រេច ឃុំស្វាយជ្រះ ស្រុកស្នួល។
ការបណ្តែតបណ្តោយឲ្យមានបទល្មើសកាប់បំផ្លាញព្រៃនៅក្នុងតំបន់ស្នួល នៃដែនជម្រកសត្វព្រៃភ្នំព្រេចនេះ ត្រូវបាន សហគមន៍ការពារព្រៃឈើធ្វើការចោទប្រកាន់ថា លោក ឈិត សុផល ប្រធានមន្ទីបរិស្ថានខេត្ត និងលោក សំរ៉ង ឌី វិចិត្រ ត្រូវដងត្រូវផ្លែជាមួយក្រុមឈ្មួញធំៗ ទើបបានជាដឹកជញ្ជូនយ៉ាងរលូនបែបនេះ។
ព័ត៌មានចុងក្រោយស្តីពីបទល្មើសខាងលើនេះ សង្ស័យក្រុមសមត្ថកិច្ចជំនាញផ្នែករដ្ឋាបាលព្រៃឈើស្រុកកែវសីម៉ា ធ្វើការបិទបាំងឲ្យឈ្មួញមានឱកាសជម្លៀសឈើទាំងនោះ ចេញអស់មួយចំនួនធំ ដោយសង្ស័យជាថ្នូរជាមួយដុល្លារ ដ៏ច្រើនសន្ធឹកសន្ធាប់។ រហូតដល់ម៉ោង ៥ និង១០នាទី រសៀលថ្ងៃទី២២ ខែមេសា ឆ្នាំ២០១៤ នេះ ពុំទាន់មាន ជំនាញណាប្រាប់បញ្ជាក់ឲ្យច្បាស់លាស់នៅឡើយទេ។ ជំនាញខ្លះទៀត បានឆ្លើយឌីដងឲ្យអ្នកសារព័ត៌មានអញ្ជើញ ទៅរាប់ចំនួនឈើដោយខ្លួនឯងទៅ។
រសៀលថ្ងៃដដែលនេះ មជ្ឈមណ្ឌលព័ត៌មានដើមអម្ពិល បានព្យាយាមសុំការបំភ្លឺពីលោក រឿង សុផាត នាយផ្នែករដ្ឋ បាលព្រៃឈើស្រុកកែវសីម៉ា ប៉ុន្តែទាក់ទងពុំបាននោះទេ។ ពាក់ព័ន្ធការចោទប្រកាន់ពីសំណាក់សហគមន៍ការពារ ព្រៃឈើ និងប្រជាពលរដ្ឋទៅលើលោកមេបញ្ជាការវរ:លេខ១ ឈ្មោះ ថន ម៉េងស្រ៊ា និង មន្រ្តីរបស់ខ្លួនឈ្មោះ ចេង សាក់ អ្នកទាំងពីររូបបានឆ្លើយបដិសេធថា មិនបានដឹងរឿងរ៉ាវទាំងនេះឡើយ៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567