ដែនជំរកសត្វព្រៃភ្នំព្រេចកំពុងរងនូវការកាប់បំផ្លាញព្រៃឈើ
ថ្ងៃ ព្រហស្បតិ៍ ទី24 មេសា ឆ្នាំ2014 ម៉ោង14:47
ផ្នែក: សន្តិសុខ និង សង្គម
មណ្ឌលគិរី
៖ ព្រៃឈើនៅក្នុងដែនជំរកសត្វព្រៃភ្នំព្រេចក្នុងខេត្តមណ្ឌលគិរី
រាប់សិបហិកតា សំរាប់ជាជំរកពពួកសត្វជីវៈចំរុះរស់នៅបច្ចុប្បន្ន
កំពុងប្រឈមនូវការកាប់បំផ្លាញ ព្រៃឈើ
ហើយសកម្មភាពនេះកើតមានឡើងជាបន្តបន្ទាប់ដោយប្រជាពលរដ្ឋ
ព្រមទាំងសហគមន៍ការពារព្រៃឈើធ្វើការដាក់បន្ទុកទៅលើលោកនាយកដែនជំរក
ជាអ្នកគ្រប់គ្រង
និងប្រធានមន្ទីរបរិស្ថានខេត្តជាអ្នកបើកដៃអោយជនល្មើសចូល កាប់ អារ
និងដឹកជញ្ជូនទៅលក់អោយមេឈ្មួញធំៗបន្តទៀត។
ប្រភព
ព័ត៌មានចេញពីសហគមន៍ការពារព្រៃឈើជាច្រើនបាននាំគ្នាសំដែងនូវការ
ព្រួយបារម្ភយ៉ាងខ្លាំងចំពោះការកាប់ព្រៃឈើដោយសារលោកឈិត សុផល
ជាប្រធានមន្ទីរបរិស្ថាន និងលោកសំរ៉ង ឌីវិចិត្រ
នាយកដែនជំរកសត្វព្រៃភ្នំព្រេចមានការធូរលុង
ជាមួយជនខិលខូចនិងមេឈ្មួញធំៗបណ្តែតបណ្តោយអោយជនល្មើសចូលមកកាប់
អារ
ឈើប្រណិតនិងឈើលេខមួយនៅក្នុងតំបន់ស្នូលដែនជំរកសត្វព្រៃខាងលើ
រាប់ម៉ឺនម៉ែត្រគូបដឹកចេញពី ឃុំចុងផ្លាស់ ឃុំមេម៉ង់
និងស្រុកកោះញែក
ហើយប្រភេទឈើប្រណិតដែលក្រុមជនល្មើសប្រព្រឹត្តត្រូវបានមេឈ្មួញ
ដឹកជញ្ជូនឆ្លងចូលទៅលក់នៅក្នុងខេត្តក្រចេះតាមច្រកភ្នំព្រេច
ក្នុងស្រុកស្វាយជ្រះ ស្រុកស្នួល ឃុំកន្ទួត ស្រុកចិត្របូរី
ពីស្រុកកោះញែកដឹកឆ្លងកាត់តាមច្រកឃុំរលួស
ស្រុកសំបូរខេត្តក្រចេះ។
រីឯឈើប្រណិតមួយចំនួនទៀតត្រូវបានគេដឹកជញ្ជូនឆ្លងកាត់យកទៅលក់នៅ
ព្រំប្រទល់ប្រទេសវៀតណាម។
ប្រជា
សហគមន៍ការពារព្រៃឈើនាំគ្នានិយាយថា ល្មមដល់ពេលលោក ឈិត សុផល
ប្រធានមន្ទីបរិស្ថានខេត្ត និង លោក សំរ៉ង
ឌីវិចិត្រនាយកដែនជំរកសត្វព្រៃភ្នំព្រេច
ជួយរឹតបន្តឹងការគ្រប់គ្រងតំបន់ហាមឃាត់នេះអោយបានល្អប្រសើរគង់វង្សផង
បើពុំដូច្នេះទេវាអាចរលាយព្រៃឈើអស់ហើយ។
ម្យ៉ាងទៀត
ប្រជាជនរួមទាំងសហគមន៍ការពារព្រៃឈៃនិយាយថាបើអស់លោក
អសមត្ថភាពក្នុងការគ្រប់គ្រងធនធាន ធម្មជាតិនេះសូមលោក ឈិត សុផល
និងលោក សំរ៉ង
ឌីវិចិត្រនាំគ្នាលាឈប់ពីតំណែងទទួលខុសត្រូវតំបន់ខាងលើនេះទៅ
ទុកឲ្យអ្នកក្រោយគេមានសមត្ថភាព
និងចំណេះដឹងចូលកាន់គ្រប់គ្រងកន្លែងនោះ ជំនួសវិញ៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567