ទៀប សុគន្ធ ក្រចេះ

ក្រចេះ៖ រថយន្តកូរេ ដឹកឈើប្រណិត ចំណុះប្រាំតោនមួយគ្រឿងត្រូវបានមេព្រៃឈើឃ្សឹម សហការជាមួយកម្លាំចម្រុះ ចាប់បាន កាលពីវេលាម៉ោង 10និង40នាទីព្រឹកថ្ងៃទី24 ខែមករា ឆ្នាំ2014 នៅចំណុចទួលបាលី ស្ថិតក្នុងឃុំឃ្សឹមក្រៅ ស្រុកស្នួល ​ខេត្តក្រចេះ ។
លោក ទៀប គុន្ឋពិដោរ នាយសង្កាត់រដ្ឋបាលព្រៃឈើ ឃ្សឹម បានឲដឹងថាបន្ទាប់ពី លោកបានទទួលព័ត៌មានសុំឲជួយឃាត់ពីក្រុមអ្នកកាសែត មួយក្រុម ដែលបើកតាមប្រមាញ់ក្រោយរថយន្តដឹកឈើនោះ កម្លាំងជំនាញរបស់ លោកបានសហការគ្នាជាមួយ កម្លាំងចម្រុះចេញធ្វើការ ស្ទាក់ចាប់បាននៅចំណុចខាងលើ ដោយម្ចាស់រថយន្តដឹកឈើនោះ បានឈប់រត់ចោលរថយន្ត ។
លោក ទៀប គុន្ឋពិដោរ បានឲដឹងទៀតថារថយន្តកូរេ កែរចំណុះប្រាំតោន ពណ៌សរ ទ្រុងខៀវ ពាក់ស្លាកលេខ កំពង់ចាម 3H 2554 លួចផ្ទុកឈើប្រណិតប្រភេទឈើ បេង ចំនួន32សន្លឹក ស្មើនិង0,960 ម៉ែត្រគូម ត្រូវបានកម្លាំងជំនាញនាំទៅរក្សាទុក នៅសង្កាត់រដ្ឋបាលព្រៃឈើឃ្សឹម និងកសាងសំណុំរឿងចាត់ការតាមនិតិវិធីច្បាប់ ។