Business and Investment Watch Project

We organize people movement fight for land, forest and other natural resources back from private company and urge government to review legal framework, mechanism, character, attitude, practice and policy.
Please help to support us for activity via ACLEDA Bank Account: 1800-20-531133-1-2

Sunday 26 January 2014

រថយន្ត​១​គ្រឿង​លួច​ដឹកឈើ​ក្រញូង​ត្រូវបាន​សមត្ថកិច្ច​ក្របួច​បាន​ទាំងយប់​




រតនគិរី៖ ប៉ូលិស​ប្រឆាំង​បទល្មើស​សេដ្ឋកិច្ច​ខេត្ត​សហការ​ជាមួយ​ប៉ូលិស​ប៉ុស្តិ៍​ រួមជាមួយ​អាវុធហត្ថ​ធ្វើការ​តាម​ស្ទាក់​ចាប់បាន​រថយន្ត​លួច​ដឹកឈើ​ក្រញូង​១​ គ្រឿង​ម៉ា​កាមរី​គូថ​ហើម​បាន​ទាំងយប់​។​​ ​ហេតុការណ៍​នេះ​បាន​កើតឡើង​កាលពី​វេលា​ម៉ោង​១០​និង​៣០​នាទី យប់​ថ្ងៃទី​២៥ ខែកុម្ភៈ ឆ្នាំ​២០១៤ ត្រង់ចំណុច​ផ្ទះជួល​ស្ថិតនៅ​ភូមិ​៧​មករា សង្កាត់​ឡា​បាន​សៀក ក្រុង​បាន​លុង ខេត្តរតនគិរី​។ តាម​ប្រភព​ពត៌មាន​ពី​សមត្ថកិច្ច​បានអោយដឹង​ថា មុននឹង​ឈានដល់​ការ​ចាប់បាន​រថយន្ត​១​គ្រឿង​នេះ​ដោយ មានការ​រាយការណ៍​ពី​ប្រជាពលរដ្ឋ ថា​មាន​រថយន្ត​ម៉ាក​កាមរី​គូថ​ហើម​១​គ្រឿង​ពណ៌​ខ្មៅ​គ្មាន​ស្លាក​លេខ កំពុង​លើកដាក​ឈើ​ក្រញូង​នៅក្នុង​រថយន្ត បំរុង​យកទៅលក់​នៅ​ប្រទេស​វៀតណាម​។​
ក្រោយពី​បានដឹង​ការរាយការណ៍​ភ្លាម​សមត្ថកិច្ច​ក៏បាន​មកដល់ ហើយ​សហការគ្នា​ចុះ​ទៅដល់​កន្លែងកើតហេតុ ក៏​ឃើញ​ដូច​កា​រាយ​ការពិត​មែន​។ ប្រភព​ពត៌មាន​ដដែល​បន្តទៀតថា គ្រាន់តែ​សមត្ថកិច្ច​ទៅដល់​កន្លែង​ភ្លាម ពួក​ឈ្មួញ​ដឹកឈើ​ក្រញូង​ទាំងនោះ​ក៏បាន​នាំគ្នា​រត់គេចខ្លួន​បាត់ស្រមោល​ តែម្តង​ទៅដោយ​បន្សល់ទុក​នៅតែ​រថយន្ត និង​ឈើ​ក្រញូង​ពេញ​នៅក្នុង​រថយន្ត​តែប៉ុណ្ណោះ រួចហើយ​សមត្ថកិច្ច​ក៏បាន​នាំ​រថយន្ត និង​ឈើ​ទៅ​រក្សាទុក​នៅ​ការិយាល័យ​ប្រឆាំង​បទ​ល្មើ​សេដ្ឋកិច្ច នៃ​ស្នងការ​ខេត្តរតនគិរី​ដើម្បី​ធ្វើ​របាយការណ៍​កំណត់ហេតុ បញ្ជូនទៅអោយ​ជំនាញ​រដ្ឋបាល​ព្រៃឈើ​ចាត់វិធានការ​បន្តទៅ​តាម​និតិ​វិធី​ ច្បាប់​។
គួរបញ្ជាក់​ផងដែរ​ថា រាល់​ការបង្ក្រាប់​បទល្មើស​ព្រៃឈើ​ម្តងៗ គេ​សង្កេតឃើញថា​មិនដែល​ឃើញ​ចាប់បាន​ជនល្មើស​នោះទេ ចាប់​បានតែ​រថយន្ត និង​ឈើ​តែប៉ុណ្ណោះ រីឯ​ជនល្មើស​គឺ​រត់គេច​រួច​ខ្លួន​រហូត​។​ ​
ប្រ​ភ​មួយ​ផ្សេងទៀត​បាន​ខ្សឹប​អោយដឹងថា ម្ចាស់​រថយន្ត​ដែល​លួច​ដឹកឈើ​ក្រញូង​នេះ​មានឈ្មោះ​ដូច ជា​ឈ្មួញ​រកស៊ី​បទល្មើស​ព្រៃឈើ​នេះ​យូរ​ឆ្នាំ​មកហើយ​៕
​ដោយ ហ៊ាង រ៉ាត់​
26b3 26b2

No comments:

Post a Comment

Thank so much for your comments or idea
please contact us for more detail report
ouchleng@gmail.com
855-16705 567