ខេត្ដក្រចេះ ៖ ឈើប្រណីតជាច្រើនកំណាត់ស្មើជាង៣ម៉ែត្រគូបដឹកលោត ឆត្រតាមរថយន្ដកូរ៉េចំណុះ១តោនកន្លះ ពណ៌ត្រេអ៊ីជារឿយៗមិនបង់ផ្លូវ បំពានអំណាចសមត្ថកិច្ចនានាដោយអាងស្បែកជាយោធាបានធ្វើឲ្យ កម្លាំងមេព្រៃសង្កាត់រដ្ឋ បាលព្រៃឈើស្នួលឈួលចុងច្រមុះចាប់បង្ក្រាបយកស្នាដៃខណៈសង្កាត់ ផ្នែក ជាពិសេសកំលាំងខណ្ឌរដ្ឋបាលព្រៃឈើផ្សេងៗទៀតធ្វើជាមើលរំលង។ ការបង្ក្រាបនេះធ្វើឡើងកាលពីវេលាម៉ោង១ និង៣០នាទីរំលងអធ្រាត្រឈានចូលថ្ងៃទី៤ ខែមីនា នៅលើផ្លូវជាតិលេខ៧ ត្រង់ចំណុចភូមិផ្សារស្នួល ស្រុកស្នួល ខេត្ដក្រចេះ ។
មានសេចក្ដីរាយការណ៍ថា ការចាប់រថយន្ដពណ៌ត្រេអ៊ីដឹកឈើប្រណីតល្មើសជាង៣ម៉ែត្រគូបនេះ ពុំបានឃាត់ខ្លួនអ្នកបើកបរនោះទេ ហើយក៏ពុំដឹងថាជាកម្មសិទ្ធ របស់ជនណានោះទេ។ ភាគច្រើនជាទម្លាប់ទៅហើយស្ទើរតែទូទាំងប្រទេស ការចាប់បង្ក្រាបបទល្មើសឈើម្តងៗចាប់បានតែរដ្ឋយន្តនឹងឈើទេកម្រ ណាស់ចាប់ទាំងមនុស្សយកមកផ្តន្ទាទោស។ ករណីដឹកជញ្ជូនឈើប្រណីតដោយរថយន្ដពណ៌ត្រេអ៊ី របស់អង្គភាពយោធាខេត្ដនេះជាលក្ខណៈ ទ្រង់ទ្រាយធំ គឺមិនមែន ជនសាមញ្ញអាចធ្វើទៅបាននោះទេ ហើយការបង្ក្រាបនេះទំនងជាមានការកាច់កុង។
មន្ត្រីរដ្ឋបាលព្រៃឈើស្នួលបានឲ្យដឹងថាៈ នៅក្នុងរថយន្ដ កូរ៉េពណ៌ត្រេអ៊ីនេះមានឈើអារប្រណីត ប្រភេទឈើធ្នង់មុខកាត់ធំៗ ចំនួន១៤ដុំ មានបរិមាណជាង៣ម៉ែត្រគូប ។ទាំងឈើ និងរថយន្តបាននាំយកទៅរក្សាទុកបណ្ដោះអាសន្ននៅសង្កាត់រដ្ឋបាលព្រៃឈើ ស្នួល។ មន្ត្រីដដែល បានបញ្ជាក់ថា ក្នុងករណីចាប់រថយន្ដនេះ សមត្ថកិច្ចជំនាញមិនបានឃាត់ខ្លួនជនណាម្នាក់ទេ ដោយគ្រាន់តែចាប់រឹបអូស យករថយន្ដ និងឈើប្រណីតតែ ប៉ុណ្ណោះ ដើម្បីកសាងសំណុំរឿងចាត់ការបន្ដ។
តាមប្រភពព័ត៌មានបានឱ្យដឹងថាៈ ការដឹកជញ្ជូនឈើប្រណីតដោយប្រើ ប្រាស់រថយន្ដពណ៌ត្រេអ៊ីនេះជាកម្មសិទ្ធិរបស់ មេឈ្មួញម្នាក់ឈ្មោះ គុន មានតួនាទីជា មន្ដ្រីយោធានៅក្នុងសឹករងខេត្ដក្រចេះ គឺបានធ្វើ ឡើងស្ទើររាល់ថ្ងៃ ដែលសមត្ថកិច្ចជំនាញរដ្ឋបាលព្រៃឈើពុំដែលបង្ក្រាបទេ ទើបតែពេលនេះគេឃើញមានការបង្ក្រាបគួរឲ្យភ្ញាក់ផ្អើល ដែលគេសង្ស័យថា ស៊ីដាច់មិនបង់បាយទឹកតាមផ្លូវ៕ ដោយ ស្រីម៉ៅ
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567