Friday, 14 March 2014
មណ្ឌលគិរីៈ សហគមន៍ជនជាតិដើមភាគតិចចំនួន ៦
ក្នុងក្រុងសែនមនោរម្យ បានអះអាងថា មន្រ្តីបរិស្ថាន
និងអាជ្ញាធរ
បានរារាំងពួកគាត់មិនឲ្យធ្វើសកម្មភាពការពារព្រៃឈើឡើយ
ក្នុងខណៈពេលដែលឈើប្រណីតក្នុងព្រៃសហគមន៍ពួកគាត់
និងក្នុងដែនជម្រកសត្វព្រៃភ្នំព្រិចកំពុងត្រូវបានកាប់ហើយ
ដឹកចូលក្រុមហ៊ុនដីសម្បទានសេដ្ឋកិច្ចរបស់លោកអភិបាលរងខេត្ត
មណ្ឌលគិរី។
លោកដួង តេនអាយុ ៣៦ ឆ្នាំ ជាសមាជិកសហគមន៍ជនជាតិដើមភាគតិចព្នង ក្នុងសង្កាត់សុខដុម ក្រុងសែនមនោរម្យ អះអាងកាលពីម្សិលមិញថា ព្រៃសហគមន៍ឡៅការ មេម៉ង់ ស្រែអ៊ី ស្រែធំ ស្រែថាស ពូជ្រៃ និងដែនជម្រកសត្វព្រៃភ្នំព្រិច កំពុងទទួលរងការលួចកាប់ឈើប្រណីតដោយគ្មានការទប់ស្កាត់ពីសំ ណាក់មន្រ្តីជំនាញឡើយ។ ឃើញដូច្នេះ ប្រជាសហគមន៍ បាននាំគ្នាដើរល្បាតស្ទាក់ឡានដឹកឈើ និងសរសេរពាក្យស្លោកចំនួន១១ផ្ទាំងបោះបង្គោលដាក់តាមផ្លូវក្នុង ភូមិដើម្បីអំពាវនាវដល់ប្រជាសហគមន៍ទាំងអស់ចូលរួមទប់ ស្កាត់បទល្មើសព្រៃឈើ។
លោក ដួង តេន បានបញ្ជាក់ថា៖ «គ្មានអាជ្ញាធរណាយកចិត្តទុកដាក់ ជួយទប់ស្កាត់រឿងកាប់ឈើនោះទេ តែបែរជាដឹកនាំកម្លាំងប៉ូលិស ប៉េអឹមចុះទៅឲ្យយើងដកពាក្យស្លោកទាំងអស់នោះចេញទៅវិញ»។
លោក ដួង តេន បានអះអាងថា កាលពីខែកុម្ភៈកន្លងទៅ អាជ្ញាធរ បានដឹកនាំកម្លាំងប្រដាប់អាវុធ ចុះទៅក្នុងសហគមន៍លោក ហើយបានបង្ខំឲ្យពួកលោកឈប់ស្ទាក់ចាប់ឡានដឹកឈើ និងឲ្យដកពាក្យស្លោកប្រឆាំងនឹងការកាប់បំផ្លាញព្រៃឈើទាំងនោះ ចេញ។ ប៉ុន្តែសហគមន៍បានបដិសេធ។
ដោយឡែកចំពោះសកម្មភាពល្បាតការ ពារព្រៃវិញក៏ត្រូវបានមន្រ្តីបរិស្ថានព្យាយាមរារាំងពួក គាត់ដែរ។ លោក ដួង តេន បានឲ្យដឹងថា កាលពីសប្តាហ៍មុន លោក ឈិត សុផល ប្រធានមន្ទីរបរិស្ថានខេត្តមណ្ឌលគិរីបានដឹកនាំកម្លាំងទៅហាម ឃាត់ក្រុមសហគមន៍របស់លោក មិនឲ្យដើរល្បាតព្រៃ ដោយលើកហេតុផលថា ប្រជាសហគមន៍គ្មានសិទ្ធិធ្វើបែបនោះឡើយ។
លោក ដួង តេន បានថ្លែងថា៖«ពីមុនយើងគ្រាន់តែដើរល្បាតទេ តែបទល្មើសកាន់តែច្រើនក៏នាំគ្នាដេកនៅក្នុងព្រៃនៅពេលយប់ ថែមទៀត ហើយឃើញឡានដឹកឈើជាច្រើនគ្រឿងក្នុងមួយយប់ៗ តែពួកបរិស្ថានធ្វើមិនឃើញ»។
លោកបានបន្ថែមថា ឈើទាំងនោះត្រូវបានកាប់ពីក្នុងព្រៃសហគមន៍របស់ប្រជាពលរដ្ឋ និងពីដែនជម្រកសត្វព្រៃភ្នំព្រិចដោយមានការឃុបឃិតគ្នាពី មន្រ្តីខិលខូចមួយចំនួន។ លោកតេនបានថ្លែងដូច្នេះថា៖«ប្រហែលជាមានគេទាក់ទងត្រូវរ៉ូវគ្នា ហើយ ទើបបានដេញយើងចេញមិនឲ្យដេកចាំមើលបទល្មើសព្រៃឈើក្នុងព្រៃ»។
ប្រជា សហគមន៍ម្នាក់ទៀតឈ្មោះ ស្រូយ ខេត អាយុ២៩
ឆ្នាំក៏បានអះអាងផងដែរថា
ក្នុងមួយយប់ៗមានឡានកែច្នៃប្រមាណជា ១០ គ្រឿង
ដឹកឈើប្រណីតចេញពីក្នុងព្រៃចូលទៅក្នុងក្រុមហ៊ុនវីឡាឌីវេលឡុប
មេន ដែលក្នុងមួយឡានៗមានឈើយ៉ាងហោចណាស់ក៏ ៧ទៅ ៨
ម៉ែត្រគុបដែរ។
លោកស្រូយ ខេតអះអាងថា៖ «គេកាប់ឈើអស់ទាស់ហើយ គ្មានគេបង្រ្កាបទេ។ ឈើទាំងនោះមានបេង ធ្នង់ និងនាងនួន គេដឹកចូលក្រុមហ៊ុនដោយឡានរ៉េវ និងដឹកចេញពីក្រុមហ៊ុនវិញតាមកុងតឺន័រធំៗយកទៅលក់នៅវៀតណាម»។
តាម ការស៊ើបសួរពីកម្មករដែលធ្វើការពាក់ព័ន្ធក្នុងបទល្មើសព្រៃឈើ នេះ លោក ដួង តេនបានឲ្យដឹងថា ក្រុមហ៊ុនបានសហការជាមួយនឹងឧកញ៉ាក្នុងការរកស៊ីឈើប្រណីតនោះដែល ក្នុងនោះមានឡានកែច្នៃប្រមាណជា ៣០គ្រឿង និងកម្មកររាប់សិបនាក់សម្រាប់ដឹកជញ្ជូនឈើ។
ទាក់ ទងទៅនឹងបញ្ហានេះលោកសុក រដ្ឋា អ្នកសម្របសម្រួលអង្គការអាដហុកខេត្តមណ្ឌលគិរី បានសង្កេតឃើញថា ប្រជាសហគមន៍ជនជាតិដើមមានភាពសកម្មជាងមន្រ្តីជំនាញទៅទៀត ក្នុងការទប់ស្កាត់បទល្មើសព្រៃឈើនេះ ដោយសារតែពួកគាត់ រស់នៅពឹងអាស្រ័យទៅលើព្រៃឈើទាំងនោះតាំងតែពីដូនតាមក។
លោក រដ្ឋាបានបញ្ជាក់ថា៖ «មិនឃើញអាជ្ញាធរទប់ស្កាត់ ទើបគាត់នាំគ្នាធ្វើ ហើយបទល្មើសព្រៃឈើនៅទីនោះគឺធ្វើឡើងក្រោមរូបភាពឧកញ៉ា និងក្រុមអ្នកមានអំណាច តែមន្រ្តីជំនាញវិញ ចេះតែបណ្តែតបណ្តោយឲ្យបទល្មើសនេះកើតឡើងរហូតមក»។
ឆ្លើយតបទៅនឹងការចោទប្រកាន់ខាងលើ លោក យឹម លុចអភិបាលរងខេត្តមណ្ឌលគិរីបានថ្លែងថា រឿងឈើគ្មានពាក់ព័ន្ធទៅនឹងក្រុមហ៊ុនវីឡាឌិវេលឡុបមេនរបស់ ភរិយាលោកទៀតនោះទេព្រោះអនុផលព្រៃឈើក្នុងក្រុមហ៊ុន ត្រូវបានផ្តេរទៅឲ្យក្រុមហ៊ុនផ្សេងទៅហើយ។ លោកយឹម លុចបានបញ្ជាក់ថា៖«ក្រុមហ៊ុនយើងដាំតែកៅស៊ូទេ មិនដឹងឮរឿងកាប់ឈើនោះទេ។ រឿងឈើអ្នកផ្សេងអ្នកធ្វើទេ»។
ដោយ ឡែកលោកឈិត សុផលប្រធានមន្ទីរបរិស្ថានខេត្តមណ្ឌលគិរីវិញបានអះអាងថាសហ គមន៍អ្នកដើរល្បាតព្រៃនោះ មិនទាន់មានការទទួលស្គាល់ជាផ្លូវការ ពីក្រសួងបរិស្ថាននៅឡើយនោះទេ។ ហេតុនេះ លោកគ្រាន់តែប្រាប់ពួកគាត់មិនឲ្យដើរក្នុងព្រៃពេលយប់ ក្រែងលោវាមានបញ្ហាអ្វីមួយទៅ នាំគ្នាចោទដាក់មន្រ្តីលោកជាអ្នកធ្វើ។
លោកបន្ថែមថា ថ្មីៗនេះ មានគេលួចដុតឈើដែលរឹបអូសបានពីអ្នកកាប់ឈើខុសច្បាប់។ ហេតុនេះលោកមិនចង់មានបញ្ហាជាមួយនឹងសហគមន៍នោះទេ។ ទោះយ៉ាងណាលោកទទួលស្គាល់ថា ការកាប់ឈើពិតជានៅកើតមានជារៀងរាល់ថ្ងៃមែន ហើយ«មន្ត្រីលោកកំពុងតែដុតដៃដុតជើងបង្រ្កាបទាំងថ្ងៃទាំងយប់ ហើយ»។
លោកឡុង វិបុលអភិបាលក្រុងសែនមនោរម្យបានបដិសេធមិនធ្វើអធិប្បាយឡើយដោយថ្លែងថា ជាប់ប្រជុំ៕
ឡានដឹកឈើប្រណីតចេញពីព្រៃសហគមន៍ កាលពីដើមសប្តាហ៍នេះ។ រូបថត អង្គការអាដហុក
លោកដួង តេនអាយុ ៣៦ ឆ្នាំ ជាសមាជិកសហគមន៍ជនជាតិដើមភាគតិចព្នង ក្នុងសង្កាត់សុខដុម ក្រុងសែនមនោរម្យ អះអាងកាលពីម្សិលមិញថា ព្រៃសហគមន៍ឡៅការ មេម៉ង់ ស្រែអ៊ី ស្រែធំ ស្រែថាស ពូជ្រៃ និងដែនជម្រកសត្វព្រៃភ្នំព្រិច កំពុងទទួលរងការលួចកាប់ឈើប្រណីតដោយគ្មានការទប់ស្កាត់ពីសំ ណាក់មន្រ្តីជំនាញឡើយ។ ឃើញដូច្នេះ ប្រជាសហគមន៍ បាននាំគ្នាដើរល្បាតស្ទាក់ឡានដឹកឈើ និងសរសេរពាក្យស្លោកចំនួន១១ផ្ទាំងបោះបង្គោលដាក់តាមផ្លូវក្នុង ភូមិដើម្បីអំពាវនាវដល់ប្រជាសហគមន៍ទាំងអស់ចូលរួមទប់ ស្កាត់បទល្មើសព្រៃឈើ។
លោក ដួង តេន បានបញ្ជាក់ថា៖ «គ្មានអាជ្ញាធរណាយកចិត្តទុកដាក់ ជួយទប់ស្កាត់រឿងកាប់ឈើនោះទេ តែបែរជាដឹកនាំកម្លាំងប៉ូលិស ប៉េអឹមចុះទៅឲ្យយើងដកពាក្យស្លោកទាំងអស់នោះចេញទៅវិញ»។
លោក ដួង តេន បានអះអាងថា កាលពីខែកុម្ភៈកន្លងទៅ អាជ្ញាធរ បានដឹកនាំកម្លាំងប្រដាប់អាវុធ ចុះទៅក្នុងសហគមន៍លោក ហើយបានបង្ខំឲ្យពួកលោកឈប់ស្ទាក់ចាប់ឡានដឹកឈើ និងឲ្យដកពាក្យស្លោកប្រឆាំងនឹងការកាប់បំផ្លាញព្រៃឈើទាំងនោះ ចេញ។ ប៉ុន្តែសហគមន៍បានបដិសេធ។
ដោយឡែកចំពោះសកម្មភាពល្បាតការ ពារព្រៃវិញក៏ត្រូវបានមន្រ្តីបរិស្ថានព្យាយាមរារាំងពួក គាត់ដែរ។ លោក ដួង តេន បានឲ្យដឹងថា កាលពីសប្តាហ៍មុន លោក ឈិត សុផល ប្រធានមន្ទីរបរិស្ថានខេត្តមណ្ឌលគិរីបានដឹកនាំកម្លាំងទៅហាម ឃាត់ក្រុមសហគមន៍របស់លោក មិនឲ្យដើរល្បាតព្រៃ ដោយលើកហេតុផលថា ប្រជាសហគមន៍គ្មានសិទ្ធិធ្វើបែបនោះឡើយ។
លោក ដួង តេន បានថ្លែងថា៖«ពីមុនយើងគ្រាន់តែដើរល្បាតទេ តែបទល្មើសកាន់តែច្រើនក៏នាំគ្នាដេកនៅក្នុងព្រៃនៅពេលយប់ ថែមទៀត ហើយឃើញឡានដឹកឈើជាច្រើនគ្រឿងក្នុងមួយយប់ៗ តែពួកបរិស្ថានធ្វើមិនឃើញ»។
លោកបានបន្ថែមថា ឈើទាំងនោះត្រូវបានកាប់ពីក្នុងព្រៃសហគមន៍របស់ប្រជាពលរដ្ឋ និងពីដែនជម្រកសត្វព្រៃភ្នំព្រិចដោយមានការឃុបឃិតគ្នាពី មន្រ្តីខិលខូចមួយចំនួន។ លោកតេនបានថ្លែងដូច្នេះថា៖«ប្រហែលជាមានគេទាក់ទងត្រូវរ៉ូវគ្នា ហើយ ទើបបានដេញយើងចេញមិនឲ្យដេកចាំមើលបទល្មើសព្រៃឈើក្នុងព្រៃ»។
លោកស្រូយ ខេតអះអាងថា៖ «គេកាប់ឈើអស់ទាស់ហើយ គ្មានគេបង្រ្កាបទេ។ ឈើទាំងនោះមានបេង ធ្នង់ និងនាងនួន គេដឹកចូលក្រុមហ៊ុនដោយឡានរ៉េវ និងដឹកចេញពីក្រុមហ៊ុនវិញតាមកុងតឺន័រធំៗយកទៅលក់នៅវៀតណាម»។
តាម ការស៊ើបសួរពីកម្មករដែលធ្វើការពាក់ព័ន្ធក្នុងបទល្មើសព្រៃឈើ នេះ លោក ដួង តេនបានឲ្យដឹងថា ក្រុមហ៊ុនបានសហការជាមួយនឹងឧកញ៉ាក្នុងការរកស៊ីឈើប្រណីតនោះដែល ក្នុងនោះមានឡានកែច្នៃប្រមាណជា ៣០គ្រឿង និងកម្មកររាប់សិបនាក់សម្រាប់ដឹកជញ្ជូនឈើ។
ទាក់ ទងទៅនឹងបញ្ហានេះលោកសុក រដ្ឋា អ្នកសម្របសម្រួលអង្គការអាដហុកខេត្តមណ្ឌលគិរី បានសង្កេតឃើញថា ប្រជាសហគមន៍ជនជាតិដើមមានភាពសកម្មជាងមន្រ្តីជំនាញទៅទៀត ក្នុងការទប់ស្កាត់បទល្មើសព្រៃឈើនេះ ដោយសារតែពួកគាត់ រស់នៅពឹងអាស្រ័យទៅលើព្រៃឈើទាំងនោះតាំងតែពីដូនតាមក។
លោក រដ្ឋាបានបញ្ជាក់ថា៖ «មិនឃើញអាជ្ញាធរទប់ស្កាត់ ទើបគាត់នាំគ្នាធ្វើ ហើយបទល្មើសព្រៃឈើនៅទីនោះគឺធ្វើឡើងក្រោមរូបភាពឧកញ៉ា និងក្រុមអ្នកមានអំណាច តែមន្រ្តីជំនាញវិញ ចេះតែបណ្តែតបណ្តោយឲ្យបទល្មើសនេះកើតឡើងរហូតមក»។
ឆ្លើយតបទៅនឹងការចោទប្រកាន់ខាងលើ លោក យឹម លុចអភិបាលរងខេត្តមណ្ឌលគិរីបានថ្លែងថា រឿងឈើគ្មានពាក់ព័ន្ធទៅនឹងក្រុមហ៊ុនវីឡាឌិវេលឡុបមេនរបស់ ភរិយាលោកទៀតនោះទេព្រោះអនុផលព្រៃឈើក្នុងក្រុមហ៊ុន ត្រូវបានផ្តេរទៅឲ្យក្រុមហ៊ុនផ្សេងទៅហើយ។ លោកយឹម លុចបានបញ្ជាក់ថា៖«ក្រុមហ៊ុនយើងដាំតែកៅស៊ូទេ មិនដឹងឮរឿងកាប់ឈើនោះទេ។ រឿងឈើអ្នកផ្សេងអ្នកធ្វើទេ»។
ដោយ ឡែកលោកឈិត សុផលប្រធានមន្ទីរបរិស្ថានខេត្តមណ្ឌលគិរីវិញបានអះអាងថាសហ គមន៍អ្នកដើរល្បាតព្រៃនោះ មិនទាន់មានការទទួលស្គាល់ជាផ្លូវការ ពីក្រសួងបរិស្ថាននៅឡើយនោះទេ។ ហេតុនេះ លោកគ្រាន់តែប្រាប់ពួកគាត់មិនឲ្យដើរក្នុងព្រៃពេលយប់ ក្រែងលោវាមានបញ្ហាអ្វីមួយទៅ នាំគ្នាចោទដាក់មន្រ្តីលោកជាអ្នកធ្វើ។
លោកបន្ថែមថា ថ្មីៗនេះ មានគេលួចដុតឈើដែលរឹបអូសបានពីអ្នកកាប់ឈើខុសច្បាប់។ ហេតុនេះលោកមិនចង់មានបញ្ហាជាមួយនឹងសហគមន៍នោះទេ។ ទោះយ៉ាងណាលោកទទួលស្គាល់ថា ការកាប់ឈើពិតជានៅកើតមានជារៀងរាល់ថ្ងៃមែន ហើយ«មន្ត្រីលោកកំពុងតែដុតដៃដុតជើងបង្រ្កាបទាំងថ្ងៃទាំងយប់ ហើយ»។
លោកឡុង វិបុលអភិបាលក្រុងសែនមនោរម្យបានបដិសេធមិនធ្វើអធិប្បាយឡើយដោយថ្លែងថា ជាប់ប្រជុំ៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567