ប៉ៃលិន៖
ក្រុមមន្ត្រីអភិរក្សសត្វព្រៃ(MJP)
និងមន្ត្រីបរិស្ថានមានគ្នាប្រហែល៣០នាក់ ដឹកនាំដោយលោក ស្រី រ៉ា
ជាមន្ត្រីអនុរក្សបានចុះទៅធ្វើសកម្មភាពរុះរើ
និងយករបស់របរប្រើប្រាស់របស់ប្រជាពលរដ្ឋអស់មួយចំនួន
ព្រមទាំងដេញចាប់ឃាត់ខ្លួនពួកគាត់ បានចំនួន៣នាក់
ក្នុងនោះស្ត្រី២នាក់និងក្មេងស្រីតូចអាយុ៣ឆ្នាំម្នាក់
ដែលកំពុងស្នាក់នៅក្នុងខ្ទម ត្រូវគេនាំយកទៅទីស្នាក់ការនៅស្រុកសំឡូត
ដោយចោទពីបទសាងសង់លំនៅឋានលើដីបរិស្ថាន
និងកាប់រុករានបំផ្លាញព្រៃឈើតំបន់អភិរក្ស
។ហេតុការណ៍ដែលមន្ត្រីអភិរក្សសត្វព្រៃ
និងមន្ត្រីបរិស្ថានចុះទៅរុះរើបំផ្លាញខ្ទម និងដេញចាប់ឃាត់ខ្លួននេះ
បានកើតឡើងកាលពីវេលាម៉ោង១១ និង៣០នាទីព្រឹកថ្ងៃទី៣ មីនា
ស្ថិតនៅចំណុចអូររុន
ក្រោយទីស្នាក់ការបរិស្ថានមួយឈ្មោះ«តំបន់ប្រើប្រាស់ច្រើនយ៉ាងសំឡូត
» ស្ថិតក្នុងភូមិក្រចាប់ក្រោម សង្កាត់អូរតាវ៉ៅ ក្រុងប៉ៃលិន
ខេត្តប៉ៃលិន។
ពលរដ្ឋដែលមន្ត្រីអភិរក្សសត្វព្រៃ និងមន្ត្រីបរិស្ថានឃាត់ខ្លួន ទី១-ឈ្មោះដង សាស់ ភេទស្រី អាយុ៣៣ឆ្នាំ ២-ឈ្មោះយឿន ស្រីមុំ ភេទស្រី អាយុ២១ឆ្នាំ និងកូនស្រី ៣-ឈ្មោះយឿន ចាន់រី អាយុ៣ឆ្នាំ ទាំង៣នាក់ រស់នៅភូមិក្រចាប់ក្រោម សង្កាត់អូរតាវ៉ៅ ក្រុងប៉ៃលិន ។ឃាត់ខ្លួន ម៉ោង១១ និង៣០នាទីព្រឹកថ្ងៃទី៣ មីនា ហើយរហូតមកដល់វេលាម៉ោង១និង៣០នាទីរសៀលថ្ងៃទី៤ មីនា ត្រូវបានដោះលែងវិញ ដោយឱ្យធ្វើកិច្ចសន្យាឈប់ទៅរស់នៅលើដីនោះតទៅទៀត ។
ប្រភពពត៍មានពីប្រជាពលរដ្ឋដែលរស់នៅក្នុងតំបន់អភិរក្សបានឲ្យ ដឹងថាៈ កន្លងមកមន្ត្រីអភិរក្សសត្វព្រៃ(MJP) និងមន្ត្រីបរិស្ថានតែងតែមកចាប់ឃាត់ខ្លួនប្រជាពលរដ្ឋនៅតំបន់នេះជា រៀងរហូត ។ ហើយប្រជាពលរដ្ឋដែលរស់នៅលើដីនោះច្រើនតែអ្នកភូមិមានជីវភាពក្រីក្រ តោកយ៉ាក សងខ្ទមសសរឈើតូចៗ ។
ប្រភពបន្តថាពួកមន្ត្រីដែលធ្វើការជាមន្ត្រី(MJP) និងមន្ត្រីបរិស្ថាន ច្រើនតែជាអ្នកភូមិរស់នៅភូមិភ្នំដំបង (មន្ត្រីជាប់កិច្ចសន្យា) ហើយមកចាប់តែប្រជាពលរដ្ឋដែលរស់នៅភូមិក្រចាប់ក្រោមតែប៉ុណ្ណោះ ចំណែកដីនៅភូមិភ្នំដំបងវិញជាដី អភិរក្សបរិស្ថានដូចគ្នា ហើយអ្នកដែលរស់នៅភូមិនេះច្រើនជាមន្ត្រីជាប់កិច្ចសន្យា(MJP) និងមន្ត្រីបរិស្ថាន ហេតុអ្វីក៏មន្ត្រីទាំងនោះមើលមិនឃើញ បែរជាឲ្យពួកគេសង់ផ្ទះធំប្រក់ស័ង្កសីសសរជ្រុង និងជញ្ជាំងក្តារជាច្រើនខ្នង មិនត្រូវបានមន្ត្រីទាំងនោះរុះរើបំផ្លាញផងទេ ខណៈដើមឈើតូចធំជាច្រើនកំពុងតែត្រូវបានគេកាប់រុករាន និងដុតបំផ្លាញនៅក្នុងដែនដីអភិរក្ស និងមិនត្រូវបានចាប់ខ្លួនជនល្មើសណាម្នាក់នោះឡើយ ដែលមើលទៅប្រហែលជាអ្នកមានអំណាចទេដឹង ។ ប្រភពបន្តទៀតថាៈ ប្រធានអង្កការ(MJP) និងប្រធានមន្ទីរបរិស្ថាន គួរតែមើលភាពកម្សោយរបស់មន្ត្រីខ្លួនដែលប្រចាំការនៅតាមមូលដ្ឋានឲ្យ បានច្បាស់ តើមានភាពត្រិមត្រួវដែរឫទេ។
ពលរដ្ឋម្នាក់ឈ្មោះអៀម សុន ភេទប្រុស អាយុ៥១ឆ្នាំ ដែលត្រូវបានមន្ត្រីអភិរក្សសត្វព្រៃ និងបរិស្ថានរុះរើបំផ្លាញខ្ទមរបស់គាត់ដែរនោះរៀបរាប់ឱ្យ ដឹងថា ដោយសារតែគ្មានដីសង់ផ្ទះ និងដីចម្ការធ្វើនឹងគេទើបគាត់ដាច់ចិត្តទាក់ទងទៅអាជ្ញាធរភូមិ សង្កាត់ និងមន្ត្រីបរិស្ថានសុំរស់នៅលើដីអភិរក្សបណ្តោះអាសន្ន និងបានទៅរស់នៅទីនោះប្រហែល២ទៅ៣ឆ្នាំមកហើយ ក៏ត្រូវមន្ត្រីបរិស្ថានចាប់គាត់ដាក់ពន្ធនាគារអស់រយៈពេល២ឆ្នាំ ចាប់ពីឆ្នាំ២០១១-២០១៣ ទើបដោះលែងឱ្យមានសេរីភាព លុះពេលចេញមកវិញ លោកក៏ទៅសុំដីដដែលនេះស្នាក់នៅនិងដាំដំណាំអាស្រ័យផលបន្តទៀត រហូតដល់ព្រឹកថ្ងៃទី៣ មីនា នេះ ក៏ត្រូវគេដេញចាប់បន្តទៀត ។ លោកនិយាយថាកាំបិតពូថៅ និងសម្ភារប្រើប្រាស់មួយចំនួន មាន់ពង់ក្នុងសម្បុក ម្ហូបអាហារ ត្រូវបានមន្ត្រីបរិស្ថានយកអស់ពីក្នុងខ្ទម ហើយក៏នាំគ្នារុះរើផ្ទះរបស់គាត់ចោលដោយគ្មានក្តីមេត្តាឡើយ ។ ពេលនេះពួកគាត់មិនដឹងជាទៅរស់នៅទីណានោះទេ ព្រោះគ្មានដី១ដុំនឹងគេសោះ ។
លោកហែម ហ៊ីម មេភូមិក្រចាប់បានរៀបរាប់ឱ្យដឹងថា ប្រជាពលរដ្ឋរបស់គាត់ជាង១០គ្រួសារ រស់នៅលើដីនេះជាច្រើនឆ្នាំមកហើយ តែពួកគេអត់បានរុករានដីបន្តនោះទេគ្រាន់តែអាស្រ័យផល នៅលើដីវាលៗ ក្នុងម្នាក់ៗមានដីប្រហែលកន្លះហិកតា ដាំពោត និងដំឡូងមី គ្រាន់បានលក់ចិញ្ចឹមជីវិតប៉ុណ្ណោះ ។
ខណៈដែលមន្ត្រីចុះទៅធ្វើសកម្មភាពរុះរើ និងដេញចាប់ប្រជាពលរដ្ឋទាំងនេះ ពួកគេអត់បានជូនដំណឹងដល់លោកជាអាជ្ញាធរភូមិ និងប្រាប់ប្រជាពលរដ្ឋឱ្យចេញជាមុននោះទេ គឺដឹកនាំកម្លាំងស្ងាត់ៗ ចុះទៅធ្វើសកម្មភាពដេញតែម្តង ។ លោកមេភូមិបានបញ្ជាក់ទៀតថា ភាគច្រើនមន្ត្រីទាំងនេះជាបុគ្គលិកបណ្តែតដែលត្រូវគេ រើសចេញពីភូមិភ្នំដំបងឱ្យការពារព្រៃឈើនៅតំបន់នោះ ។ តែគួរឱ្យស្តាយបើសិនជាយើងចុះទៅពិនិត្យព្រៃតំបន់ការពារភ្នំ ដំបងនេះជាក់ស្តែងនឹងភ្នែកវិញឃើញថា ត្រូវគេយកម៉ាស៊ីនត្រង់ស៊ីន័រកាប់និងដុតបំផ្លាញយកដីធ្វើ ចម្ការ និងសង់លំនៅឋានថ្មីៗជាច្រើនខ្នងថែមទៀតវាលអស់ទៅហើយ គឺស្ថិតនៅតំបន់អូរល្វាជ្រាំ ភូមិភ្នំដំបង សង្កាត់អូរតាវ៉ៅ សូម្បីតែលោកឡុង វុទ្ធី ដែលមេភូមិភ្នំដំបងក៏មានផ្ទះ១ខ្នងនៅក្នុងដីតំបន់អភិរក្ស នេះដែរ ហើយមិនឃើញទៅរុះរើ ឬបង្ក្រាបនោះឡើយ ។
លោកស៊ីវ សាំ អាយុ៤៦ឆ្នាំ ជាអនុភូមិក្រចាប់បានបង្ហើបឱ្យដឹងតាមទូរស័ព្ទថា រហូតមកដល់រសៀលថ្ងៃទី៤ មីនា នេះស្ត្រីរងគ្រោះទាំងពីរនាក់ និងក្មេងស្រីតូចម្នាក់ត្រូវដោះលែងឱ្យមានសេរីភាពវិញ ដោយគ្រាន់តែឱ្យពួកគេផ្តិតមេដៃធ្វើកិច្ចសន្យាឈប់ទៅរស់នៅលើដី អភិរក្សនេះតទៅទៀត ។ លោកបានបន្តទៀតថា ដោយសារប្រជាពលរដ្ឋទាំងនេះអត់មានដីធ្លីរស់នៅ មិនដឹងជាខាងលោកទៅរកកន្លែងឯណាឱ្យពួកគេសង់ផ្ទះស្នាក់នៅ បណ្តោះអាសន្ននោះទេ ។ ទាក់ទិនទៅនឹងបញ្ហានេះខាងលោកមានតែជម្រាបដល់អាជ្ញាធរខេត្ត ឱ្យជ្រាបជាព័ត៌មាន ដើម្បីជួយរកវិធីដោះស្រាយជូនពួកគេតែប៉ុណ្ណោះ ។
លោក ស្រី រ៉ា ជាមន្ត្រីអនុរក្សបានឆ្លើយតបតាមទូរស័ព្ទ ខណៈអ្នកយកព័ត៌មានសុំសម្ភាសន៍បានឱ្យដឹងថា បើចង់ចូលជួបនៅទីស្នាក់ការដើម្បីយកព័ត៌មាននោះ ខាងលោកមិនអនុញ្ញាតឱ្យចូលនោះទេ ទាល់តែទាក់ទងទៅមេខាងមន្ត្រីបរិស្ថានជាមុនសិន ព្រោះខាងលោកធ្វើអ្វីតាមបញ្ជាប៉ុណ្ណោះ ។ ចំណែកការចាប់ឃាត់ខ្លួនស្ត្រីទាំងនេះវិញ គឺលោកទទួលបញ្ជាពីថ្នាក់លើដែរ ដើម្បីចាប់យកពួកគេទៅអប់រំណែនាំឈប់ឱ្យបន្តរស់នៅលើដីអភិរក្សនេះ តទៅទៀត ។ ដោយយាយ យ៉ាត
ពលរដ្ឋដែលមន្ត្រីអភិរក្សសត្វព្រៃ និងមន្ត្រីបរិស្ថានឃាត់ខ្លួន ទី១-ឈ្មោះដង សាស់ ភេទស្រី អាយុ៣៣ឆ្នាំ ២-ឈ្មោះយឿន ស្រីមុំ ភេទស្រី អាយុ២១ឆ្នាំ និងកូនស្រី ៣-ឈ្មោះយឿន ចាន់រី អាយុ៣ឆ្នាំ ទាំង៣នាក់ រស់នៅភូមិក្រចាប់ក្រោម សង្កាត់អូរតាវ៉ៅ ក្រុងប៉ៃលិន ។ឃាត់ខ្លួន ម៉ោង១១ និង៣០នាទីព្រឹកថ្ងៃទី៣ មីនា ហើយរហូតមកដល់វេលាម៉ោង១និង៣០នាទីរសៀលថ្ងៃទី៤ មីនា ត្រូវបានដោះលែងវិញ ដោយឱ្យធ្វើកិច្ចសន្យាឈប់ទៅរស់នៅលើដីនោះតទៅទៀត ។
ប្រភពពត៍មានពីប្រជាពលរដ្ឋដែលរស់នៅក្នុងតំបន់អភិរក្សបានឲ្យ ដឹងថាៈ កន្លងមកមន្ត្រីអភិរក្សសត្វព្រៃ(MJP) និងមន្ត្រីបរិស្ថានតែងតែមកចាប់ឃាត់ខ្លួនប្រជាពលរដ្ឋនៅតំបន់នេះជា រៀងរហូត ។ ហើយប្រជាពលរដ្ឋដែលរស់នៅលើដីនោះច្រើនតែអ្នកភូមិមានជីវភាពក្រីក្រ តោកយ៉ាក សងខ្ទមសសរឈើតូចៗ ។
ប្រភពបន្តថាពួកមន្ត្រីដែលធ្វើការជាមន្ត្រី(MJP) និងមន្ត្រីបរិស្ថាន ច្រើនតែជាអ្នកភូមិរស់នៅភូមិភ្នំដំបង (មន្ត្រីជាប់កិច្ចសន្យា) ហើយមកចាប់តែប្រជាពលរដ្ឋដែលរស់នៅភូមិក្រចាប់ក្រោមតែប៉ុណ្ណោះ ចំណែកដីនៅភូមិភ្នំដំបងវិញជាដី អភិរក្សបរិស្ថានដូចគ្នា ហើយអ្នកដែលរស់នៅភូមិនេះច្រើនជាមន្ត្រីជាប់កិច្ចសន្យា(MJP) និងមន្ត្រីបរិស្ថាន ហេតុអ្វីក៏មន្ត្រីទាំងនោះមើលមិនឃើញ បែរជាឲ្យពួកគេសង់ផ្ទះធំប្រក់ស័ង្កសីសសរជ្រុង និងជញ្ជាំងក្តារជាច្រើនខ្នង មិនត្រូវបានមន្ត្រីទាំងនោះរុះរើបំផ្លាញផងទេ ខណៈដើមឈើតូចធំជាច្រើនកំពុងតែត្រូវបានគេកាប់រុករាន និងដុតបំផ្លាញនៅក្នុងដែនដីអភិរក្ស និងមិនត្រូវបានចាប់ខ្លួនជនល្មើសណាម្នាក់នោះឡើយ ដែលមើលទៅប្រហែលជាអ្នកមានអំណាចទេដឹង ។ ប្រភពបន្តទៀតថាៈ ប្រធានអង្កការ(MJP) និងប្រធានមន្ទីរបរិស្ថាន គួរតែមើលភាពកម្សោយរបស់មន្ត្រីខ្លួនដែលប្រចាំការនៅតាមមូលដ្ឋានឲ្យ បានច្បាស់ តើមានភាពត្រិមត្រួវដែរឫទេ។
ពលរដ្ឋម្នាក់ឈ្មោះអៀម សុន ភេទប្រុស អាយុ៥១ឆ្នាំ ដែលត្រូវបានមន្ត្រីអភិរក្សសត្វព្រៃ និងបរិស្ថានរុះរើបំផ្លាញខ្ទមរបស់គាត់ដែរនោះរៀបរាប់ឱ្យ ដឹងថា ដោយសារតែគ្មានដីសង់ផ្ទះ និងដីចម្ការធ្វើនឹងគេទើបគាត់ដាច់ចិត្តទាក់ទងទៅអាជ្ញាធរភូមិ សង្កាត់ និងមន្ត្រីបរិស្ថានសុំរស់នៅលើដីអភិរក្សបណ្តោះអាសន្ន និងបានទៅរស់នៅទីនោះប្រហែល២ទៅ៣ឆ្នាំមកហើយ ក៏ត្រូវមន្ត្រីបរិស្ថានចាប់គាត់ដាក់ពន្ធនាគារអស់រយៈពេល២ឆ្នាំ ចាប់ពីឆ្នាំ២០១១-២០១៣ ទើបដោះលែងឱ្យមានសេរីភាព លុះពេលចេញមកវិញ លោកក៏ទៅសុំដីដដែលនេះស្នាក់នៅនិងដាំដំណាំអាស្រ័យផលបន្តទៀត រហូតដល់ព្រឹកថ្ងៃទី៣ មីនា នេះ ក៏ត្រូវគេដេញចាប់បន្តទៀត ។ លោកនិយាយថាកាំបិតពូថៅ និងសម្ភារប្រើប្រាស់មួយចំនួន មាន់ពង់ក្នុងសម្បុក ម្ហូបអាហារ ត្រូវបានមន្ត្រីបរិស្ថានយកអស់ពីក្នុងខ្ទម ហើយក៏នាំគ្នារុះរើផ្ទះរបស់គាត់ចោលដោយគ្មានក្តីមេត្តាឡើយ ។ ពេលនេះពួកគាត់មិនដឹងជាទៅរស់នៅទីណានោះទេ ព្រោះគ្មានដី១ដុំនឹងគេសោះ ។
លោកហែម ហ៊ីម មេភូមិក្រចាប់បានរៀបរាប់ឱ្យដឹងថា ប្រជាពលរដ្ឋរបស់គាត់ជាង១០គ្រួសារ រស់នៅលើដីនេះជាច្រើនឆ្នាំមកហើយ តែពួកគេអត់បានរុករានដីបន្តនោះទេគ្រាន់តែអាស្រ័យផល នៅលើដីវាលៗ ក្នុងម្នាក់ៗមានដីប្រហែលកន្លះហិកតា ដាំពោត និងដំឡូងមី គ្រាន់បានលក់ចិញ្ចឹមជីវិតប៉ុណ្ណោះ ។
ខណៈដែលមន្ត្រីចុះទៅធ្វើសកម្មភាពរុះរើ និងដេញចាប់ប្រជាពលរដ្ឋទាំងនេះ ពួកគេអត់បានជូនដំណឹងដល់លោកជាអាជ្ញាធរភូមិ និងប្រាប់ប្រជាពលរដ្ឋឱ្យចេញជាមុននោះទេ គឺដឹកនាំកម្លាំងស្ងាត់ៗ ចុះទៅធ្វើសកម្មភាពដេញតែម្តង ។ លោកមេភូមិបានបញ្ជាក់ទៀតថា ភាគច្រើនមន្ត្រីទាំងនេះជាបុគ្គលិកបណ្តែតដែលត្រូវគេ រើសចេញពីភូមិភ្នំដំបងឱ្យការពារព្រៃឈើនៅតំបន់នោះ ។ តែគួរឱ្យស្តាយបើសិនជាយើងចុះទៅពិនិត្យព្រៃតំបន់ការពារភ្នំ ដំបងនេះជាក់ស្តែងនឹងភ្នែកវិញឃើញថា ត្រូវគេយកម៉ាស៊ីនត្រង់ស៊ីន័រកាប់និងដុតបំផ្លាញយកដីធ្វើ ចម្ការ និងសង់លំនៅឋានថ្មីៗជាច្រើនខ្នងថែមទៀតវាលអស់ទៅហើយ គឺស្ថិតនៅតំបន់អូរល្វាជ្រាំ ភូមិភ្នំដំបង សង្កាត់អូរតាវ៉ៅ សូម្បីតែលោកឡុង វុទ្ធី ដែលមេភូមិភ្នំដំបងក៏មានផ្ទះ១ខ្នងនៅក្នុងដីតំបន់អភិរក្ស នេះដែរ ហើយមិនឃើញទៅរុះរើ ឬបង្ក្រាបនោះឡើយ ។
លោកស៊ីវ សាំ អាយុ៤៦ឆ្នាំ ជាអនុភូមិក្រចាប់បានបង្ហើបឱ្យដឹងតាមទូរស័ព្ទថា រហូតមកដល់រសៀលថ្ងៃទី៤ មីនា នេះស្ត្រីរងគ្រោះទាំងពីរនាក់ និងក្មេងស្រីតូចម្នាក់ត្រូវដោះលែងឱ្យមានសេរីភាពវិញ ដោយគ្រាន់តែឱ្យពួកគេផ្តិតមេដៃធ្វើកិច្ចសន្យាឈប់ទៅរស់នៅលើដី អភិរក្សនេះតទៅទៀត ។ លោកបានបន្តទៀតថា ដោយសារប្រជាពលរដ្ឋទាំងនេះអត់មានដីធ្លីរស់នៅ មិនដឹងជាខាងលោកទៅរកកន្លែងឯណាឱ្យពួកគេសង់ផ្ទះស្នាក់នៅ បណ្តោះអាសន្ននោះទេ ។ ទាក់ទិនទៅនឹងបញ្ហានេះខាងលោកមានតែជម្រាបដល់អាជ្ញាធរខេត្ត ឱ្យជ្រាបជាព័ត៌មាន ដើម្បីជួយរកវិធីដោះស្រាយជូនពួកគេតែប៉ុណ្ណោះ ។
លោក ស្រី រ៉ា ជាមន្ត្រីអនុរក្សបានឆ្លើយតបតាមទូរស័ព្ទ ខណៈអ្នកយកព័ត៌មានសុំសម្ភាសន៍បានឱ្យដឹងថា បើចង់ចូលជួបនៅទីស្នាក់ការដើម្បីយកព័ត៌មាននោះ ខាងលោកមិនអនុញ្ញាតឱ្យចូលនោះទេ ទាល់តែទាក់ទងទៅមេខាងមន្ត្រីបរិស្ថានជាមុនសិន ព្រោះខាងលោកធ្វើអ្វីតាមបញ្ជាប៉ុណ្ណោះ ។ ចំណែកការចាប់ឃាត់ខ្លួនស្ត្រីទាំងនេះវិញ គឺលោកទទួលបញ្ជាពីថ្នាក់លើដែរ ដើម្បីចាប់យកពួកគេទៅអប់រំណែនាំឈប់ឱ្យបន្តរស់នៅលើដីអភិរក្សនេះ តទៅទៀត ។ ដោយយាយ យ៉ាត
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567