Business and Investment Watch Project

We organize people movement fight for land, forest and other natural resources back from private company and urge government to review legal framework, mechanism, character, attitude, practice and policy.
Please help to support us for activity via ACLEDA Bank Account: 1800-20-531133-1-2

Wednesday 12 March 2014

ក្រុមហ៊ុន​សុខ សំណាង (​ស៊ូ​និង​ស៊ីម​)​នឹងកាប់ឈើឲ្យអស់ឆ្នាំ២០២០

សៀមរាប៖ ក្នុងចំណោម​ឈ្មួញ​រកស៊ី​ឈើ​ខុសច្បាប់​ជាច្រើន​នៅ​ភូមិភាគ​ឥ្ឍ​សាន​ដែល​កំពុង ​ធ្វើ​​សកម្មភាព​យ៉ាង​អនាធិបតេយ្យ​ផ្ទុយ​ពី​បញ្ជា​របស់​ប្រមុខ​ រាជរដ្ឋាភិបាល​កម្ពុជា​ដែលមាន​សម្ដេច​តេ​ជោ​ហ៊ុន សែន​ជា​ប្រមុខ គេ​សង្កេតឃើញ​ឈ្មួញ​ពីរ​នាក់​ដែល​ចេញ​មុខមាត់​ខ្លាំងជាងគេ​បំផុត​នោះ​គឺ​ ឈ្មោះ ស៊ូ​និង ឈ្មោះ​ស៊ីម ដែលជា​មេ​ឧក្រិដ្ឋជន បំផ្លាញ​ព្រៃឈើ​ដ៏​សកម្ម​ប្រចាំ​ភូមិភាគ​ឥ្ឍ​សាន​និង​ជា​សាច់ញាតិ​របស់​ មហាមន្ដ្រី​ជំនាញ​រដ្ឋបាល​ព្រៃឈើ​ជាន់ខ្ពស់​មួយរូប​ផងដែរ​នៅ​ភ្នំពេញ​ហើយ​ និង​ជា​មិត្ត​របស់លោក​ទា គឹម​សុទ្ធ​នាយ​ខ័​ណ្ឌ​រដ្ឋបាល​ព្រៃឈើ​ដ៏​មាន​ឥទ្ធិពល​ប្រចាំ​ខេត្តសៀមរាប ហើយ​មន្ដ្រី​ជំនាញ និង​សមត្ថកិច្ច​ពាក់ព័ន្ធ​នៅតាម​ដងផ្លូវ​ជាច្រើន​មិន​ហ៊ាន​កោសរូស​ឬ​ប៉ះពាល់ ​ជំនួញ​ឈើ​ខុសច្បាប់​របស់​ក្រុមហ៊ុន​សុខ សំណាង​ដែលមាន​ឈ្មោះ​ស៊ូ​និង​ស៊ីម ដែល​គេ​ស្គាល់​ថាៈ​ជា វីរៈបុរស​ជើងឯក​ខាង​បំផ្លាញ​ព្រៃឈើ​នោះទេ គ្រាន់តែ​សុំ​ប្រាក់​ថ្លៃ​បាយ​បន្ដិចបន្ដួច​ប៉ុណ្ណោះ ។
បើតាម​ប្រភពពី​ភូមិភាគ​ឥ្ឍ​សាន​បាន​ឲ្យ​ដឹងថា លោក​ស៊ូ​និង​លោក​ស៊ីម បាន​ប្រកប​កាក់កប​អាជីព​រកស៊ី​ដឹកជញ្ជូន​ឈើ​ខុសច្បាប់​ជាច្រើន​ឆ្នាំ​មកហើយ​ ដូចជា នៅ​ខេត្តសៀមរាប ឧត្ដរមានជ័យ ព្រះវិហារ ស្ទឹងត្រែង នរណា​ក៏​ស្គាល់​លោក​ស៊ូ​និង​លោក​ស៊ីម​ដែរ ។ សកម្មភាព​រកស៊ី​ឈើ​ខុសច្បាប់​របស់​ក្រុមហ៊ុន​សុខ សំណាង (​ស៊ូ​និង​ស៊ីម​) យ៉ាង​អនាធិបតេយ្យ​បាន​ជ្រក​ក្រោម​ស្លាក​អ​ជ្ញា​ប័ណ្ណ​ប្រមូល​ទិញ​ឈើ​តាម​ដី​ សម្បទាន​ក៏ដូចជា​អ​ជ្ញា​ប័ណ្ណ​ប្រមូល​ទិញ​ឈើ​ដែល​បានមកពី​ការបង្ក្រាប​របស់​ សមត្ថ​កិច្ច​និង​ជំនាញ​រដ្ឋបាល​ព្រៃឈើ ។ ហើយ​លោក​ស៊ូ​និង​លោក​ស៊ីម​តែងតែ​យក​ឥទ្ធិពល​ថ្នាក់ដឹកនាំ​មក​ប្រើ​ក៏ដូចជា​ សាច់ញាតិ​របស់​មន្ដ្រី​ធំៗ​ទៅប្រើ​បន្លាច​សមត្ថកិច្ច​នៅតាម​ដងផ្លូវ ដើម្បី​ការពារ​ជំនួញ​ឈើ​ខុសច្បាប់​របស់គាត់​ទាំងពីរ​នាក់​ផងដែរ ។​
មាន​សេចក្ដីរាយការណ៍​ពត៌មាន​បាន​បង្ហើប​ពី​មន្ដ្រី​ជំនាញ​ក្នុង​ខ័​ណ្ឌ​ រដ្ឋបាល​ព្រៃឈើ​ខេត្តសៀមរាប បាន​ឲ្យ​ដឹងថា ជាធម្មតា​លោក​ស៊ូ​និង​លោក​ស៊ីម បាន​ប្រមូល​ទិញ​ឈើ​ពី​ក្រុម​ឈ្មួញ​អនាធិបតេយ្យ​ដែល​ដឹកជញ្ជូន​តាម​រថយន្ដ​ តូចធំ​យកទៅ​ស្ដុក​ទុក​នៅតាម​ទីតាំង​មួយចំនួន បើ​ឈើ​ក្រញូង​នាំចេញ​ទៅកាន់​ប្រទេស​វៀតណាម​តែបើ​ឈើ​លេខ​២​នាំ​ចេញទៅ​លក់​ ទូទាំង​២៤​ខេត្ត រាជធានី​អាច​បញ្ជាក់បាន​ថា សកម្មភាព​ប្រមូល​ទិញ​ឈើ​របស់លោក​ស៊ូ និង​ស៊ីម​នៅ​ភូមិភាគ​ឥ្ឍ​សាន​រាប់សិប​ឆ្នាំ​មកហើយ​នោះ​ធ្វើឡើង​តាមរបៀប​អ​នា ​ធិ​តេ​យ្យ​ដោយសារ​ឃុបឃិត​ជាមួយ​ក្រុម​ឈ្មួញកណ្ដាល​និង​ជំនាញ​រដ្ឋបាល​ ព្រៃឈើ ។
​​សូមបញ្ជាក់ថាៈ ក្រុមហ៊ុន​សុខ សំណាង​មិនមាន​អ​ជ្ញា​ប័ណ្ណ​ផ្ដល់​ដី​សម្បទាន​ផ្ទា​ល់ពី​រាជ​រដ្ឋ​ភិ​បាល​ កម្ពុជា​នោះទេ គឺ​ទិញ​ត​ពី​ក្រុមហ៊ុន​ដទៃទៀត​ដែល​ក្ស័យធន​(​បានទទួល​បន្ត​កិច្ចសន្យា​ពី​ ក្រុមហ៊ុន​ដា តា​រ៉ាប់​ប៊ើ​និង​ទំរីង​រ៉ាប់​ប៊ើ​ដែលមាន​ទីតាំងនៅ​ស្រុក​អន្លង់វែង​និង ស្រុក​ត្រពាំង​ប្រាសាទ​ខេត្ត​ឧ​ត្ត​រ​មានជ័យ​) ដោយសារ​ខ្លួន​មាន​លុយ​ច្រើន​នៅពេលដែល​ក្រុមហ៊ុន​ទាំងនោះ​លក់​ឲ្យ ក្រុមហ៊ុន​សុខ សំណាង​គឺ​ដាច់​អ​ជ្ញា​ប័ណ្ណ​ទៅហើយ មានន័យថា លោក​ស៊ូ​និង​លោក​ស៊ីម​ក៏​គ្មាន​អ​ជ្ញា​ប័ណ្ណ​ផ្ដល់​ដីព្រៃ​សម្បទាន​ពី​ រាជរដ្ឋាភិបាល​ដែរ ។​
សព្វថ្ងៃនេះ​ក្រុមហ៊ុន​សុខ សំណាង​កំពុងតែ​ដឹកជញ្ជូន​ឈើ​ខុសច្បាប់ និង​បំពាន​ច្បាប់​យ៉ាងធ្ងន់ធ្ងរ​ជាទីបំផុត​ដែល​ផ្គើន​ទៅនឹង​អនុសាសន៍​របស់​ សម្ដេច​តេ​ជោ ហ៊ុន សែន ដែល​បាន​ព្រមាន​តាម​ប្រព័ន្ធ​ផ្សព្វផ្សាយ​នានា​ដូចជា តាម​វិទ្យុរ ទូរទស្សន៍ កាសែត ឲ្យ​បញ្ឈប់​ការដឹកជញ្ជូន​ឈើ​ខុសច្បាប់ ។ ទោះបីជា​បទបញ្ជា​០២ របស់​សម្ដេច​តេ​ជោ​ដាក់ចេញ​យ៉ាងណាក្ដី​ក៏​ក្រុមហ៊ុន​សុខ សំណាង​មួយ​នេះ​មិនដែល​ខ្វាយខ្វល់​និង​ខ្លាចញញើត​ពី​សំណាក់​ប្រមុខ​ ថ្នាក់ដឹកនាំ​នោះទេ អោយតែបាន​លុយ​ច្រក​ហោ​ប៉ាវ​អ្វីៗ​វា O K ហើយ ៕ ដោយ ច័ន្ទ សុភាព
un67 un68

No comments:

Post a Comment

Thank so much for your comments or idea
please contact us for more detail report
ouchleng@gmail.com
855-16705 567