រតនគិរី ៖ កម្លាំងជំនាញរដ្ឋបាលព្រៃឈើអធិការដងទន្លេមេគង្គបានចុះបង្ក្រាបរថយន្តដឹកឈើប្រណិតបានចំនួនមួយកូនឡាន រឹបអូសដាក់ខណ្ឌរដ្ឋបាលព្រៃឈើខេត្ត ដើម្បីរក្សាទុកចាត់ការតាមនីតិវិធី។
ហេតុការណ៍នេះបានកើតឡើងនៅវេលា៤.០០នាទីរសៀល ថ្ងៃទី១៦ ខែកុម្ភៈ ឆ្នាំ២០១៤ ស្ថិតលើកំណាត់ផ្លូវជាតិលេខ៧៨ បំរុងឆ្លងទៅប្រទេសវៀតណាម ចំណុចភូមិសោម ឃុំសោមធំ ស្រុកអូរយ៉ាដាវ ខេត្តរតនគិរី។ មន្ត្រីរដ្ឋបាលព្រៃឈើខេត្ត បានអោយដឹងថា រថយន្តកាម៉ារីគូតហើមពណ៌ស ស្លាកលេខ ង-7097 ភព2 ត្រូវមេព្រៃអធិការដងទន្លេងមេគង្គចាប់បានយកមកខណ្ឌរដ្ឋបាលព្រៃឈើខេត្ត ដើម្បីធ្វើការវាស់វែង និងរាប់មានចំនួន៤៣ដុំ ស្មើ០,៦៥៨ម៉ែត្រគូប ប្រភេទធ្នង់ សុទ្ធ ហើយចាត់ការតាមនីតិវិធីច្បាប់ចំពោះម្ចាស់ឈើ និងតៃកុង ចាប់ខ្លួនមិនបាន មូលហេតុឃើញកម្លាំងជំនាញរដ្ឋបាលព្រៃឈើស្ទាក់ព័ទ្ធចាប់ ក៏បើកទ្វាររថយន្តរត់ចូលក្នុងព្រៃបាត់ស្រមោលតែម្តង។ មជ្ឈដ្ឋានទូទៅបានរិះគន់ចំពោះមេព្រៃព្រមទាំងសមត្ថកិច្ច ដែលដាក់ប៉ុស្តិ៍តាមដងផ្លូវជាតិលេខ៧៨ ចេញពីក្រុងបានលុង រហូតដល់អូរយ៉ាដាវ ព្រំប្រទល់ប្រទេសវៀតណាម ចាប់មិនអស់ គឺអង្គុយរាប់ក្បាលឡានដឹកឈើខុសច្បាប់តែប៉ុណ្ណោះ បើបង្ក្រាបទល់តែរថយន្តដឹកឈើទាំងនេះមិនបង់លុយអោយតែប៉ុណ្ណោះ។ តែបើបង្ក្រាបវិញ រថយន្តដឹកឈើដូចស្រមោច នៅពេលរសៀល និងយប់ មានសុទ្ធតែរថយន្តទំនើបៗទៀតផង៕
CHRTF
Business and Investment Watch Project
We organize people movement fight for land, forest and other natural resources back from private company and urge government to review legal framework, mechanism, character, attitude, practice and policy.
Please help to support us for activity via ACLEDA Bank Account: 1800-20-531133-1-2
Please help to support us for activity via ACLEDA Bank Account: 1800-20-531133-1-2
Subscribe to:
Post Comments (Atom)
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567