ប្រជាពលរដ្ឋ៣គ្រួសារនៅភូមិអូរអណ្តូង សង្កាត់ព្រែកប្រា
ខណ្ឌមានជ័យ ចោទថា ក្រុមហ៊ុនសូគីម៉ិច
លួចបូមខ្សាច់ពន្លិចយកដីកសិដ្ឋានចិញ្ចឹមសត្វទំហំជិត ១០ហិកតារ។
ក្រុមពលរដ្ឋបានឲ្យដឹងថា ដីនោះគាត់បានទិញមុនឆ្នាំ២០០០ មានអាជ្ញាធរសង្កាត់ព្រែកប្រា បានទទួលស្គាល់សិទ្ធិកាន់កាប់ដី។ ប៉ុន្តែនៅឆ្នាំ២០១០ ទីស្ដីការគណៈរដ្ឋមន្ត្រីបានចេញ ស.ជ.ណ. លេខ៨៨៧ ចុះថ្ងៃទី៦ ខែសីហា ប្រគល់ឲ្យក្រុមហ៊ុនសូគីម៉ិច (SOKIMEX Group) ធ្វើការអភិវឌ្ឍបឹងឈូក គូរប្លង់យកដីអ្នកភូមិជិត ២០គ្រួសារ ក្នុងភូមិអូរអណ្តូង១។
ពលរដ្ឋនៅភូមិអូរអណ្តូង១ សង្កាត់ព្រែកប្រា ខណ្ឌមានជ័យ ទប់ស្កាត់ក្រុមហ៊ុនសូគីម៉ិច ប៉ងរំលោភដីដោយការបូមខ្សាច់ពន្លិច។
ម្ចាស់កសិដ្ឋានចិញ្ចឹមសត្វ អ្នកស្រី លន ពិសី ថ្លែងថា ស្រះចិញ្ចឹមត្រី និងកន្លែងចិញ្ចឹមគោ ជ្រូក ពពែ ត្រូវបានក្រុមហ៊ុនសូគីម៉ិច របស់ឧកញ៉ា សុខ គង់ បូមពន្លិច និងបូមខ្សាច់បំបាត់បង្គោលព្រំដី។ អ្នកស្រីថា ដីអ្នកភូមិអូរអណ្តូង១ ជាង ១០គ្រួសារ ក្នុងសង្កាត់ព្រែកប្រា ត្រូវក្រុមហ៊ុននោះបូមខ្សាច់ពន្លិចយកដីអស់។ បច្ចុប្បន្ននៅសល់ដីកសិដ្ឋានជិត ១០ហិកតាររបស់គ្រួសារចំនួន ៣ កំពុងធ្វើអាជីវកម្មចិញ្ចឹមសត្វ ក៏ក្រុមហ៊ុនលួចបូមខ្សាច់ពន្លិចយកដីនៅកន្លែងដែលមិនមានសង់រោង។ នៅថ្ងៃ២៨ ខែមករា កម្មករក្រុមហ៊ុនសូគីម៉ិច ប៉ងចូលមករុះរោងក្នុងកសិដ្ឋានទៀត ទើបគាត់និងកម្មករក្នុងកសិដ្ឋាន រួមគ្នាទប់ទល់។
អ្នកស្រី លន ពិសី៖ «ជាមួយបឹងកក់ គឺដូចគ្នា។ ខុសគ្នាត្រង់ថា ពួកខ្ញុំនេះមានគ្នាតិច ឯពួកគាត់ខាងនោះមានគ្នាច្រើន។ ខ្ញុំគិតថា ពួកគាត់មានគ្នាច្រើនប៉ុណ្ណឹងហើយ នៅគេរំលោភបានចុះទម្រាំពួកខ្ញុំមានគ្នាតិចតែមួយ មានកម្លាំងឯណាស្រែកដូចគេ»។
អ្នកស្រី ស៊ុន សុគន្ធី ជាម្ចាស់ដីទំហំជាង ៣ហិកតារថ្លែងថា ទីស្ដីការគណៈរដ្ឋមន្ត្រីបានចេញសេចក្ដីជូនដំណឹង (ស.ជ.ណ.) លេខ៨៨៧ ចុះថ្ងៃ៦ ខែសីហា ឆ្នាំ២០១០ ហើយប្រគល់ប្លង់ដីឲ្យក្រុមហ៊ុនសូគីម៉ិច អភិវឌ្ឍន៍ បឹងឈូក។ អ្នកស្រីថា ស.ជ.ណ. នោះ បានគូសប៉ះពាល់ដីអ្នកភូមិអូរអណ្តូង១ ជិត ២០គ្រួសារ។ អ្នកស្រីថា នៅចុងឆ្នាំ២០១៣ ស្រះចិញ្ចឹមត្រីគាត់ទំហំ ៦០ម៉ែត្រគុណនឹង ៨០ម៉ែត្រ ត្រូវក្រុមហ៊ុនបូមខ្សាច់ពន្លិចធ្វើឲ្យងាប់ត្រីអស់គ្មានសំណង។ គាត់ប្ដឹងទៅតុលាការ និងទៅសាលាសង្កាត់ព្រែកប្រា មិនមានដំណោះស្រាយទេ។
អ្នកស្រី ស៊ុន សុគន្ធី៖ «ព្រោះខ្ញុំទិញពីម្ចាស់ដើម គេកាន់កាប់ពីឆ្នាំ១៩៨៣ ហើយសព្វថ្ងៃម្ចាស់ដើមហ្នឹងគេនៅរស់ដែរ។ ដល់ក្រោយមកបានឭថា ក្រុមហ៊ុនមានគម្រោង ហើយខាងក្រុមហ៊ុនហ្នឹង គាត់មាន ស.ជ.ណ. ថាត្រូវរឹបអូសដីរបស់ពួកខ្ញុំ។ ជាក់ស្ដែងខាងក្រុមហ៊ុនគាត់អភិវឌ្ឍន៍នៅខាងបឹងឈូកទេ ហើយដីពួកខ្ញុំកាន់កាប់នៅតំបន់ព្រែកប្រាឯណេះ។ ហើយ ស.ជ.ណ. គាត់ចេញ២០១០ ហើយប្លង់រឹងគាត់ក៏ទើបនឹងធ្វើ២០១០។ ពួកខ្ញុំនៅនឹងតាំងពីឆ្នាំ២០០០ រហូតមកអ៊ីចឹងទៅ ហើយឥឡូវគាត់កាន់ប្លង់ ខ្ញុំកាន់ដី»។
អ្នកស្រី ឡាយ សុធាវី ជាម្ចាស់ដីទំហំជាង ២ហិកតារថ្លែងថា ដីគាត់មានប្លង់ទិញលក់នៅឆ្នាំ២០០០ ទទួលស្គាល់ដោយចៅសង្កាត់ព្រែកប្រា។ នៅ២០១០ ទើបមាន ស.ជ.ណ. ពីទីស្ដីការគណៈរដ្ឋមន្ត្រីប្រគល់ឲ្យក្រុមហ៊ុនសូគីម៉ិច អភិវឌ្ឍ បឹងឈូក។ អ្នកស្រីថា ម្ចាស់លក់ដីឲ្យគាត់បានជួយធ្វើជាសាក្សីថា ដីមិនពាក់ព័ន្ធដីអភិវឌ្ឍន៍ទេ។ ប៉ុន្តែក្រុមហ៊ុនសូគីម៉ិច នៅតែប៉ងបូមពន្លិច និងប៉ងរុះរោងកសិដ្ឋានចិញ្ចឹមសត្វគាត់ទៀត។
ឆ្លើយតបបញ្ហានេះ អនុប្រធានក្រុមហ៊ុនសូគីម៉ិច លោក ហ៊ឺ ហេង បំភ្លឺបញ្ហាជម្លោះដីនោះថា ក្រុមហ៊ុនបានទិញដីបឹងស្នោ ពីប្រជាពលរដ្ឋតាំងពីឆ្នាំ១៩៩៤។ ក្រោយពីមានរឿងជម្លោះដីកើតឡើងរវាងអ្នកចាប់ដីបឹងរស់នៅ និងក្រុមហ៊ុនមក អាជ្ញាធរដោះស្រាយវិវាទដីធ្លីបានចុះស៊ើបអង្កេតដីនោះរកឃើញពលរដ្ឋ ជាម្ចាស់ដីនៅសេសសល់ បានចាប់ដីបឹងនោះទិញលក់មិនស្របច្បាប់ ទើបកើតមាន ស.ជ.ណ. ហើយក្រុមហ៊ុនក៏បានធ្វើប្លង់កម្មសិទ្ធិនៅឆ្នាំ២០១០។
លោក ហ៊ឺ ហេង៖ «ប៉ុន្តែគាត់ចេះតែស្រែក ចេះតែតវ៉ា ចង្អុលមុខបឹងហ្នឹង ហើយមិនមែនមានកម្មសិទ្ធិអីច្បាស់លាស់យកមកអះអាងផងហ្នឹង បើផ្លូវច្បាប់គាត់អត់មានអីទៅនិយាយផង ហើយគាត់ចេះតែធ្វើទៅម៉េចកើត?»។
ប្រធានអង្គការកិច្ចការពិសេសសិទ្ធិមនុស្សកម្ពុជា លោក អ៊ូច ឡេង ថ្លែងថា ក្រុមហ៊ុនសូគីម៉ិច របស់ឧកញ៉ា សុខ គង់ កំពុងគ្រប់គ្រងដីច្រើនជាង ១លានហិកតារនៅក្នុងប្រទេសកម្ពុជា៖ «ប្រទេស កម្ពុជាយើងបច្ចុប្បន្ន មិនមែនជាប្រទេសដែលអនុវត្តច្បាប់នោះទេ គឺជាប្រទេសបក្សពួក ជាក្រុមម៉ាហ្វីយ៉ា ដែលមានឥទ្ធិពលខ្លាំង ពីព្រោះថាពួកម៉ាហ្វីយ៉ាទី១ គេមិនគោរពច្បាប់ ទី២ មិនគោរពអំពីសិទ្ធិមនុស្ស ធ្វើម៉េចឲ្យតែគេបានចំណេញ បានផលប្រយោជន៍ ទី៣ គឺគេមិនគិតគូរអំពីផលប៉ះពាល់ទៅលើផ្ទះសម្បែង ជីវភាពរស់នៅរបស់ប្រជាជនទេ»។
ពាក់ព័ន្ធបញ្ហានេះ មេភូមិអូរអណ្តូង១ លោក ស៊ុន បេ ថ្លែងថា ដីនោះមិនទាន់កំណត់ព្រំដីរវាងសង្កាត់វាលស្បូវ និងសង្កាត់ព្រែកប្រា នៅឡើយ។
ចៅសង្កាត់ព្រែកប្រា លោក ហួរ ហួត ថ្លែងថា គ្មានអាជ្ញាធរមូលដ្ឋានណាមួយហ៊ានប្រឆាំងនឹង ស.ជ.ណ. ទេ បើទោះបីដីនោះស្ថិតនៅក្នុងសង្កាត់នេះក្ដី៕
ក្រុមពលរដ្ឋបានឲ្យដឹងថា ដីនោះគាត់បានទិញមុនឆ្នាំ២០០០ មានអាជ្ញាធរសង្កាត់ព្រែកប្រា បានទទួលស្គាល់សិទ្ធិកាន់កាប់ដី។ ប៉ុន្តែនៅឆ្នាំ២០១០ ទីស្ដីការគណៈរដ្ឋមន្ត្រីបានចេញ ស.ជ.ណ. លេខ៨៨៧ ចុះថ្ងៃទី៦ ខែសីហា ប្រគល់ឲ្យក្រុមហ៊ុនសូគីម៉ិច (SOKIMEX Group) ធ្វើការអភិវឌ្ឍបឹងឈូក គូរប្លង់យកដីអ្នកភូមិជិត ២០គ្រួសារ ក្នុងភូមិអូរអណ្តូង១។
ពលរដ្ឋនៅភូមិអូរអណ្តូង១ សង្កាត់ព្រែកប្រា ខណ្ឌមានជ័យ ទប់ស្កាត់ក្រុមហ៊ុនសូគីម៉ិច ប៉ងរំលោភដីដោយការបូមខ្សាច់ពន្លិច។
ម្ចាស់កសិដ្ឋានចិញ្ចឹមសត្វ អ្នកស្រី លន ពិសី ថ្លែងថា ស្រះចិញ្ចឹមត្រី និងកន្លែងចិញ្ចឹមគោ ជ្រូក ពពែ ត្រូវបានក្រុមហ៊ុនសូគីម៉ិច របស់ឧកញ៉ា សុខ គង់ បូមពន្លិច និងបូមខ្សាច់បំបាត់បង្គោលព្រំដី។ អ្នកស្រីថា ដីអ្នកភូមិអូរអណ្តូង១ ជាង ១០គ្រួសារ ក្នុងសង្កាត់ព្រែកប្រា ត្រូវក្រុមហ៊ុននោះបូមខ្សាច់ពន្លិចយកដីអស់។ បច្ចុប្បន្ននៅសល់ដីកសិដ្ឋានជិត ១០ហិកតាររបស់គ្រួសារចំនួន ៣ កំពុងធ្វើអាជីវកម្មចិញ្ចឹមសត្វ ក៏ក្រុមហ៊ុនលួចបូមខ្សាច់ពន្លិចយកដីនៅកន្លែងដែលមិនមានសង់រោង។ នៅថ្ងៃ២៨ ខែមករា កម្មករក្រុមហ៊ុនសូគីម៉ិច ប៉ងចូលមករុះរោងក្នុងកសិដ្ឋានទៀត ទើបគាត់និងកម្មករក្នុងកសិដ្ឋាន រួមគ្នាទប់ទល់។
អ្នកស្រី លន ពិសី៖ «ជាមួយបឹងកក់ គឺដូចគ្នា។ ខុសគ្នាត្រង់ថា ពួកខ្ញុំនេះមានគ្នាតិច ឯពួកគាត់ខាងនោះមានគ្នាច្រើន។ ខ្ញុំគិតថា ពួកគាត់មានគ្នាច្រើនប៉ុណ្ណឹងហើយ នៅគេរំលោភបានចុះទម្រាំពួកខ្ញុំមានគ្នាតិចតែមួយ មានកម្លាំងឯណាស្រែកដូចគេ»។
អ្នកស្រី ស៊ុន សុគន្ធី ជាម្ចាស់ដីទំហំជាង ៣ហិកតារថ្លែងថា ទីស្ដីការគណៈរដ្ឋមន្ត្រីបានចេញសេចក្ដីជូនដំណឹង (ស.ជ.ណ.) លេខ៨៨៧ ចុះថ្ងៃ៦ ខែសីហា ឆ្នាំ២០១០ ហើយប្រគល់ប្លង់ដីឲ្យក្រុមហ៊ុនសូគីម៉ិច អភិវឌ្ឍន៍ បឹងឈូក។ អ្នកស្រីថា ស.ជ.ណ. នោះ បានគូសប៉ះពាល់ដីអ្នកភូមិអូរអណ្តូង១ ជិត ២០គ្រួសារ។ អ្នកស្រីថា នៅចុងឆ្នាំ២០១៣ ស្រះចិញ្ចឹមត្រីគាត់ទំហំ ៦០ម៉ែត្រគុណនឹង ៨០ម៉ែត្រ ត្រូវក្រុមហ៊ុនបូមខ្សាច់ពន្លិចធ្វើឲ្យងាប់ត្រីអស់គ្មានសំណង។ គាត់ប្ដឹងទៅតុលាការ និងទៅសាលាសង្កាត់ព្រែកប្រា មិនមានដំណោះស្រាយទេ។
អ្នកស្រី ស៊ុន សុគន្ធី៖ «ព្រោះខ្ញុំទិញពីម្ចាស់ដើម គេកាន់កាប់ពីឆ្នាំ១៩៨៣ ហើយសព្វថ្ងៃម្ចាស់ដើមហ្នឹងគេនៅរស់ដែរ។ ដល់ក្រោយមកបានឭថា ក្រុមហ៊ុនមានគម្រោង ហើយខាងក្រុមហ៊ុនហ្នឹង គាត់មាន ស.ជ.ណ. ថាត្រូវរឹបអូសដីរបស់ពួកខ្ញុំ។ ជាក់ស្ដែងខាងក្រុមហ៊ុនគាត់អភិវឌ្ឍន៍នៅខាងបឹងឈូកទេ ហើយដីពួកខ្ញុំកាន់កាប់នៅតំបន់ព្រែកប្រាឯណេះ។ ហើយ ស.ជ.ណ. គាត់ចេញ២០១០ ហើយប្លង់រឹងគាត់ក៏ទើបនឹងធ្វើ២០១០។ ពួកខ្ញុំនៅនឹងតាំងពីឆ្នាំ២០០០ រហូតមកអ៊ីចឹងទៅ ហើយឥឡូវគាត់កាន់ប្លង់ ខ្ញុំកាន់ដី»។
អ្នកស្រី ឡាយ សុធាវី ជាម្ចាស់ដីទំហំជាង ២ហិកតារថ្លែងថា ដីគាត់មានប្លង់ទិញលក់នៅឆ្នាំ២០០០ ទទួលស្គាល់ដោយចៅសង្កាត់ព្រែកប្រា។ នៅ២០១០ ទើបមាន ស.ជ.ណ. ពីទីស្ដីការគណៈរដ្ឋមន្ត្រីប្រគល់ឲ្យក្រុមហ៊ុនសូគីម៉ិច អភិវឌ្ឍ បឹងឈូក។ អ្នកស្រីថា ម្ចាស់លក់ដីឲ្យគាត់បានជួយធ្វើជាសាក្សីថា ដីមិនពាក់ព័ន្ធដីអភិវឌ្ឍន៍ទេ។ ប៉ុន្តែក្រុមហ៊ុនសូគីម៉ិច នៅតែប៉ងបូមពន្លិច និងប៉ងរុះរោងកសិដ្ឋានចិញ្ចឹមសត្វគាត់ទៀត។
ឆ្លើយតបបញ្ហានេះ អនុប្រធានក្រុមហ៊ុនសូគីម៉ិច លោក ហ៊ឺ ហេង បំភ្លឺបញ្ហាជម្លោះដីនោះថា ក្រុមហ៊ុនបានទិញដីបឹងស្នោ ពីប្រជាពលរដ្ឋតាំងពីឆ្នាំ១៩៩៤។ ក្រោយពីមានរឿងជម្លោះដីកើតឡើងរវាងអ្នកចាប់ដីបឹងរស់នៅ និងក្រុមហ៊ុនមក អាជ្ញាធរដោះស្រាយវិវាទដីធ្លីបានចុះស៊ើបអង្កេតដីនោះរកឃើញពលរដ្ឋ ជាម្ចាស់ដីនៅសេសសល់ បានចាប់ដីបឹងនោះទិញលក់មិនស្របច្បាប់ ទើបកើតមាន ស.ជ.ណ. ហើយក្រុមហ៊ុនក៏បានធ្វើប្លង់កម្មសិទ្ធិនៅឆ្នាំ២០១០។
លោក ហ៊ឺ ហេង៖ «ប៉ុន្តែគាត់ចេះតែស្រែក ចេះតែតវ៉ា ចង្អុលមុខបឹងហ្នឹង ហើយមិនមែនមានកម្មសិទ្ធិអីច្បាស់លាស់យកមកអះអាងផងហ្នឹង បើផ្លូវច្បាប់គាត់អត់មានអីទៅនិយាយផង ហើយគាត់ចេះតែធ្វើទៅម៉េចកើត?»។
ប្រធានអង្គការកិច្ចការពិសេសសិទ្ធិមនុស្សកម្ពុជា លោក អ៊ូច ឡេង ថ្លែងថា ក្រុមហ៊ុនសូគីម៉ិច របស់ឧកញ៉ា សុខ គង់ កំពុងគ្រប់គ្រងដីច្រើនជាង ១លានហិកតារនៅក្នុងប្រទេសកម្ពុជា៖ «ប្រទេស កម្ពុជាយើងបច្ចុប្បន្ន មិនមែនជាប្រទេសដែលអនុវត្តច្បាប់នោះទេ គឺជាប្រទេសបក្សពួក ជាក្រុមម៉ាហ្វីយ៉ា ដែលមានឥទ្ធិពលខ្លាំង ពីព្រោះថាពួកម៉ាហ្វីយ៉ាទី១ គេមិនគោរពច្បាប់ ទី២ មិនគោរពអំពីសិទ្ធិមនុស្ស ធ្វើម៉េចឲ្យតែគេបានចំណេញ បានផលប្រយោជន៍ ទី៣ គឺគេមិនគិតគូរអំពីផលប៉ះពាល់ទៅលើផ្ទះសម្បែង ជីវភាពរស់នៅរបស់ប្រជាជនទេ»។
ពាក់ព័ន្ធបញ្ហានេះ មេភូមិអូរអណ្តូង១ លោក ស៊ុន បេ ថ្លែងថា ដីនោះមិនទាន់កំណត់ព្រំដីរវាងសង្កាត់វាលស្បូវ និងសង្កាត់ព្រែកប្រា នៅឡើយ។
ចៅសង្កាត់ព្រែកប្រា លោក ហួរ ហួត ថ្លែងថា គ្មានអាជ្ញាធរមូលដ្ឋានណាមួយហ៊ានប្រឆាំងនឹង ស.ជ.ណ. ទេ បើទោះបីដីនោះស្ថិតនៅក្នុងសង្កាត់នេះក្ដី៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567