ខេត្តឧត្តរមានជ័យ ៖
ការបង្ក្រាបបទល្មើសអនុផលព្រៃឈើនៅក្រុងសំរោង ខេត្តឧត្តរមានជ័យ
ត្រូវបានបរាជ័យទាំងស្រុង
ដោយសារតែអ្នកប្រព្រឹត្តបទល្មើសជាកងកម្លាំងប្រដាប់អាវុធ
ហើយក្រុមចម្រុះដែលធ្វើសកម្មភាពចាប់រថយន្ត
ដឹកឈើគ្រញូងនោះក៏ជាសមត្ថកិច្ចប្រដាប់អាវុធផងដែរ
ត្រូវបានមជ្ឈដ្ឋានប្រជាពលរដ្ឋចោទប្រកាន់ថា
ជាឆាកល្ខោនធ្វើឱ្យល្អមើលតែប៉ុណ្ណោះ ។
យោងតាមសេចក្តីរាយការណ៍ពីក្រុងសំរោង ខេត្តឧត្តរមានជ័យ កាលពីពេលថ្មីៗនេះបានឱ្យដឹងថា កងកម្លាំង ចម្រុះត្រួតពិនិត្យជាតិផ្ទុះមានកងកម្លាំងប៉ូលិស កងរាជអាវុធហត្ថក្រុងសំរោង បានធ្វើការត្រួតពិនិត្យនៅភូមិអូរប្ញស្សី សង្កាត់សំរោង ក្រុងសំរោង ខេត្តឧត្តរមានជ័យ បានចាប់រថយន្តម៉ាកហាយឡេនឌ័រ ពណ៌ស្ករ ពាក់ស្លាកលេខ ខ.ម ៦៧៦៨ បើកបរដោយឈ្មោះ រ៉ាន់ ម៉ាក់ ជាមន្ត្រីកងរាជអាវុធហត្ថជាអ្នកបើកផ្លូវឱ្យរថយន្តដឹកឈើគ្រញូង ម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ពោធិ៍សាត់ 2A-0991 ។
ប្រភពព័ត៌មានដដែលបានឱ្យដឹងថា នៅពេលដែលកងកម្លាំងចម្រុះធ្វើការឃាត់រថយន្តដឹកឈើគ្រញូងពណ៌ ទឹកប្រាក់នោះ ម្ចាស់រថយន្ត ម៉ាកហាយឡេនឌ័រ ពណ៌ស្ករ ដែលបើកបរដោយឈ្មោះ រ៉ាន ម៉ាក់ ហៅគ្រូម៉ាក់ ជាមន្ត្រីកងរាជអាវុធហត្ថ បានបើករថយន្តរបស់ខ្លួនបំបុករបាំងឃាត់ឃាំង (បារ៉ាស់)ដើម្បីបើកផ្លូវឱ្យរថយន្តដឹកឈើ គ្រញូងតែមិនបានសម្រេចត្រូវបានកងកម្លាំងចម្រុះធ្វើការឃាត់ជាប់ មិនឱ្យបើករុលទៅមុខបាន ។
ប្រភពដដែលបានបន្តឱ្យដឹងទៀតថា នៅពេលដែលឃាត់រថយន្តដឹកឈើគ្រញូងជាប់ហើយនោះ មន្ត្រីនគរបាលឈ្មោះ សត្យា រ៉ូមីអូ បានទៅធ្វើការឆែកឆេរតែត្រូវបានរារាំងដោយប៉េអឹមឈ្មោះ រ៉ាន ម៉ាក់ ហៅម៉ាក់ តែត្រូវក្រុមប៉ូលិសចាប់ខ្លួនវាយខ្នោះរួចរុញចូលរថយន្តស៊ីរ៉ែន ដើម្បីនាំខ្លួនទៅស្នងការខេត្តឧត្តរមានជ័យ ។
នៅពេលដែលរថយន្តស៊ីរ៉ែន ធ្វើដំណើរទៅមុខនោះមានមន្ត្រីប៉េអឹមមួយរូបឈ្មោះ សរ បណ្តូល បានព្យាយាមធ្វើការដោះលែង ប៉េអឹមឈ្មោះ រ៉ាន ម៉ាក់ នេះដោយបើករថយន្តមានល្បឿនយ៉ាងយឺតដើម្បីឱ្យជនល្មើសមួយរូបនេះ លោតចេញពីរថយន្តតែសកម្មភាពនេះត្រូវបានបរាជ័យជាលើកទី ២ ។
ប្រភពដដែលបានបន្តឱ្យដឹងទៀតថា នៅក្នុងសកម្មភាពបង្ក្រាបឈើគ្រញូងមួយរថយន្តហាយឡេនឌ័រ នេះ បានផ្អើលមនុស្សមួយក្រុងសំរោង តែត្រូវបានលោក ហង្ស បូរ ស្នងការនគរបាលខេត្តធ្វើការរឹបអូសរថយន្ត ម៉ាកហាយឡេនឌ័រទាំងពីរគ្រឿង នាំយកទៅស្នងការដ្ឋាននគរបាលដើម្បីចាត់ការទៅតាមផ្លូវច្បាប់ ។ មុនពេលដែលលោកស្នងការខេត្តនាំយករថយន្តទាំងពីរទៅស្នងការដ្ឋាននគរបាល ខេត្តនេះ ក៏មានវត្តមានឈ្មោះ ហេង ជាអ្នកបើកបររថយន្តឱ្យលោកអភិបាលខេត្ត និងលោក សុខ ជាប្រធានផ្នែកចារកម្មខេត្តមានមុខនៅកន្លែងកើតហេតុនោះដែរ ។
សេចក្តីរាយការណ៍ដដែលបានឱ្យដឹងទៀតថា ក្រោយពីនាំរថយន្តល្មើសទាំងពីរគ្រឿង នឹងជនពាក់ព័ន្ធទាំងអស់ទៅដល់ស្នងការនគរបាលខេត្តឧត្តរមានជ័យ សមត្ថកិច្ចប៉ូលិសជំនាញពុំបានកសាងសំណុំរឿង និងយកភស្តុតាង ព្រមទាំងជនល្មើសទៅខណ្ឌរដ្ឋបាលព្រៃឈើនោះទេ ។ ក៏ប៉ុន្តែរយៈពេលពីរម៉ោងក្រោយគឺនៅវេលាម៉ោង ១០ និង៣៥នាទីយប់ ថ្ងៃទី ០៩ ខែធ្នូ ឆ្នាំ២០១៣ នេះ វត្ថុតាងនឹងជនល្មើសត្រូវបានលោកស្នងការធ្វើការដោះលែង ឱ្យមានសេរីភាពរួមទាំងឈើគ្រញូង និងរថយន្តផងដែរ ៕ ដោយ ៖ និស្សិតខ្មែរ
យោងតាមសេចក្តីរាយការណ៍ពីក្រុងសំរោង ខេត្តឧត្តរមានជ័យ កាលពីពេលថ្មីៗនេះបានឱ្យដឹងថា កងកម្លាំង ចម្រុះត្រួតពិនិត្យជាតិផ្ទុះមានកងកម្លាំងប៉ូលិស កងរាជអាវុធហត្ថក្រុងសំរោង បានធ្វើការត្រួតពិនិត្យនៅភូមិអូរប្ញស្សី សង្កាត់សំរោង ក្រុងសំរោង ខេត្តឧត្តរមានជ័យ បានចាប់រថយន្តម៉ាកហាយឡេនឌ័រ ពណ៌ស្ករ ពាក់ស្លាកលេខ ខ.ម ៦៧៦៨ បើកបរដោយឈ្មោះ រ៉ាន់ ម៉ាក់ ជាមន្ត្រីកងរាជអាវុធហត្ថជាអ្នកបើកផ្លូវឱ្យរថយន្តដឹកឈើគ្រញូង ម៉ាកហាយឡេនឌ័រ ពណ៌ទឹកប្រាក់ ពាក់ស្លាកលេខ ពោធិ៍សាត់ 2A-0991 ។
ប្រភពព័ត៌មានដដែលបានឱ្យដឹងថា នៅពេលដែលកងកម្លាំងចម្រុះធ្វើការឃាត់រថយន្តដឹកឈើគ្រញូងពណ៌ ទឹកប្រាក់នោះ ម្ចាស់រថយន្ត ម៉ាកហាយឡេនឌ័រ ពណ៌ស្ករ ដែលបើកបរដោយឈ្មោះ រ៉ាន ម៉ាក់ ហៅគ្រូម៉ាក់ ជាមន្ត្រីកងរាជអាវុធហត្ថ បានបើករថយន្តរបស់ខ្លួនបំបុករបាំងឃាត់ឃាំង (បារ៉ាស់)ដើម្បីបើកផ្លូវឱ្យរថយន្តដឹកឈើ គ្រញូងតែមិនបានសម្រេចត្រូវបានកងកម្លាំងចម្រុះធ្វើការឃាត់ជាប់ មិនឱ្យបើករុលទៅមុខបាន ។
ប្រភពដដែលបានបន្តឱ្យដឹងទៀតថា នៅពេលដែលឃាត់រថយន្តដឹកឈើគ្រញូងជាប់ហើយនោះ មន្ត្រីនគរបាលឈ្មោះ សត្យា រ៉ូមីអូ បានទៅធ្វើការឆែកឆេរតែត្រូវបានរារាំងដោយប៉េអឹមឈ្មោះ រ៉ាន ម៉ាក់ ហៅម៉ាក់ តែត្រូវក្រុមប៉ូលិសចាប់ខ្លួនវាយខ្នោះរួចរុញចូលរថយន្តស៊ីរ៉ែន ដើម្បីនាំខ្លួនទៅស្នងការខេត្តឧត្តរមានជ័យ ។
នៅពេលដែលរថយន្តស៊ីរ៉ែន ធ្វើដំណើរទៅមុខនោះមានមន្ត្រីប៉េអឹមមួយរូបឈ្មោះ សរ បណ្តូល បានព្យាយាមធ្វើការដោះលែង ប៉េអឹមឈ្មោះ រ៉ាន ម៉ាក់ នេះដោយបើករថយន្តមានល្បឿនយ៉ាងយឺតដើម្បីឱ្យជនល្មើសមួយរូបនេះ លោតចេញពីរថយន្តតែសកម្មភាពនេះត្រូវបានបរាជ័យជាលើកទី ២ ។
ប្រភពដដែលបានបន្តឱ្យដឹងទៀតថា នៅក្នុងសកម្មភាពបង្ក្រាបឈើគ្រញូងមួយរថយន្តហាយឡេនឌ័រ នេះ បានផ្អើលមនុស្សមួយក្រុងសំរោង តែត្រូវបានលោក ហង្ស បូរ ស្នងការនគរបាលខេត្តធ្វើការរឹបអូសរថយន្ត ម៉ាកហាយឡេនឌ័រទាំងពីរគ្រឿង នាំយកទៅស្នងការដ្ឋាននគរបាលដើម្បីចាត់ការទៅតាមផ្លូវច្បាប់ ។ មុនពេលដែលលោកស្នងការខេត្តនាំយករថយន្តទាំងពីរទៅស្នងការដ្ឋាននគរបាល ខេត្តនេះ ក៏មានវត្តមានឈ្មោះ ហេង ជាអ្នកបើកបររថយន្តឱ្យលោកអភិបាលខេត្ត និងលោក សុខ ជាប្រធានផ្នែកចារកម្មខេត្តមានមុខនៅកន្លែងកើតហេតុនោះដែរ ។
សេចក្តីរាយការណ៍ដដែលបានឱ្យដឹងទៀតថា ក្រោយពីនាំរថយន្តល្មើសទាំងពីរគ្រឿង នឹងជនពាក់ព័ន្ធទាំងអស់ទៅដល់ស្នងការនគរបាលខេត្តឧត្តរមានជ័យ សមត្ថកិច្ចប៉ូលិសជំនាញពុំបានកសាងសំណុំរឿង និងយកភស្តុតាង ព្រមទាំងជនល្មើសទៅខណ្ឌរដ្ឋបាលព្រៃឈើនោះទេ ។ ក៏ប៉ុន្តែរយៈពេលពីរម៉ោងក្រោយគឺនៅវេលាម៉ោង ១០ និង៣៥នាទីយប់ ថ្ងៃទី ០៩ ខែធ្នូ ឆ្នាំ២០១៣ នេះ វត្ថុតាងនឹងជនល្មើសត្រូវបានលោកស្នងការធ្វើការដោះលែង ឱ្យមានសេរីភាពរួមទាំងឈើគ្រញូង និងរថយន្តផងដែរ ៕ ដោយ ៖ និស្សិតខ្មែរ
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567