Business and Investment Watch Project

We organize people movement fight for land, forest and other natural resources back from private company and urge government to review legal framework, mechanism, character, attitude, practice and policy.
Please help to support us for activity via ACLEDA Bank Account: 1800-20-531133-1-2

Sunday 22 December 2013

ថៅកែ​សណ្ឋាគារ​លំដាប់​ផ្កាយ​ប្រាំANGKOR ERAជួញដូរឈើ

ខេត្តសៀមរាប​៖ គេ​មិនដឹងថា​ថៅកែ​សណ្ឋាគារ​លំដាប់​ផ្កាយ​ប្រាំ ឈ្មោះ ANGKOR ERA ដែលមាន​ទីតាំង នៅតាម​បណ្តោយ​ផ្លូវជាតិ​លេខ​៦ ភូមិ​ខ្នារ សង្កាត់​ជ្រាវ ក្រុង​សៀមរាប ខេត្តសៀមរាប រកស៊ី​ផ្នែក​អូ​តែ​ល ខាត ឬ ចំណេញ​នោះទេ​បានជា​គាត់​ពង្រីក​បន្ថែម​មុខរបរ​ខុសច្បាប់​មួយទៀត គឺ រកស៊ី​ជួញដូរ​ឈើប្រណិត​យ៉ាង​សម្បើម​អស្ចារ្យ ដោយ​គ្មាន​អាជ្ញា​ធរមាន​សមត្ថកិច្ច​ណា​ហ៊ាន​ទៅ​រំខាន ឬ រារាំង​មុខរបរ​ដ៏​កក់​កប​នេះឡើយ​។
សត្វ​ថ្ងៃ​ឈើ​ប្រណីត​រាប់ពាន់​ម៉ែត្រ​គីប​មាន​ប្រភេទ ធ្នង់ នាងនួន បេង ពិសេស ក្រញូង កំពុង​ត្រូវបាន​រក្សា និង​ស្តុក​ទុក​ផ្នែក​ខាងក្នុង​បរិវេណ​អូ​តែ​ល​យ៉ាងច្រើន​សន្ធឹកសន្ធាប់ ហើយ​មួយថ្ងៃៗ មាន​រថយន្ត​ដឹកឈើ​ប្រណិត​គ្រប់​ប្រភេទ សាំ​យ៉ុង នីសា​ន់ និង​កូរ៉េ​មួយ​តោន​កន្លះ​ដឹកឈើ​ចូល​ដូច​ហែរកឋិន​។
តាម​ប្រភព​ព័ត​មាន​ពី​ឈ្នួ​ញ​រកស៊ី​ប្រចាំ​ខេត្តសៀមរាប ដែល​និយាយ​ក្នុង​ល​ក្ខ័​ណ្ឌ​មិន​បញ្ចេញ​ឈ្មោះ​បានអោយដឹងថា សព្វថ្ងៃ​ឈើ​របស់គេ​បាន​លក់​ទៅអោយ​ថៅកែ​សណ្ឋាគារ​អេ​រ៉ា មាន​ចំនួន ប្រមាណ ១​ពាន់​ម៉ែត្រគូប ហើយ​ជាក់ស្តែង​ឈើ​នៅ​ជាង ៦០០​ម៉ែត្រគូប​ទៀត ដែល​នៅ​ជំពាក់​គេ តែ​គេ​មិន​ខ្វល់​ទេ ក្នុងការ​រកស៊ី​ឈើ​ជាមួយ​សណ្ឋាគារ​អេ​រ៉ា ព្រោះ​ថ្លៃថ្នូរ​ណាស់ ហើយ​ជួយ​លាក់​ការ​បាន​ខ្ពស់​ទៀតផង ព្រោះ​នៅពេលណា​មាន សមត្ថកិច្ច​មក​សួរនាំ​ខាង​សណ្ឋាគារ​គេ​ថា ទិញ​ឈើ​មានច្បាប់ ដើម្បី ផ្គត់ផ្គង់​សំណង់​សណ្ឋាគារ តែ​ការពិត​គឺ​ទិញ​សុទ្ធតែ​ឈើ​អត់​ច្បាប់​ដើម្បី​ទៅ​លក់​យកចំណេញ​បន្ត ។​
ប្រភព​បាន​បន្តទៀតថា ខាង​សណ្ឋាគារ​ដែលជា​អ្នក​កម្មង់​ទិញ​បាន​ប្រាប់ថា បើ​លក់​ឈើ​អោយគេ​កុំ​ខ្លាច​អី ព្រោះ​គេ​មាន​ខ្សែស្រឡាយ​អ្នកធំ ថ្នាក់​ឧបនាយកមន្ត្រី ឯណោះ​សូម្បីតែ​នៅ​ភ្នំពេញ ក៏​គេ​ជាន់​ផ្អៀង​ដែរ អ្នកណា​មួយ​ដែល​គេ​មិន​ស្គាល់​ថៅកែ​ខារ៉ាអូខេ ស៊ូ​ល នៅ​ម្តុំ T85 នោះ ។ ការនិយាយ​បែប​នោះ គឺ​ស័​ក្ត​សម​ដែរ ព្រោះ​គិត​មើលទៅ​គេ​ហ៊ាន​រកស៊ី​បើកចំហរ​យ៉ាងនេះ​ហើយ​មិនមាន​សមត្ថកិច្ច​ណា​ ហ៊ាន​ក្អក​ជាមួយ​គេ​ផង នោះ​គឺ​មកពី​ខ្លាច​ឥទ្ធិពល​ខ្សែស្រឡាយ​អ្នកធំ​ហ្នឹងឯង
មួយវិញទៀត បើ​យើង​កត់សំគាល់​មើលទៅ​មួយ​ថ្ងៃៗ គេ​ឧស្សាហ៍​ឃើញ​សមត្ថកិច្ច​គ្រប់​ជាន់ថ្នាក់​មាន​តាំងពី​ខាង​មេព្រៃ ប៉ូលីស​សេដ្ឋកិច្ច​ខេត្ត ប៉ូ​លី​សេដ្ឋកិច្ច​ក្រសួង ប៉េអឹម​ខេត្ត ប៉េអឹម​ផ្ទៃ​ប្រទេស ពិសេស​មន្ត្រី​សាលាខេត្ត​ចូលទៅ​ហាត់ប្រាណ ឬ ស្ទី​ម​នៅក្នុង​សណ្ឋាគារ​អេ​រ៉ា តែ​ហេតុអ្វី​បានជា​មិនដឹងថា​នៅក្នុង​សណ្ឋាគារ​មានការ​ជួញដូរ​ឈើ​ប្រណីត​ បែបនេះ​ទៅវិញ​? គេ​សង្ស័យថា​ខាង​ជំនាញ​ប្រហែលជា​ត្រូវ​ថ្នាំ​សណ្តំ​របស់ ថៅកែ​សណ្ឋាគារ ហើយ​មើល​ទៀត ? អ្នកយកព័ត៌មាន​យើង​មិនអាច​ទំនាក់ទំនង​ទៅ​ម្ចាស់​សណ្ឋាគារ​អង្គរ អេ​រ៉ា ដើម្បី​បំភ្លឺ​បញ្ហា​នេះ​នៅឡើយ​ទេ ។ ហើយ​មហាជន​កំពុង​រង់ចាំ​មើល​ចំណាត់ការ​របស់​សមត្ថ​កិច្ច​ពាក់ព័ន្ធ​ក្នុង​ រឿងនេះ ។ ដោយៈ ច័ន្ទ សុភាព​
23v6 23v7

No comments:

Post a Comment

Thank so much for your comments or idea
please contact us for more detail report
ouchleng@gmail.com
855-16705 567