លោក ស ខេង ឲ្យគ្រប់ខេត្តធ្វើរបាយការណ៍ព្រៃឈើ
ភ្នំពេញៈ លោក ស ខេង ឧបនាយករដ្ឋមន្ត្រី
និងរដ្ឋមន្ត្រីក្រសួងមហាផ្ទៃ
បានចេញលិខិតស្នើឲ្យគណៈបញ្ជាការឯកភាពរដ្ឋបាល រាជធានី-ខេត្ត
ធ្វើរបាយការណ៍អំពីសកម្មភាពកាប់បំផ្លាញព្រៃឈើឲ្យបានមុនថ្ងៃ ទី២០
ខែកក្កដា
ដើម្បីមានមូលដ្ឋានធ្វើសេចក្តីរាយការណ៍ជូនប្រមុខរដ្ឋាភិបាលអំពី
វិធានការណ៍ការពារធនធានព្រៃឈើ ជលផល និងតំបន់ការពារធនធានធម្មជាតិ។
យោងទៅតាមលិខិតដែលចុះហត្ថលេខាដោយលោក ស ខេង កាលពីថ្ងៃ ទី៤ ខែកក្កដា បានឲ្យដឹងថា ជម្រាបឯកឧត្តមអភិបាល និងជាប្រធានគណៈបញ្ជាការឯកភាពរដ្ឋបាល រាជធានី ខេត្ត មេត្តាជ្រាបថា ដើម្បីមានមូលដ្ឋានធ្វើសេចក្តីរាយការណ៍ជូនប្រមុខរាជរដ្ឋាភិបាល អំពីវិធានការការពារធនធានព្រៃឈើ ជលផល និងតំបន់ការពារធនធានធម្មជាតិនានា ក្រសួងមហាផ្ទៃ ស្នើឯកឧត្តមរៀបចំរបាយការណ៍ ជាលាយលក្ខណ៍អក្សរអំពីការអនុវត្តអនុក្រឹត្យ អំពីការបង្ការ ទប់ស្កាត់ បង្ក្រាបបទល្មើសព្រៃឈើ ជលផល និងតំបន់ការពារធនធានធម្មជាតិនានា។
នៅក្នុងលិខិតនោះឲ្យដឹងថា៖ «វាយតម្លៃអំពីសកម្មភាពការកាប់បំផ្លាញព្រៃឈើ បទល្មើសជលផល ក្នុងទូទាំងខេត្តនិងតំបន់ដែលកំពុងមានសកម្មភាព។ ខេត្តដែលមានច្រកទ្វារព្រំដែន និងច្រករបៀង ស្នើរាយការណ៍អំពីសកម្មភាពដឹកជញ្ជូនឈើទាំងស្របច្បាប់និងមិនស្រប ច្បាប់ ព្រមទាំងវិធានការរបស់អាជ្ញាធរ»។
នៅក្នុងលិខិតថា រាយការណ៍ចំនួនដេប៉ូទិញ លក់ឈើ និងសិប្បកម្មកែច្នៃឈើដែលមានច្បាប់និងគ្មានច្បាប់ វិធានការគ្រប់គ្រងរបស់អាជ្ញាធរនិងអនុសាសន៍ សំណូមពរនានាពាក់ព័ន្ធវិធានការការពារធនធានព្រៃឈើ ជលផលនិងតំបន់ការពារធម្មជាតិនានា និងបញ្ហាប្រឈមក្នុងការបង្ការទប់ស្កាត់ បង្ក្រាបបទល្មើសព្រៃឈើ។
នៅក្នុងលិខិតនោះឲ្យដឹងទៀតថា៖ «របាយការណ៍នេះត្រូវប្រជុំឆ្លងគណៈបញ្ជាការឯកភាពរដ្ឋបាលរាជធានី ខេត្តសាម៉ី និងត្រូវផ្ញើមកដល់ក្រសួងមហាផ្ទៃ ឲ្យបានមុនថ្ងៃ ទី២០ ខែកក្កដា ឆ្នាំ២០១៤»។
កាលពីថ្ងៃ ទី២៤ ខែមេសា ឆ្នាំ២០១៤ ទីស្តីការគណៈរដ្ឋមន្ត្រី បានចេញ ស.ជ.ណ ស្តីពីករណីសំណើសុំគោលការណ៍លើវិធានការនានា ដើម្បីលើកកម្ពស់ការគ្រប់គ្រងការប្រើប្រាស់និងការអភិរក្សធនធាន ព្រៃឈើ ជលផល និងតំបន់ការពារធម្មជាតិប្រកបដោយប្រសិទ្ធភាពនិងនិរន្តរភាព។
លោក ឈឹម សាវុធ នាយកប្រតិបត្តិអង្គការការពារនិងអភិរក្សធនធានធម្មជាតិបានថ្លែងឲ្យ ដឹងថា អ្វីដែលក្រសួងធ្វើនោះគឺជារឿងដដែលៗគ្មានអ្វីដែលថ្មីនិងប្លែក នោះទេ ពីព្រោះក្រសួងគ្រាន់តែចង់បង្ហាញទៅសាធារណៈជនឲ្យដឹងថា ក្រសួងក៏បានខិតខំយកចិត្តទុកដាក់អំពីការកាប់បំផ្លាញព្រៃឈើដែរ។
លោកថា៖ «ប្រសិនបើរដ្ឋាភិបាលចង់ទប់ស្កាត់បទល្មើសព្រៃឈើពិតប្រាកដមែននោះ វាមិនពិបាកទេ ពីព្រោះបទល្មើសព្រៃឈើដឹកទាំងឡានធំៗមិនមានការលាក់បាំងដូច គ្រឿងញៀននោះទេ ប៉ុន្តែមន្ត្រីទាំងនោះមិនហានធ្វើដោយសារតែអ្នកដែលរកស៊ីឈើនោះ មានឋានៈធំនៅក្នុងជួររដ្ឋាភិបាល»។
លោកថ្លែងថា ចំពោះក្រសួងមហាផ្ទៃនេះលោកបានធ្វើរបាយការណ៍ដាក់ជូនម្តងរួចទៅ ហើយដោយប្រាប់ទាំងឈ្មោះនិងទីតាំងប្រព្រឹត្តបទល្មើសប៉ុន្តែបាន ត្រឹមឆ្លើយបំភ្លឺវិញថា ឈើទាំងអស់ដែលក្រុមហ៊ុនឧកញ៉ា ទ្រី ភាព ដឹកនោះគឺជាឈើស្របច្បាប់ដែលបានទិញពីរដ្ឋាបាលព្រៃឈើ។
ឆេង គឹមស៊ុន ប្រតិភូរាជរដ្ឋាភិបាល ទទួលបន្ទុកប្រធានរដ្ឋបាលព្រៃឈើ ពុំអាចទំនាក់ទំនងដើម្បីសុំការអត្ថាធិប្បាយបានទេ។
យោងទៅតាមរបាយការណ៍បូកសរុបការងារកសិកម្ម រុក្ខាប្រមាញ់ និងនេសាទប្រចាំ ឆ្នាំ ២០១២-២០១៣ បានឲ្យដឹងថា ក្នុងរយៈពេល ៥ឆ្នាំ ចាប់តាំងពី ឆ្នាំ២០០៨ ដល់ ឆ្នាំ២០១២ រដ្ឋបាលព្រៃឈើបានដាំឈើឡើងវិញចំនួនសរុបចំនួន ៨០ ៦៩៣ ហិកតា ដើម្បីបង្កើនគម្របព្រៃឈើលើផ្ទៃដីរេចរឹលនិងស្តារព្រៃឈើឡើងវិញ ស្របពេលដែលអង្គការក្រៅរដ្ឋាភិបាលបានលើកឡើងថា ព្រៃរបស់ ប្រទេសកម្ពុជា បានធ្លាក់ចុះពីប្រហែល ៧២ ភាគរយនៃផ្ទៃប្រទេស ក្នុង ឆ្នាំ១៩៧៣ មកនៅត្រឹមតែប្រហែល ៤៦ ភាគរយប៉ុណ្ណោះ ក្នុង ឆ្នាំ២០១៣៕
យោងទៅតាមលិខិតដែលចុះហត្ថលេខាដោយលោក ស ខេង កាលពីថ្ងៃ ទី៤ ខែកក្កដា បានឲ្យដឹងថា ជម្រាបឯកឧត្តមអភិបាល និងជាប្រធានគណៈបញ្ជាការឯកភាពរដ្ឋបាល រាជធានី ខេត្ត មេត្តាជ្រាបថា ដើម្បីមានមូលដ្ឋានធ្វើសេចក្តីរាយការណ៍ជូនប្រមុខរាជរដ្ឋាភិបាល អំពីវិធានការការពារធនធានព្រៃឈើ ជលផល និងតំបន់ការពារធនធានធម្មជាតិនានា ក្រសួងមហាផ្ទៃ ស្នើឯកឧត្តមរៀបចំរបាយការណ៍ ជាលាយលក្ខណ៍អក្សរអំពីការអនុវត្តអនុក្រឹត្យ អំពីការបង្ការ ទប់ស្កាត់ បង្ក្រាបបទល្មើសព្រៃឈើ ជលផល និងតំបន់ការពារធនធានធម្មជាតិនានា។
នៅក្នុងលិខិតនោះឲ្យដឹងថា៖ «វាយតម្លៃអំពីសកម្មភាពការកាប់បំផ្លាញព្រៃឈើ បទល្មើសជលផល ក្នុងទូទាំងខេត្តនិងតំបន់ដែលកំពុងមានសកម្មភាព។ ខេត្តដែលមានច្រកទ្វារព្រំដែន និងច្រករបៀង ស្នើរាយការណ៍អំពីសកម្មភាពដឹកជញ្ជូនឈើទាំងស្របច្បាប់និងមិនស្រប ច្បាប់ ព្រមទាំងវិធានការរបស់អាជ្ញាធរ»។
នៅក្នុងលិខិតថា រាយការណ៍ចំនួនដេប៉ូទិញ លក់ឈើ និងសិប្បកម្មកែច្នៃឈើដែលមានច្បាប់និងគ្មានច្បាប់ វិធានការគ្រប់គ្រងរបស់អាជ្ញាធរនិងអនុសាសន៍ សំណូមពរនានាពាក់ព័ន្ធវិធានការការពារធនធានព្រៃឈើ ជលផលនិងតំបន់ការពារធម្មជាតិនានា និងបញ្ហាប្រឈមក្នុងការបង្ការទប់ស្កាត់ បង្ក្រាបបទល្មើសព្រៃឈើ។
នៅក្នុងលិខិតនោះឲ្យដឹងទៀតថា៖ «របាយការណ៍នេះត្រូវប្រជុំឆ្លងគណៈបញ្ជាការឯកភាពរដ្ឋបាលរាជធានី ខេត្តសាម៉ី និងត្រូវផ្ញើមកដល់ក្រសួងមហាផ្ទៃ ឲ្យបានមុនថ្ងៃ ទី២០ ខែកក្កដា ឆ្នាំ២០១៤»។
កាលពីថ្ងៃ ទី២៤ ខែមេសា ឆ្នាំ២០១៤ ទីស្តីការគណៈរដ្ឋមន្ត្រី បានចេញ ស.ជ.ណ ស្តីពីករណីសំណើសុំគោលការណ៍លើវិធានការនានា ដើម្បីលើកកម្ពស់ការគ្រប់គ្រងការប្រើប្រាស់និងការអភិរក្សធនធាន ព្រៃឈើ ជលផល និងតំបន់ការពារធម្មជាតិប្រកបដោយប្រសិទ្ធភាពនិងនិរន្តរភាព។
លោក ឈឹម សាវុធ នាយកប្រតិបត្តិអង្គការការពារនិងអភិរក្សធនធានធម្មជាតិបានថ្លែងឲ្យ ដឹងថា អ្វីដែលក្រសួងធ្វើនោះគឺជារឿងដដែលៗគ្មានអ្វីដែលថ្មីនិងប្លែក នោះទេ ពីព្រោះក្រសួងគ្រាន់តែចង់បង្ហាញទៅសាធារណៈជនឲ្យដឹងថា ក្រសួងក៏បានខិតខំយកចិត្តទុកដាក់អំពីការកាប់បំផ្លាញព្រៃឈើដែរ។
លោកថា៖ «ប្រសិនបើរដ្ឋាភិបាលចង់ទប់ស្កាត់បទល្មើសព្រៃឈើពិតប្រាកដមែននោះ វាមិនពិបាកទេ ពីព្រោះបទល្មើសព្រៃឈើដឹកទាំងឡានធំៗមិនមានការលាក់បាំងដូច គ្រឿងញៀននោះទេ ប៉ុន្តែមន្ត្រីទាំងនោះមិនហានធ្វើដោយសារតែអ្នកដែលរកស៊ីឈើនោះ មានឋានៈធំនៅក្នុងជួររដ្ឋាភិបាល»។
លោកថ្លែងថា ចំពោះក្រសួងមហាផ្ទៃនេះលោកបានធ្វើរបាយការណ៍ដាក់ជូនម្តងរួចទៅ ហើយដោយប្រាប់ទាំងឈ្មោះនិងទីតាំងប្រព្រឹត្តបទល្មើសប៉ុន្តែបាន ត្រឹមឆ្លើយបំភ្លឺវិញថា ឈើទាំងអស់ដែលក្រុមហ៊ុនឧកញ៉ា ទ្រី ភាព ដឹកនោះគឺជាឈើស្របច្បាប់ដែលបានទិញពីរដ្ឋាបាលព្រៃឈើ។
ឆេង គឹមស៊ុន ប្រតិភូរាជរដ្ឋាភិបាល ទទួលបន្ទុកប្រធានរដ្ឋបាលព្រៃឈើ ពុំអាចទំនាក់ទំនងដើម្បីសុំការអត្ថាធិប្បាយបានទេ។
យោងទៅតាមរបាយការណ៍បូកសរុបការងារកសិកម្ម រុក្ខាប្រមាញ់ និងនេសាទប្រចាំ ឆ្នាំ ២០១២-២០១៣ បានឲ្យដឹងថា ក្នុងរយៈពេល ៥ឆ្នាំ ចាប់តាំងពី ឆ្នាំ២០០៨ ដល់ ឆ្នាំ២០១២ រដ្ឋបាលព្រៃឈើបានដាំឈើឡើងវិញចំនួនសរុបចំនួន ៨០ ៦៩៣ ហិកតា ដើម្បីបង្កើនគម្របព្រៃឈើលើផ្ទៃដីរេចរឹលនិងស្តារព្រៃឈើឡើងវិញ ស្របពេលដែលអង្គការក្រៅរដ្ឋាភិបាលបានលើកឡើងថា ព្រៃរបស់ ប្រទេសកម្ពុជា បានធ្លាក់ចុះពីប្រហែល ៧២ ភាគរយនៃផ្ទៃប្រទេស ក្នុង ឆ្នាំ១៩៧៣ មកនៅត្រឹមតែប្រហែល ៤៦ ភាគរយប៉ុណ្ណោះ ក្នុង ឆ្នាំ២០១៣៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567