ព្រៃនៅកន្ទុយនាគជិត ២ ម៉ឺនហិកតាត្រូវដាក់ជាតំបន់ការពារ
រតនគិរីៈ
ផ្ទៃដីតំបន់កន្ទុយនាគទំហំជិតពីរម៉ឺនហិកតាក្នុងឧទ្យានជាតិ
វីរជ័យ ត្រូវបានដាក់ជាតំបន់ការពារធនធានធម្មជាតិ
នឹងអាចប្រែក្លាយជាតំបន់ទេសចរណ៍បែបធម្មជាតិ
ដោយមានការឧបត្ថម្ភថវិកាជាងមួយលានដុល្លារពីសហភាពអឺរ៉ុប
បន្ទាប់ពីព្រៃឈើក្នុងតំបន់នេះ
បានទទួលរងនូវការកាប់បំផ្លាញយ៉ាងធ្ងន់ធ្ងរ។
អគ្គនាយកដ្ឋានរដ្ឋបាលការពារ និងអភិរក្សធម្មជាតិនៃក្រសួងបរិស្ថាន លោក ចាយ សាមិត្ត កាលពីម្សិលមិញបានចុះហត្ថលេខាលើកិច្ចព្រមព្រៀងជាមួយតំណាងសហគមន៍ ចំនួន ៥ ដោយទុកព្រៃសហគមន៍ទាំងនោះ ជាតំបន់ការពារធម្មជាតិ ដែលស្ថិតនៅក្នុងឧទ្យានជាតិក្រោមគម្រោងឧបត្ថម្ភថវិកាជាង ១ លានដុល្លាររយៈពេល ៥ ឆ្នាំរបស់សហភាពអឺរ៉ុប។ តំបន់សហគមន៍ទាំងប្រាំនេះ រួមមាន អូរចាយ អូរទុង អូរតាបូក មណ្ឌលយ៉ន និង អួតខាំផា ដែលត្រូវបានបង្កើតឡើងកាលពី ឆ្នាំ២០០២ មានទំហំសរុបចំនួន ១៨៣៩៥ ហិកតាដែលមានជនជាតិដើមភាគតិចរស់នៅចំនួន ១៣៤៦ គ្រួសារស្មើនឹង ៥៧៥៦ នាក់។
លោក សាយ សំអាល់ រដ្ឋមន្ត្រីក្រសួងបរិស្ថានដែលធ្វើជាអធិបតីក្នុងការចុះកិច្ចព្រម ព្រៀងនេះបានថ្លែងថា កិច្ចព្រមព្រៀងនេះ ជាការទទួលស្គាល់ជាផ្លូវការស្របតាមច្បាប់របស់រដ្ឋាភិបាលចំពោះ សហគមន៍ និងពលរដ្ឋដែលកំពុងរស់នៅក្នុងតំបន់នោះ។
លោកបញ្ជាក់ថា៖ «ឧទ្យានជាតិ វីរជ័យ មានសារៈសំខាន់ណាស់ ដោយសារមាន ធនធាន និងជីវចម្រុះច្រើនប្រភេទ ហើយការបង្កើតនិងរៀបចំសហគមន៍តំបន់ការពារធនធានធម្មជាតិនេះ គឺជាការលើកទឹកចិត្ត និងថែរក្សាវប្បធម៌បងប្អូនជនជាតិដើមភាគតិច»។
លោក សាយ សំអាល់ បានឲ្យដឹងថា លោកបានសហការជាមួយក្រសួងទេសចរណ៍ ក្នុងការប្រែក្លាយសហគមន៍ និងការពារធនធានធម្មជាតិមួយចំនួន ជាតំបន់ទេសចរណ៍។
លោកបន្ថែមថា៖ «យើងចង់បញ្ចៀសបងប្អូននៅសហគមន៍ទាំងអស់នេះឲ្យងាកចេញពីការពឹង ផ្អែកលើអនុផលព្រៃឈើទៅធ្វើជាអ្នកបម្រើសេវាទេសចរណ៍ ធ្វើកសិកម្ម ឬចិញ្ចឹមសត្វវិញដើម្បីជួយកសាងសេដ្ឋកិច្ចសហគមន៍ ហើយអាចឈរដោយខ្លួនឯងបាននៅថ្ងៃណាមួយពេលអស់គម្រោងសហភាពអឺរ៉ុប នេះ»។
លោក ហ្សង់ ហ្វ្រង់ស័រ កូតាំង ឯកអគ្គរដ្ឋទូតសហភាពអឺរ៉ុប បានថ្លែងក្នុងឱកាសនោះថា រដ្ឋាភិបាលកម្ពុជា មានទស្សនវិស័យច្បាស់លាស់ក្នុងការអភិវឌ្ឍប្រកបដោយចីរភាពក្នុង ខេត្តរតនគិរី នេះ។ ប៉ុន្តែវាក៏មានការប្រឈមខ្ពស់ផងដែរក្នុងការអភិវឌ្ឍប្រកបដោយ ចីរភាពនោះ ដូចជា ការគ្រប់គ្រងហិរញ្ញវត្ថុ និងការកាត់បន្ថយភាពក្រីក្រ។
លោកបន្តថា៖ «សកម្មភាពរបស់យើងសំខាន់បំផុត គឺដើម្បីធ្វើការអភិវឌ្ឍសម្រាប់ប្រជាពលរដ្ឋ ពិសេសគឺយើងចង់អភិវឌ្ឍវិស័យធនធានធម្មជាតិ ប្រកបដោយចីរភាព»។ លោកបន្តថា វាមានការលំបាកណាស់បើសិនជាសហគមន៍នៅតែបន្តកាប់ព្រៃឈើនិង បរបាញ់សត្វដោយសារតែភាពក្រីក្ររបស់ពួកគេ។
លោក នួន ម៉ុល អាយុ ៥៣ឆ្នាំ តំណាងសហគមន៍តំបន់ការពារធម្មជាតិទាំងប្រាំនេះ បានប្តេជ្ញាថែរក្សា និងការពារតំបន់ទាំងនោះ ដោយបន្តចូលរួមទប់ស្កាត់បទល្មើសព្រៃឈើដែលកំពុងកើតមាននៅទីនោះ។ ព្រៃឈើនៅតំបន់កន្ទុយនាគបានទទួលរងការកាប់បំផ្លាញស្ទើរគ្មានសល់ ចាប់តាំងពី ឆ្នាំ២០០៤ មក។ លោក នួន ម៉ុន បានឲ្យដឹងថា រហូតមកដល់ពេលនេះ បទល្មើសព្រៃឈើ ក្នុងសហគមន៍នៃឧទ្យានជាតិ វីរជ័យ នៅតែបន្តកើតមាន។
លោកថ្លែងថា៖ «ក្រុមហ៊ុនដីសម្បទានសេដ្ឋកិច្ច ដែលនៅជាប់នឹងដីសហគមន៍បានចូលកាប់ឈើក្នុងព្រៃសហគមន៍។ លើសពីនោះ មានឈ្មួញទិញម៉ាស៊ីនអារឈើជាង ១០ គ្រឿងឲ្យពលរដ្ឋខ្លះចូលកាប់ឈើយកទៅលក់ឲ្យពួកគេ»។
ឧទ្យានជាតិវីរជ័យ មានព្រំប្រទល់ជាប់នឹង ប្រទេសវៀតណាម ហើយបើយោងតាមឯកសារអង្កេតមួយដែល ភ្នំពេញ ប៉ុស្តិ៍ ទទួលបានពីអង្គការ អាដហុក កាលពីថ្ងៃម្សិលមិញបានឲ្យដឹងថា មានជនជាតិ វៀតណាម ជាច្រើនបានឆ្លងដែនចូលមកកាប់ឈើនៅឧទ្យាននេះ ចាប់តាំងពី ឆ្នាំ២០០៤ មក។
ការអង្កេតនេះ បានបញ្ជាក់ទៀតថា៖ «ជនល្មើសដែលកាប់ឈើជាជនជាតិ វៀតណាម បានប្រើប្រាស់គ្រឿងចក្រ និងរថយន្តជាច្រើនគ្រឿង ហើយមន្រ្តីអភិរក្ស មិនអាចទប់ស្កាត់បានទេ ដោយសារតែមានគ្នាតិចពេក»។
លោក ឆាយ ធី អ្នកសម្របសម្រួលអង្គការសិទ្ធិមនុស្ស អាដហុក ខេត្តរតនគិរី បានឲ្យដឹងថា មានក្រុមហ៊ុនចំនួន ៤ បានទទួលដីសម្បទានសេដ្ឋកិច្ចនៅតំបន់កន្ទុយនាគ មានដូចជាក្រុមហ៊ុន ទ្រី ភាព អាន ម៉ាឌី ក្រុមហ៊ុន វៀតណាម ក្រុងប៊ុក និងក្រុមហ៊ុនចិន ជីងចុងតាន។
លោកបញ្ជាក់ថា៖ «អស់ហើយឈើគ្រញូងនៅ វីរជ័យ នេះ។ ឥឡូវចាប់ផ្តើមកាប់ឈើប្រភេទមានតម្លៃផ្សេងទៀតក៏ជិតអស់ដែរ ដោយសារតែអសមត្ថភាព និងការបណ្តែតបណ្តោយឲ្យបទល្មើសកើតឡើង របស់មន្រ្តីអភិរក្សបរិស្ថាន»។
ទាក់ទងទៅនឹងបញ្ហានេះ លោក សាយ សំអាល់ ថ្លែងថា ក្រសួង កំពុងតែរកវិធានការទប់ស្កាត់។ លោករដ្ឋមន្រ្តីបន្តថា៖ «វាជាបញ្ហាមួយដែលមិនងាយស្រួលទេ វាពិបាក។ យើងកំពុងរិះរកមធ្យោបាយនិងរៀបចំផែនការមួយចំនួន ចំពោះរឿងនេះ តែខ្ញុំមិនអាចនិយាយបានទេនៅពេលនេះ»៕
អគ្គនាយកដ្ឋានរដ្ឋបាលការពារ និងអភិរក្សធម្មជាតិនៃក្រសួងបរិស្ថាន លោក ចាយ សាមិត្ត កាលពីម្សិលមិញបានចុះហត្ថលេខាលើកិច្ចព្រមព្រៀងជាមួយតំណាងសហគមន៍ ចំនួន ៥ ដោយទុកព្រៃសហគមន៍ទាំងនោះ ជាតំបន់ការពារធម្មជាតិ ដែលស្ថិតនៅក្នុងឧទ្យានជាតិក្រោមគម្រោងឧបត្ថម្ភថវិកាជាង ១ លានដុល្លាររយៈពេល ៥ ឆ្នាំរបស់សហភាពអឺរ៉ុប។ តំបន់សហគមន៍ទាំងប្រាំនេះ រួមមាន អូរចាយ អូរទុង អូរតាបូក មណ្ឌលយ៉ន និង អួតខាំផា ដែលត្រូវបានបង្កើតឡើងកាលពី ឆ្នាំ២០០២ មានទំហំសរុបចំនួន ១៨៣៩៥ ហិកតាដែលមានជនជាតិដើមភាគតិចរស់នៅចំនួន ១៣៤៦ គ្រួសារស្មើនឹង ៥៧៥៦ នាក់។
លោក សាយ សំអាល់ រដ្ឋមន្ត្រីក្រសួងបរិស្ថានដែលធ្វើជាអធិបតីក្នុងការចុះកិច្ចព្រម ព្រៀងនេះបានថ្លែងថា កិច្ចព្រមព្រៀងនេះ ជាការទទួលស្គាល់ជាផ្លូវការស្របតាមច្បាប់របស់រដ្ឋាភិបាលចំពោះ សហគមន៍ និងពលរដ្ឋដែលកំពុងរស់នៅក្នុងតំបន់នោះ។
លោកបញ្ជាក់ថា៖ «ឧទ្យានជាតិ វីរជ័យ មានសារៈសំខាន់ណាស់ ដោយសារមាន ធនធាន និងជីវចម្រុះច្រើនប្រភេទ ហើយការបង្កើតនិងរៀបចំសហគមន៍តំបន់ការពារធនធានធម្មជាតិនេះ គឺជាការលើកទឹកចិត្ត និងថែរក្សាវប្បធម៌បងប្អូនជនជាតិដើមភាគតិច»។
លោក សាយ សំអាល់ បានឲ្យដឹងថា លោកបានសហការជាមួយក្រសួងទេសចរណ៍ ក្នុងការប្រែក្លាយសហគមន៍ និងការពារធនធានធម្មជាតិមួយចំនួន ជាតំបន់ទេសចរណ៍។
លោកបន្ថែមថា៖ «យើងចង់បញ្ចៀសបងប្អូននៅសហគមន៍ទាំងអស់នេះឲ្យងាកចេញពីការពឹង ផ្អែកលើអនុផលព្រៃឈើទៅធ្វើជាអ្នកបម្រើសេវាទេសចរណ៍ ធ្វើកសិកម្ម ឬចិញ្ចឹមសត្វវិញដើម្បីជួយកសាងសេដ្ឋកិច្ចសហគមន៍ ហើយអាចឈរដោយខ្លួនឯងបាននៅថ្ងៃណាមួយពេលអស់គម្រោងសហភាពអឺរ៉ុប នេះ»។
លោក ហ្សង់ ហ្វ្រង់ស័រ កូតាំង ឯកអគ្គរដ្ឋទូតសហភាពអឺរ៉ុប បានថ្លែងក្នុងឱកាសនោះថា រដ្ឋាភិបាលកម្ពុជា មានទស្សនវិស័យច្បាស់លាស់ក្នុងការអភិវឌ្ឍប្រកបដោយចីរភាពក្នុង ខេត្តរតនគិរី នេះ។ ប៉ុន្តែវាក៏មានការប្រឈមខ្ពស់ផងដែរក្នុងការអភិវឌ្ឍប្រកបដោយ ចីរភាពនោះ ដូចជា ការគ្រប់គ្រងហិរញ្ញវត្ថុ និងការកាត់បន្ថយភាពក្រីក្រ។
លោកបន្តថា៖ «សកម្មភាពរបស់យើងសំខាន់បំផុត គឺដើម្បីធ្វើការអភិវឌ្ឍសម្រាប់ប្រជាពលរដ្ឋ ពិសេសគឺយើងចង់អភិវឌ្ឍវិស័យធនធានធម្មជាតិ ប្រកបដោយចីរភាព»។ លោកបន្តថា វាមានការលំបាកណាស់បើសិនជាសហគមន៍នៅតែបន្តកាប់ព្រៃឈើនិង បរបាញ់សត្វដោយសារតែភាពក្រីក្ររបស់ពួកគេ។
លោក នួន ម៉ុល អាយុ ៥៣ឆ្នាំ តំណាងសហគមន៍តំបន់ការពារធម្មជាតិទាំងប្រាំនេះ បានប្តេជ្ញាថែរក្សា និងការពារតំបន់ទាំងនោះ ដោយបន្តចូលរួមទប់ស្កាត់បទល្មើសព្រៃឈើដែលកំពុងកើតមាននៅទីនោះ។ ព្រៃឈើនៅតំបន់កន្ទុយនាគបានទទួលរងការកាប់បំផ្លាញស្ទើរគ្មានសល់ ចាប់តាំងពី ឆ្នាំ២០០៤ មក។ លោក នួន ម៉ុន បានឲ្យដឹងថា រហូតមកដល់ពេលនេះ បទល្មើសព្រៃឈើ ក្នុងសហគមន៍នៃឧទ្យានជាតិ វីរជ័យ នៅតែបន្តកើតមាន។
លោកថ្លែងថា៖ «ក្រុមហ៊ុនដីសម្បទានសេដ្ឋកិច្ច ដែលនៅជាប់នឹងដីសហគមន៍បានចូលកាប់ឈើក្នុងព្រៃសហគមន៍។ លើសពីនោះ មានឈ្មួញទិញម៉ាស៊ីនអារឈើជាង ១០ គ្រឿងឲ្យពលរដ្ឋខ្លះចូលកាប់ឈើយកទៅលក់ឲ្យពួកគេ»។
ឧទ្យានជាតិវីរជ័យ មានព្រំប្រទល់ជាប់នឹង ប្រទេសវៀតណាម ហើយបើយោងតាមឯកសារអង្កេតមួយដែល ភ្នំពេញ ប៉ុស្តិ៍ ទទួលបានពីអង្គការ អាដហុក កាលពីថ្ងៃម្សិលមិញបានឲ្យដឹងថា មានជនជាតិ វៀតណាម ជាច្រើនបានឆ្លងដែនចូលមកកាប់ឈើនៅឧទ្យាននេះ ចាប់តាំងពី ឆ្នាំ២០០៤ មក។
ការអង្កេតនេះ បានបញ្ជាក់ទៀតថា៖ «ជនល្មើសដែលកាប់ឈើជាជនជាតិ វៀតណាម បានប្រើប្រាស់គ្រឿងចក្រ និងរថយន្តជាច្រើនគ្រឿង ហើយមន្រ្តីអភិរក្ស មិនអាចទប់ស្កាត់បានទេ ដោយសារតែមានគ្នាតិចពេក»។
លោក ឆាយ ធី អ្នកសម្របសម្រួលអង្គការសិទ្ធិមនុស្ស អាដហុក ខេត្តរតនគិរី បានឲ្យដឹងថា មានក្រុមហ៊ុនចំនួន ៤ បានទទួលដីសម្បទានសេដ្ឋកិច្ចនៅតំបន់កន្ទុយនាគ មានដូចជាក្រុមហ៊ុន ទ្រី ភាព អាន ម៉ាឌី ក្រុមហ៊ុន វៀតណាម ក្រុងប៊ុក និងក្រុមហ៊ុនចិន ជីងចុងតាន។
លោកបញ្ជាក់ថា៖ «អស់ហើយឈើគ្រញូងនៅ វីរជ័យ នេះ។ ឥឡូវចាប់ផ្តើមកាប់ឈើប្រភេទមានតម្លៃផ្សេងទៀតក៏ជិតអស់ដែរ ដោយសារតែអសមត្ថភាព និងការបណ្តែតបណ្តោយឲ្យបទល្មើសកើតឡើង របស់មន្រ្តីអភិរក្សបរិស្ថាន»។
ទាក់ទងទៅនឹងបញ្ហានេះ លោក សាយ សំអាល់ ថ្លែងថា ក្រសួង កំពុងតែរកវិធានការទប់ស្កាត់។ លោករដ្ឋមន្រ្តីបន្តថា៖ «វាជាបញ្ហាមួយដែលមិនងាយស្រួលទេ វាពិបាក។ យើងកំពុងរិះរកមធ្យោបាយនិងរៀបចំផែនការមួយចំនួន ចំពោះរឿងនេះ តែខ្ញុំមិនអាចនិយាយបានទេនៅពេលនេះ»៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567