រថយន្តរបស់ក្រុមហ៊ុន ទ្រី ភាព ចូលដឹកឈើនៅក្នុង ខេត្តរតនគិរី។ ហេង ជីវ័ន
ក្រុមហ៊ុន ទ្រី ភាព ឲ្យដីមករដ្ឋវិញក្រោយពីកាប់ឈើអស់
ភ្នំពេញៈ ខណៈពេលដែលក្រសួងបរិស្ថាន
បាននឹងកំពុងរៀបចំបង្កើតយន្តការថ្មីមួយទៀតក្នុងការពិនិត្យ
សកម្មភាពរបស់ក្រុមហ៊ុនដីសម្បទានសេដ្ឋកិច្ច
និងសិប្បកម្មកែច្នៃឈើនៅទូទាំងប្រទេសនោះ ក្រុមហ៊ុន ទ្រី ភាព
បានប្រគល់ដីសម្បទានសេដ្ឋកិច្ចរបស់ខ្លួនចំនួន ២
ម៉ឺនហិកតាមកឲ្យក្រសួងវិញ។
រដ្ឋមន្រ្តីក្រសួងបរិស្ថាន លោក សាយ សំអាល់ បានមានប្រសាសន៍ក្នុងសន្និសីទសារព័ត៌មានស្តីពីការងារគ្រប់គ្រង វិស័យបរិស្ថាននៅកម្ពុជាកាលពីម្សិលមិញថា ដីសម្បទាន ២ ម៉ឺនហិកតាដែលក្រុមហ៊ុន ទ្រី ភាព ទទួលបានពីរដ្ឋាភិបាលនៅតំបន់ កន្ទុយនាគ ក្នុងឧទ្យានជាតិ វីរជ័យ ក្នុង ខេត្តរតនគិរី និង ស្ទឹងត្រែង នោះត្រូវបានប្រគល់មកឲ្យក្រសួងបរិស្ថានគ្រប់គ្រងវិញនៅក្នុង អាណត្តិដែលលោកធ្វើជារដ្ឋមន្រ្តីក្រសួងបរិស្ថានចាប់តាំងពី ឆ្នាំ២០១៣ មក។
លោកបញ្ជាក់ថា៖ «ក្រុមហ៊ុន ទ្រី ភាព បានប្រគល់ដី ២ ម៉ឺនហិកតានៅតំបន់ កន្ទុយនាគ មកវិញ ហើយក្រសួងបានដាក់ដីព្រៃនោះជាដីអភិរក្សវិញដែរ។ ក្រៅពីនេះយើងកំពុងបន្តត្រួតពិនិត្យមើលក្រុមហ៊ុនផ្សេងទៀត»។
លោករដ្ឋមន្រ្តីមិនបានបញ្ជាក់ប្រាប់ពីមូលហេតុដែលក្រុមហ៊ុន ទ្រី ភាព ប្រគល់ឲ្យវិញនោះទេ។ ក្នុងបំណងអភិរក្សជីវចម្រុះ លោករដ្ឋមន្រ្តីបានមានប្រសាសន៍ថា ក្រសួងបាននិងកំពុងរៀបចំធ្វើយន្តការមួយ ដើម្បីពិនិត្យមើលទៅលើសកម្មភាពរបស់ក្រុមហ៊ុនសម្បទានសេដ្ឋកិច្ច ការប្រមូលនិងដឹកជញ្ជូនអនុផលព្រៃក្នុងដីសម្បទានសេដ្ឋកិច្ច និងលើសិប្បកម្មកែច្នៃឈើផងដែរ។ ក្នុងនោះក៏មានចូលរួមជាមួយនឹងក្រសួងកសិកម្ម ក្រសួងដែនដី ក្រសួងមហាផ្ទៃ និងដៃគូអភិវឌ្ឍន៍ផងដែរ។
លោកថា៖ «យើងនឹងជំរុញឲ្យក្រុមហ៊ុនធ្វើទៅតាមផែនការមេ។ គ្មានឆន្ទៈធ្វើ ឬខ្វះដើមទុននោះ យើងនឹងដកមកវិញ ផ្ទេរទៅជាដីអភិរក្សវិញ»។
លោក សាយ សំអាល់ បានបញ្ជាក់ថា៖ «បង់ពន្ធមុនសិនចៀសវាងកាប់ហើយដុតចោល។ រីឯរឿងសិប្បកម្មកែច្នៃឈើក៏ត្រូវរៀបចំ និងត្រួតពិនិត្យឡើងវិញដែរ។ យើងត្រូវដឹងអត្តសញ្ញាណថា ឈើហ្នឹងវាមកពីណា។ សិប្បកម្មថា ទិញពីដីសម្បទាន តែកន្លងមកវាពិបាកក្នុងការគ្រប់គ្រងរឿងនេះ»។
ក្រសួងបរិស្ថាន កសិកម្ម និងរៀបចំដែនដីបាននិងកំពុងរៀបចំធ្វើផែនទីឯកភាពរួមមួយដែរ ដើម្បីឈានទៅរកការចុះបញ្ជីដីរដ្ឋទាំងអស់។ ក្នុងនោះដីសម្បទានគឺនឹងចុះមុនគេបង្អស់។ ប៉ុន្តែការធ្វើផែនទីឯកភាពនេះ វាទាមទារពេលវេលាយូរតំបន់ខ្លះត្រូវហោះថតពីលើ និងយកទៅផ្ទៀតផ្ទាត់នៅនឹងដីជាក់ស្តែងទៀត។
លោក ឆាយ ធី អ្នកសម្របសម្រួលអង្គការសិទ្ធិមនុស្ស អាដហុក ខេត្តរតនគិរី បានឲ្យដឹងថា ដីព្រៃជិត ១០ ម៉ឺនហិកតាក្នុងឧទ្យានជាតិ វីរជ័យ ត្រូវបានប្រគល់ឲ្យក្រុមហ៊ុនប្រមាណជា ១០។
ក្នុងនោះក៏មានក្រុមហ៊ុន ទ្រី ភាព ផងដែរ។ លោកបានកត់សម្គាល់ឃើញថា ក្រុមហ៊ុន ទ្រី ភាព មិនឃើញមានធ្វើការអភិវឌ្ឍលើដីនោះ ហើយក្រោយមកមានព័ត៌មានថា ក្រុមហ៊ុនបានប្រគល់ដីទៅឲ្យរដ្ឋាភិបាលវិញ។
រដ្ឋាភិបាលបានផ្តល់ដីសម្បទានសេដ្ឋកិច្ចដល់ក្រុមហ៊ុនបរទេសនិង ក្នុងស្រុកចំនួន ៣០ ក្នុង ខេត្តរតនគិរី ដែលមានផ្ទៃដីសរុបចំនួន ១៣៥ ៥៦៥,៧៣ ហិកតា។ ក្នុងនោះមានក្រុមហ៊ុនស្ថិតក្រោមការគ្រប់គ្រងរបស់ក្រសួងកសិកម្ម ចំនួន ១៨ មានផ្ទៃដីចំនួន ១០០ ៥៥២,៧៣ ហិកតា។ ចំណែកឯ ១២ ក្រុមហ៊ុនទៀតស្ថិតក្រោមការគ្រប់គ្រងរបស់ក្រសួងបរិស្ថានមានផ្ទៃ ដី ៨២ ៦៥៥ ហិកតា៕
រដ្ឋមន្រ្តីក្រសួងបរិស្ថាន លោក សាយ សំអាល់ បានមានប្រសាសន៍ក្នុងសន្និសីទសារព័ត៌មានស្តីពីការងារគ្រប់គ្រង វិស័យបរិស្ថាននៅកម្ពុជាកាលពីម្សិលមិញថា ដីសម្បទាន ២ ម៉ឺនហិកតាដែលក្រុមហ៊ុន ទ្រី ភាព ទទួលបានពីរដ្ឋាភិបាលនៅតំបន់ កន្ទុយនាគ ក្នុងឧទ្យានជាតិ វីរជ័យ ក្នុង ខេត្តរតនគិរី និង ស្ទឹងត្រែង នោះត្រូវបានប្រគល់មកឲ្យក្រសួងបរិស្ថានគ្រប់គ្រងវិញនៅក្នុង អាណត្តិដែលលោកធ្វើជារដ្ឋមន្រ្តីក្រសួងបរិស្ថានចាប់តាំងពី ឆ្នាំ២០១៣ មក។
លោកបញ្ជាក់ថា៖ «ក្រុមហ៊ុន ទ្រី ភាព បានប្រគល់ដី ២ ម៉ឺនហិកតានៅតំបន់ កន្ទុយនាគ មកវិញ ហើយក្រសួងបានដាក់ដីព្រៃនោះជាដីអភិរក្សវិញដែរ។ ក្រៅពីនេះយើងកំពុងបន្តត្រួតពិនិត្យមើលក្រុមហ៊ុនផ្សេងទៀត»។
លោករដ្ឋមន្រ្តីមិនបានបញ្ជាក់ប្រាប់ពីមូលហេតុដែលក្រុមហ៊ុន ទ្រី ភាព ប្រគល់ឲ្យវិញនោះទេ។ ក្នុងបំណងអភិរក្សជីវចម្រុះ លោករដ្ឋមន្រ្តីបានមានប្រសាសន៍ថា ក្រសួងបាននិងកំពុងរៀបចំធ្វើយន្តការមួយ ដើម្បីពិនិត្យមើលទៅលើសកម្មភាពរបស់ក្រុមហ៊ុនសម្បទានសេដ្ឋកិច្ច ការប្រមូលនិងដឹកជញ្ជូនអនុផលព្រៃក្នុងដីសម្បទានសេដ្ឋកិច្ច និងលើសិប្បកម្មកែច្នៃឈើផងដែរ។ ក្នុងនោះក៏មានចូលរួមជាមួយនឹងក្រសួងកសិកម្ម ក្រសួងដែនដី ក្រសួងមហាផ្ទៃ និងដៃគូអភិវឌ្ឍន៍ផងដែរ។
លោកថា៖ «យើងនឹងជំរុញឲ្យក្រុមហ៊ុនធ្វើទៅតាមផែនការមេ។ គ្មានឆន្ទៈធ្វើ ឬខ្វះដើមទុននោះ យើងនឹងដកមកវិញ ផ្ទេរទៅជាដីអភិរក្សវិញ»។
លោក សាយ សំអាល់ បានបញ្ជាក់ថា៖ «បង់ពន្ធមុនសិនចៀសវាងកាប់ហើយដុតចោល។ រីឯរឿងសិប្បកម្មកែច្នៃឈើក៏ត្រូវរៀបចំ និងត្រួតពិនិត្យឡើងវិញដែរ។ យើងត្រូវដឹងអត្តសញ្ញាណថា ឈើហ្នឹងវាមកពីណា។ សិប្បកម្មថា ទិញពីដីសម្បទាន តែកន្លងមកវាពិបាកក្នុងការគ្រប់គ្រងរឿងនេះ»។
ក្រសួងបរិស្ថាន កសិកម្ម និងរៀបចំដែនដីបាននិងកំពុងរៀបចំធ្វើផែនទីឯកភាពរួមមួយដែរ ដើម្បីឈានទៅរកការចុះបញ្ជីដីរដ្ឋទាំងអស់។ ក្នុងនោះដីសម្បទានគឺនឹងចុះមុនគេបង្អស់។ ប៉ុន្តែការធ្វើផែនទីឯកភាពនេះ វាទាមទារពេលវេលាយូរតំបន់ខ្លះត្រូវហោះថតពីលើ និងយកទៅផ្ទៀតផ្ទាត់នៅនឹងដីជាក់ស្តែងទៀត។
លោក ឆាយ ធី អ្នកសម្របសម្រួលអង្គការសិទ្ធិមនុស្ស អាដហុក ខេត្តរតនគិរី បានឲ្យដឹងថា ដីព្រៃជិត ១០ ម៉ឺនហិកតាក្នុងឧទ្យានជាតិ វីរជ័យ ត្រូវបានប្រគល់ឲ្យក្រុមហ៊ុនប្រមាណជា ១០។
ក្នុងនោះក៏មានក្រុមហ៊ុន ទ្រី ភាព ផងដែរ។ លោកបានកត់សម្គាល់ឃើញថា ក្រុមហ៊ុន ទ្រី ភាព មិនឃើញមានធ្វើការអភិវឌ្ឍលើដីនោះ ហើយក្រោយមកមានព័ត៌មានថា ក្រុមហ៊ុនបានប្រគល់ដីទៅឲ្យរដ្ឋាភិបាលវិញ។
រដ្ឋាភិបាលបានផ្តល់ដីសម្បទានសេដ្ឋកិច្ចដល់ក្រុមហ៊ុនបរទេសនិង ក្នុងស្រុកចំនួន ៣០ ក្នុង ខេត្តរតនគិរី ដែលមានផ្ទៃដីសរុបចំនួន ១៣៥ ៥៦៥,៧៣ ហិកតា។ ក្នុងនោះមានក្រុមហ៊ុនស្ថិតក្រោមការគ្រប់គ្រងរបស់ក្រសួងកសិកម្ម ចំនួន ១៨ មានផ្ទៃដីចំនួន ១០០ ៥៥២,៧៣ ហិកតា។ ចំណែកឯ ១២ ក្រុមហ៊ុនទៀតស្ថិតក្រោមការគ្រប់គ្រងរបស់ក្រសួងបរិស្ថានមានផ្ទៃ ដី ៨២ ៦៥៥ ហិកតា៕
No comments:
Post a Comment
Thank so much for your comments or idea
please contact us for more detail report
ouchleng@gmail.com
855-16705 567