Rattanakiri_Lumphat illegal logging

កម្លាំងចម្រុះដឹកនាំដោយ ព្រះរាជអាជ្ញារង ចុះបង្ក្រាបកន្លែងស្តុបឈើ ប្រណិតខុសច្បាប់

April 4, 2014 Posted in  ព័ត៌មានសង្គម Comments: No comments

ខេត្តរតនគិរីៈ ឈើប្រណិតប្រភេទធ្នង់ ចំនួន១៦៤ដុំស្មើរនឹង ៧,៣៩៩ម៉ែត្រគីប ត្រូវបានកម្លាំងចម្រុះ សហការរវាងរដ្ឋបាលព្រៃឈើ ផ្នែកលំផាត់ និងប៉ុស្តិ៍រដ្ឋបាលឃុំតឺន ដឹកនាំដោយលោក ម៉ម វណ្ណដា ព្រះរាជ្ញារងអមសាលាដំបូង ខេត្តរតនគិរី រុករកឃើញ ហើយធ្វើការរឹបអូស យកមករក្សាទុកនៅ ផ្នែករដ្ឋបាលព្រៃឈើ ​លំផាត់ស្ថិតនៅក្នុង សង្កាត់កាចាញ ក្រុងបានលុង ។
ការចុះបង្ក្រាបកន្លែង ស្តុបទុកឈើប្រណិត មួយកន្លែងនេះ ធ្វើឡើងនៅវេលាម៉ោង ៣និង៣០នាទីរសៀល ថ្ងៃទី៣១ ខែមិនា ឆ្នាំ២០១៤ ស្ថិតនៅចំណុច ចំការស្វាយចន្ទី ក្នុងភូមិតឺន ស្រុកកូនមុំ ។
មន្ត្រីរដ្ឋបាលព្រៃឈើ បានឲ្យដឹងថា មុនពេលឈានដល់ ការចុះបង្ក្រាប គឺទទួលបានពត៌មានពី​កម្លាំងបង្កប់រាយការណ៍ថា មានការលួចលាក់ ទុកឈើប្រណិតយ៉ាង អាណាធិបតេយ្យ នៅក្នុងព្រៃខាងលើ ទើបឈានដល់ការបង្ក្រាប និងរឹបអូសបានតែម្តង ។ ទាក់ទិននឹងការចុះបង្ក្រាប ឈើប្រណិតនេះ មិនឃើញម្ចាស់ឈើនៅឡើយទេ ព្រោះឈើប្រណិត ត្រូវបានលាក់ទុក ក្នុងព្រៃស្វាយចន្ទីចាស់ បម្រុងដឹកចេញទៅលក់ នៅប្រទេសវៀតណាម ដែលកំពុងតែមាន ហាងឆេងខ្ពស់ ៕

ដោយៈ តាំង ឧស្សា